MATTHAI 19:28 - Lai (Hakha) Common Language Bible 2006

²⁸ Jesuh nih cun, “Chan Thar chungah Mi Fapa hi ka bawi ṭhutdan cung i ka ṭhut tikah nannih a ka zultu hleihnih hna zong hi Israel mi phun hleihnih kha an biaceihpiak awkah bawi ṭhutdan cungah nan ṭhu ve lai.

Laibaibal Thiang (BSI)

²⁸ Jesuh nih, “Biataktein kan chimh hna, sertharnâk ah, Mi Fapa hi a bawiṭhutdanh cung i a ṭhut tikah, nannih aka zultu hna hi, Israel phun hleihnih cungah biaceihtu siin, bawiṭhutdanh hleihnih cungah nan ṭhu ve lai.

MATTHAI 19:28 ပူးပေါင်းရင်းမြစ်များ

1 SIANGPAHRANG 18:31

Bawipa bia a sinah a phan i, “Na min cu Israel a si lai,” tiah a timi Jakob i a fapa hna an phun zat khan Elijah nih lung hlei hnih aa lak i

2 CHANRELNAK 9:19

lamhbak kam kip ah khan a lamhbak paruk in, chiandeih hleihnih an dir. Cu bantuk cu khuazei ram hmanh ah an ser bal lo.

EZRA 6:17

Hi Pathian inn pekchanhnak ah hin cawtum za khat, tuukawng za hnih le tuufa za li an pekchanh i Israel mi vialte sual thawinak caah Israel mi an phun ning zat in mehehtum hleihnih an pekchanh,

EXODUS 15:27

Cun Elim kha an va phan i cuka ah cun cerh pahleihnih le ungkung sawm sarih an rak um; cun ti pawngah khan an riak.

EXODUS 24:4

Moses nih Bawipa nawlbia vialte cu a ṭial hna. A thaizing zingkate ah tlang hram ah cun biakṭheng pakhat a ser i lungphun hleihnih, Israel miphun hleihnih caah khan a phun.

EXODUS 28:21

Lungvar cu hleihnih an si lai i an cungah khan Israel fapale min kha an i ṭial lai. Lungvar cu Israel fapa hna zat kha an si lai i lung khat cungah khan Israel fapa hna lak i pakhat min paoh kha aa ṭial lai, min khenhnak cung min ṭial bantuk khin ṭial an si lai.

ISAIAH 65:17

Bawipa nih aa thawh i, “Van thar le vawlei thar ka ser hna i hlanlio thil cu a philh in philh an si cang lai.

ISAIAH 66:22

“Ka lianhngannak thawngin vawlei thar le van thar cu an hmunh bantukin nan tefa hna le nan min cu an hmun ve lai.

LEVITIKAS 24:5

“Cun changvut dip na lak lai i changreu hlum hlei hnih in na ser lai; hlum khat ah ephah cheu hra cheu hnih lengmang a si lai.

MATTHAI 16:27

Mi Fapa hi ka Pa sunparnak in tuan ah ka vancungmi hna he ka ra lai i mi vialte kha an rian ṭuan ning cio in laksawng ka pek hna lai.

MATTHAI 19:27

Cun Peter nih khan a hun i thawh i, “Zeizong vialte kha kan kaltak i nangmah kha kan in zulh. Zeidah kan comi a si lai?” tiah a hal.

MATTHAI 20:21

“Zeidah na duh?” tiah Jesuh nih cun a hal i, “Siangpahrang na si tikah ka fapa pahnih hna hi na orhlei le na kehlei ah an ṭhutnak hnga, bia ka kam law ka duh,” tiah a leh.

MATTHAI 25:31

“Mi Fapa cu Siangpahrang in vancungmi vialte hna he a rat tikah a bawiṭhutdan cungah cun a ṭhu lai i

MATTHAI 6:33

Cucaah zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai.

