MATTHAI 19:17 - Lai (Hakha) Common Language Bible 2006

¹⁷ Jesuh nih cun, “Zeicahdah ‘zei thil ṭha dah,’ timi cu na ka hal? A ṭhami cu pakhat lawng pei a um ko cu. Nunnak chung i luh na duh ahcun nawlbia kha tah na zulh ko hna,” tiah a leh.

Laibaibal Thiang (BSI)

¹⁷ Anih nih, “Zeiruangahdah ṭha tiah naka ti? Ṭha cu pakhat lawnglawng a um. Cucu Pathian a si. Nunnâk i luh naduh ahcun nawlpêk kha zul hna,” tiah a ti.

MATTHAI 19:17 ပူးပေါင်းရင်းမြစ်များ

NEHEMIAH 9:29

Cun na phungbia leiah khan merter awkah ralrinnak na pek hna. Sihmanhsehlaw porhlawt ngaiin thil an tuah i na nawlbia kha an ngai lo; na phunglam zulhnak thawngin nunnak a simi na phunglam tu kha an buar hna i an liang kha an i ṭhawnter i an hngawng kha an i rengh i na nawl ngaih kha an duh lo.

SALM 119:68

Zeitluk in dah na ṭhat i zeitluk in dah vel na ngeih! Na nawlbia cu ka cawnpiak tuah hna.

SALM 52:1

Mi liannganpa, zeicahdah ṭhat lonak na tuahmi cu naa porhlawt? Pathian dawtnak cu a fek ko.

EZEKIEL 20:21

“Sihmanhsehlaw an fapale hna zong nih cun an ka doh ṭhiamṭhiam. Ka nawlbia kha an zul hna lo i ka phunglam kha an tuah hna lo, pakhatkhat nih rak tuah hna seh law cu, cu thawng cun nunnak an hei hmuh ṭung hnga, ka sabbath kha an buar fawn hna. Cu tikah ramlak ah cun ka thinhun ka chuahhnawh hna lai i ka thinlinh ka hlinh ko hna lai dahra maw, tiah ka ruah ṭhan.

LEVITIKAS 18:5

Cucaah nannih nih ka nawlbia le ka phunglam kha nan ulh hna lai, cu tuahnak thawngin mi nih an nung lai: keimah hi Bawipa cu ka si.

ROM 10:5

Moses nih Nawlbia zulhnak thawngin Pathian he remnak hmuhnak kong ah a chimmi cu hitihin a si: “Nawlbia nih tuah u a timi a tuahmi paoh cu, cu an tuahnak thawng cun an nung lai,” a ti.

JEIM 1:17

Laksawng ṭha le laksawng tlamtling paohpaoh hi vancung in a rami an si; vancung i a ceumi thil a Sertu Pathian sinin a rami an si. Amah cu aa thleng lo, vancung thil ceu hna le cu thil ceu hna thladem cu an i thleng lengmang nain anih cu aa thleng bal lo.

1JOHAN 4:16

Cun kanmah hrimhrim nih Pathian nih a kan dawtnak cu kan hngalh i kan zumh. Pathian cu dawtnak a si i dawtnak chungah a ummi paoh cu Pathian chungah a um i a chungah Pathian a ummi a si.

1 SAMUEL 2:2

“Bawipa bantukin a thianghlim ahohmanh an um lo Nangmah hleiah ahohmanh an um lo; Kan Pathian bantuk lungpi zong an um lo.