MATTHAI 19:29 - Lai (Hakha) Common Language Bible 2006

²⁹ Cun keimah ruangah a inn siseh, a lo siseh, a u siseh, a nau siseh, a farle si hna seh, a pa siseh, a nu siseh, a fale si hna seh, a kaltakmi hna cu a let za khat in a hmuh ṭhan lai i zungzal nunnak kha pek a si lai.

Laibaibal Thiang (BSI)

²⁹ Ka min ruangah inn, unau, farnu, nu le pa, fale hna le loram a kaltâkmi cu a letza in an hmu ṭhân lai i zungzal nunnâk zong an ngei lai.

MATTHAI 19:29 ပူးပေါင်းရင်းမြစ်များ

PHUNGCHIMTU 3:6

Kawl caan a um, thlau caan a um; chiah caan a um, hlonh caan a um;

MATTHAI 10:22

Mi kip nih nannih cu keimah ruangah an in huat hna lai, sihmanhsehlaw a dongh tiangin aa tlaih pengmi cu khamhnak nan hmu lai.

MATTHAI 13:23

Cun vawlei ṭhatnak hmun i a tlami thlaici cu Vancung Pennak kong kha a thei i a sullam zong a hngalmi kha an si. Thei kha an tlai i a cheu cu a let za khat in, a cheu cu a let sawm ruk in, a cheu cu a let sawm thum in an karh,” tiah a ti.

MATTHAI 13:8

Sihmanhsehlaw thlaici a cheu cu vawlei ṭhatnak ah an tla i a let za khat, a let sawm ruk, a let sawm thum in an vui,” a ti.

MATTHAI 16:25

Zeicahtiah ahohmanh, mah nunnak humhak a duhmi cu a nunnak kha a sung lai i keimah ruangah a nunnak a sungmi cu a nunnak a hmumi a si lai.

MATTHAI 19:16

Voi khat ah mipa pakhat cu Jesuh sinah khan a ra i, “Saya, zungzal nunnak co awkah thil ṭha zeidah ka tuah awk a si?” tiah a hal.

MATTHAI 25:34

Cun a orhlei i a ummi cu Siangpahrang nih cun a thawh hna lai i, ‘Nannih, ka Pa nih thluachuah a pekmi hna, ra tuah u. Ra u law vawlei ser ri in nan caah timh a simi pennak cu ra co tuah u.

MATTHAI 25:46

Hi hna cu zungzal hremhmun ah khan kalter an si lai: a dingmi cu zungzal nunnak ah khan an kal lai,” tiah a ti.

MATTHAI 5:11

“Nannih cu ka zultu nan si ruangah mi nih an in nihsawh hna i an in hrem hna i lih a phunphun an in puh hna tikah, nan caah lunglawmh awk a va si dah!

MATTHAI 6:33

Cucaah zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai.

LUKA 14:26

“Ahohmanh ka sinah a rami cu a pa siseh, a nu siseh, a nupi siseh, a fale si hna seh, a unau si hna seh, a farle si hna seh, amah le amah siseh, aa huat lo ahcun a ka zultu a si kho lo.

LUKA 5:11

Lawng cu tikam ah an hnuh i zeizong vialte kha an kaltak i Jesuh kha an zulh.

LUKA 6:22

Mi Fapa ruangah mi nih an in huat hna i an in hlawt hna i an in serhsat hna i miṭhalo an in ti hna tikah i lawm ko u.

JOHAN 15:19

Vawlei ta rak si u law cu, vawlei nih cun amah ta bantukin an dawt ko hna hnga. Sihmanhsehlaw keimah nih hi vawlei chung hin kan thim hna i amah ta nan si ti lo caah an huat hnanak cu a si.

JOHAN 4:36

Rianṭuantu nih a ṭuan man kha a hmuh lio cang i zungzal nunnak caah khan rawl kha a pum lio hna, cucaah a tuhtu le a zuntu kha an pahnih in hmunkhat ah an i lawm ṭi lai.

LAMKALTU 9:16

Cun keimah hrimhrim nih keimah ruangah a in lai dingmi thil vialte kha ka hmuhsak lai,” tiah a ti.

1 KORIN 2:9

Sihmanhsehlaw Cathiang nih, “Ahohmanh nih an hmuh bal lomi le an theih bal lomi, A si kho lai, tiah ahohmanh nih a ruah in an ruah bal lomi, Kha thengte kha Pathian nih amah a dawtu hna ca i a timhmi cu a si,” a ti bang khan a si taktak.

2 KORIN 5:16

Cucaah ahohmanh hi, minung rel in kan tah ti hna lo. Voi khat cu Khrih kha minung rel in kan rak tah ve, sihmanhsehlaw atu cu cu bantuk cun kan tah ti lo.

FILIPI 3:8

Cu lawng cu an si lo, a dang vialte zong kha sungh cikcek ah ka rel hna, cu thil hna nakin a sung deuh tukmi ka Bawipa Khrih Jesuh hngalhnak ruangah cun sungh cikcek ah ka rel hna. Khrih cu ka co khawh nakhnga le amah he cun kan i pehtlaih khawh nakhnga, Amah ruangah cun zeizong vialte hi ka hlonh dih hna, an dihlak in hnawmtam ah ka rel hna.

1 PETER 4:14

Khrih zultu nan si ruang i serhsatnak nan in ahcun, nan caah lunglawmh awk a va si dah; cu nih cun sunparnak a ngeimi Thlarau, Pathian Thlarau kha nan cungah a um, ti kha a langhter.

3 JOHAN 1:7

Zeicahtiah Khrih rian ṭuan awk khualtlawn ah khan, a zum lomi sinin bawmhnak zeihmanh la loin, an i thawh.