MATTHAI 19:8 - Lai (Hakha) Common Language Bible 2006

⁸ Jesuh nih cun, “Moses nih nan nupile nan mak khawh hna tiah nawl an pek hna cu, chimh nan har tuk ruangah a si. Sihmanhsehlaw cuticun a hramthawknak caan ah cun a rak si lo.

Laibaibal Thiang (BSI)

⁸ Anih nih, “Nan lung a khon ruangah dah kaw, Moses nih mâknâk nawl an pêk hna cu, asinain a hramthawk ah cubantuk a rak si lo.

MATTHAI 19:8 ပူးပေါင်းရင်းမြစ်များ

GENESIS 2:24

Cucaah cun pei pa nih a nu le a pa a kaltak hna i a nupi he an i fonh i pum khat i an can hi a si cu.

GENESIS 7:7

Amah le a nupi, a fapale hna le an nupile hna cu buanchukcho in luat awkah lawng chungah cun an lut.

SALM 95:8

“Nan pupa hna kha Meribah ah lung hak in an rak um bang khan nannih cu um hlah u,

JEREMIAH 6:16

Hi bangin Bawipa nih a ti, “Lam tonnak ah khan dir tuah u law hlanlio lam kha kawl hna u, ‘Ṭhatnak ah a phanmi lam cu khuazei ah dah a si? tiah hal hna u. Cu lam cu zul u law nan caah dinhnak nan hmuh lai,’ ti hna u. Sihmanhsehlaw annih nih an i thawh i, ‘Cu lam cu kan zul lai lo,’ an ti.

ZEKHARIAH 7:12

An lungthin cu lung bantukin a hak: hlanlio profet hna thawngin a thlarau in ralkapbu Bawipa nih a cawnpiaknak hna kha i lak an duh lo; cucaah ralkapbu Bawipa thinhunnak ruangah cun fahnak kha an in.

MATTHAI 19:7

Cun Farasi mi hna nih cun, “A si kun ahcun, zeicahdah Moses nih, ‘Pa nih a nupi kha maknak ca pe seh law kalter seh,’ tiah nawl a kan pek kun?” tiah an hal.

MATTHAI 19:9

Cucaah hihi kan chimh hna: Ahohmanh nih a nupi kha, zumh awktlak loin a um ti ṭung lo ahcun, a mak i nu dang a ṭhit ahcun, nu le pa sualnak a tuah a si,” a ti.

MATTHAI 3:15

Sihmanhsehlaw Jesuh nih cun, “Atu cu hitihin si ko seh. Pathian nih tuah awk a si a timi paoh cu i tuah ko seh,” tiah a leh. Cucaah Johan cu a hna a tla ve.

MATTHAI 8:31

Khuachia nih cun Jesuh cu, “Kannih cu na kan chuah ding a si ahcun, vok chung tal ah khin kan luhter,” tiah an nawl.

MARKA 10:5

Jesuh nih cun a thawh hna i, “Moses nih hi nawlbia an ṭialpiak hna cu, nannih kha cawnpiak nan har tuk hringhran caah a si.

MARKA 16:14

A hmanung bik ah Jesuh cu a zultu pahleikhat hna sinah khan rawl an ei lioah a lang. Zumhnak an ngeih lo ruang le a nung in a hmumi hna chimmi kha an zumh khawh lo ruangah a sik hna.

1 KORIN 7:6

Hi kan chimhmi hna hi nawlbia bantukin kan ti hna lo, a onh in kan onh hna tu a si deuh.

1 SAMUEL 25:43

David nih Jezreel khuami Ahinoam zong kha a lak i an pahnih in a nupi ah an cang.