MATTHAI 8:20

Jesuh nih cun, “Cenghngia nih kua an ngei i vate cu bu an ngei, sihmanhsehlaw Mi Fapa cu riahnak hmun hmanh a ngei lo,” tiah a leh.

MARKA 10:37

Annih nih, “A sunglawimi na Pennak chung i na bawiṭhutdan cung i na ṭhut tikah na sinah kan ṭhutter ve law kan duh, pakhat na orhlei kamah, pakhat na kehlei kamah,” tiah an ti.

LAMKALTU 3:21

Pathian nih a thiangmi a profet hna sinin hlan liopi ah a rak thanh cang bantukin, zei zong vialte a thar in ser caan a phak hlantiang vancung ah cun a um ko lai.

2TIMOTE 2:12

Kan in khawh peng ahcun, a uk zong amah he kan uk ṭi lai. Kan hlawt ahcun, amah zong nih a kan hlawt ve lai.

JOSHUA 3:12

Cucaah Israel miphun hna chungin mi hleihnih, phun khat chungin mi pakhat cio, nan lak hna lai.

2 PETER 3:13

Sihmanhsehlaw kannih cu Pathian nih a kan kamhmi van thar le vawlei thar, dinnak a umnak inn kha kan hngak.

BIAPHUAN 11:16

Cun Pathian hmaiah bawiṭhutdan cung i a ṭhumi upa kul le pali hna kha an kun i Pathian cu an biak.

BIAPHUAN 12:1

Cun van ah khin khuaruahhar a simi hmelchunhnak nganpi pakhat a lang. Minu pakhat a lang i a thuam ah nika a si; thlapa kha a ke in aa lamh i a lu ah arfi hleihnih bawiluchin aa chinh.

BIAPHUAN 20:4

Cun bawiṭhutdan hna le a cung i a ṭhumi hna kha ka hmuh hna; annih cu biaceihnak nawl kha pek an si. Jesuh nih a phuanmi biatak le Pathian bia an chim ruangah thahnak a ingmi thlarau hna zong kha ka hmuh hna. Sahrang kha an bia lo, a milem zong an bia lo, an cal le an ban zongah sahrang hmelchunhnak kha an ngei lo. An hung nung i Khrih he cun siangpahrang bantukin kum thong khat chung uktu bawi an si.

BIAPHUAN 21:5

Cun bawiṭhutdan i a ṭhumi nih cun, “Atu cu thil vialte kha a thar in ka ser dih cang hna,” a ti. A ka thawh i, “Hi bia hi ṭial hna, zeicahtiah ahmaanmi le zumhawktlak a simi bia an si,” a ti.

BIAPHUAN 22:2

Cu tivakam ah cun nunnak thingkung cu a um i kum khat ah voi hleihnih, thla khat ah voi khat lengmang thei a tlai; cun a hnah cu miphun vialte hna caah damnak a si.

BIAPHUAN 22:5

Zan a um ti lai lo i meiinn siseh, ni ceunak siseh, an herh ti lai lo, zeicahtiah Bawipa Pathian cu an ceunak a si lai i annih cu siangpahrang bantukin uktu zungzal in zungzal tiang an si lai.

BIAPHUAN 3:21

Keimah kha teitu ka si i ka Pa pawngah a bawiṭhutdan cungah ka ṭhut bantuk hin, teitu a simi cu ka bawiṭhutdan cung i ka pawngah ṭhutnak nawl kha ka pek hna lai.

BIAPHUAN 4:4

Bawiṭhutdan cu a velchum in bawiṭhutdan dang kul le pali nih an kulh i cu bawiṭhutdan hna cungah cun, puan rang aa aih i sui luchin aa chinhmi upa kul le pali an ṭhu.

BIAPHUAN 7:4

Cun an cal ah Pathian cakhenhnak in hmelchunhnak an khenhmi hna cu thong za khat le thong sawm li le thong li an si, Israel phun dihlak chungin an si, tiah an ka chimh.