MATTHAI 19:14 - Lai (Hakha) Common Language Bible 2006

¹⁴ Jesuh nih cun aa thawh i, “Ngakchia cu ka sinah ra ko hna seh, dawn hna hlah u; zeicahtiah Vancung Pennak cu hi bantuk mi hna ta hi pei a si cu,” tiah a ti.

Laibaibal Thiang (BSI)

¹⁴ Asinain Jesuh nih, “Ngakchia kha ka sinah ratter hna ulaw, dawn hna hlah u; zeitintiah vanbawi pennâk cu hibantuk hna caah hin a si,” tiah a ti.

MATTHAI 19:14 ပူးပေါင်းရင်းမြစ်များ

GENESIS 21:4

Isak cu ni riat a si tikah, Pathian nih a fial bang khan Abraham nih cun a cuarpar a tan.

MATTHAI 11:25

Khi caan ah khan Jesuh nih aa thawh i, “Maw ka Pa, van le vawlei a uktu. A fimmi le cathiammi hna sinin na thuhmi kha cathiam lomi hna sinah na langhter caah na cungah ka lawm.

MATTHAI 18:3

“Nannih cu nan i thlen i ngakchia bantuk ah nan i can lo ahcun Vancung Pennak chungah nan lut bal lai lo.

MATTHAI 19:15

An cungah a kut a chuan i a kal.

MATTHAI 5:10

Pathian nih tuah u, a timi tuah ruangah hremnak a ingmi cu lunglawmmi nan va si dah! Vancung Pennak cu nanmah ta a si.

MATTHAI 5:3

Mi chambau kan si ti aa hngalmi cu, lunglawmmi nan va si dah! Vancung Pennak cu nanmah ta a si.

MARKA 10:14

Cucu Jesuh nih a hmuh tikah a thin a hung i a zultu hna cu, “Ngakchia cu ka sinah ratter ko hna u. Pathian Pennak cu hi bantuk mi hna ta hi a si caah, annih cu kham hna hlah u.

MARKA 10:15

Mah hi philh hlah u. Pathian Pennak kha ngakchia nih an cohlan bantukin a cohlang lomi cu, ahohmanh Pathian Pennak chungah cun an lut lai lo,” tiah a ti.

1 KORIN 14:20

Ka u le ka nau hna, khua nan ruahning ah hin ngakchia bantuk si hlah u; ṭhat lonak kongah cun ngakchia bantuk si u, sihmanhsehlaw khuaruahning ah cun nutling patling si u.

BIACEIHTU 13:7

sihmanhsehlaw ka sinah, ‘Zohhmanh, fa na pawi lai i fapa na hrin lai; cucaah mitsur zu siseh a ṭhawngmi zu siseh ding hlah, cun a thianglo zong zeihmanh ei hlah, zeitintiah ngakchiapa cu a chuah ka in a thih tiang Pathian caah Nazir mi a si lai,’ a ti,” tiah a ti.

1 SAMUEL 1:11

Cun biatiamnak a tuah i, “Maw ralkapbu Bawipa, na salnu intuarnak hi na ka hmuhpiak i na ka cinken i, na salnu kha na philh lo i na salnu hi fapa na ka pek ahcun, a nun chung vialte amah cu Bawipa sinah ka pek lai i, luei nam nih a lu kha a tawng lai lo,” tiah a ti.

1 SAMUEL 1:22

Sihmanhsehlaw Hannah cu a hung kal lo, zeitintiah amah nih a va sinah cun, “Ngakchia hi hnuk ka thlei cangka in ka ratpi lai, Bawipa hmaiah a chuah i khika ah a um zungzal nakhnga,” tiah a ti.

1 SAMUEL 1:24

Cun hnuk a thlei dih in, kum thum a timi cawtum pakhat le changvut ephah pakhat le mitsur hang cua khat he tiah, amah sinah a hun i kalpi; Shiloh i Bawipa inn ah khan a ratpi; ngakchia cu a note ko.

1 SAMUEL 2:18

Asinain Samuel cu ngakchia si hmanh seh law Bawipa hmaiah la hmang ṭhia tlangbawi angki i aih in rian a ṭuan.