MATTHAI 19:23 - Lai (Hakha) Common Language Bible 2006

²³ Jesuh nih a zultu cu a thawh hna i, “Vancung Pennak chung luh hi mirum caah cun a har ngaingai lai, tiah kan chimh hna.

Laibaibal Thiang (BSI)

²³ Jesuh nih lamkaltu hna sinah, “Biataktein kan chimh hna, mirum caah vanbawi pennâk chung i luh cu a har tak takmi a si.

MATTHAI 19:23 ပူးပေါင်းရင်းမြစ်များ

PHUNGTHLÛKBIA 11:28

A rumnak kha aa bochanmi cu a ṭil lai, sihmanhsehlaw miding cu thinghnah hring bantukin an hninghno lai.

MATTHAI 13:22

Hling lak i a tlami thlaici cu Vancung Pennak kong kha a theih cu a thei i sihmanhsehlaw hi vawlei cung khuasak tintuknak kong i lungretheihnak le chaw le va duhnak nih cu bia cu a thah i thei a tlai lomi hna kha an si.

MATTHAI 18:3

“Nannih cu nan i thlen i ngakchia bantuk ah nan i can lo ahcun Vancung Pennak chungah nan lut bal lai lo.

MATTHAI 19:22

Cu bia cu tlangval nih khan a theih tikah ngaihchia in a kal, zeicahtiah amah cu mirum ngaingai a si.

MATTHAI 21:31

A si ahcun, cu hna pahnih lakah khan aho nih dah an pa duhnak kha a tuah?” tiah a hal hna. Annih nih, “Upa u nih khan,” tiah an leh. Jesuh nih cun a thawh hna i, “Hihi kan chimh hna: Ngunkhuai khawltu hna le hlawhhlangnu hna nih Pathian Pennak chungah an in luhkanh cang hna lai hih.

MATTHAI 5:20

Cucaah Pathian nih tuah hna seh, ti an duhmi hna tuahnak ah, Phungbia cawnpiaktu saya hna le Farasi mi hna nakin nan fel deuh lo ahcun, Vancung Pennak chungah cun nan lut kho lai lo.

MARKA 10:23

Jesuh nih a zultu kha a zoh hna i, “Mirum mi caah cun Pathian Pennak chung luh hi a va har lai dah!” tiah a ti.

LUKA 18:24

Jesuh nih a ngaih a chiat kha a hmuh tikah aa thawh i, “Mirum caah cun Pathian Pennak chung i luh hi a va har hringhran dah.

JOHAN 3:3

Jesuh nih cun, “Biatak tein kan chimh: Ahohmanh hrin ṭhan a si lo ahcun Pathian Pennak kha a hmu kho lai lo,” tiah a leh.

JOHAN 3:5

Jesuh nih cun, “Biatak tein kan chimh: ahohmanh ti le thlarau in hrin a si lo ahcun Pathian Pennak chungah cun a lut kho lai lo.

LAMKALTU 14:22

Zumtu hna kha thazang an pek hna i nan zumhnak ah khan fek tein hmun ko u, tiah an forh hna. “Pathian Pennak chung luh awkah hin harnak tampi kan ton a hau,” tiah an cawnpiak hna.

1 KORIN 1:26

Ka u le ka naule hna, Pathian nih a rak in auh hna ah khan, zei bantuk mi nan si kha i philh hlah u. Minung hmuhning lei in ti ahcun, a fimmi le thil a ti khomi le upat hmaizah awk tlak a simi cu tlawmte lawnglawng nan rak si.

JEIM 2:6

Asinain nannih nih cun sifakmi cu nan zawmhtaih hna. Ahodah hremnak an petu hna le biaceihtu hmaiah an chuahpi tawntu hna kha an si? Mirummi an si lo maw?