MATTHAI 19:13 - Lai (Hakha) Common Language Bible 2006

¹³ Mi zeimaw nih ngakchia kha Jesuh sinah khan an ratpi hna i, an cung i a kut chiah awk le thlacampiak hna awkah an nawl; sihmanhsehlaw a zultu nih khan an rak sik hna.

Laibaibal Thiang (BSI)

¹³ Cu cân ah an cungah kut a chuan i thla a campiak hna awkah ngakchia an ratpi i lamkaltu hna nih an rak sik hna.

MATTHAI 19:13 ပူးပေါင်းရင်းမြစ်များ

GENESIS 48:1

Cu hnu tlawmpal ah cun Josef cu, na pa a zaw, tiah an chimh. A fapa pahnih Manasseh le Efraim kha aa kalpi hna i a pa cu an va zoh.

JEREMIAH 32:39

Annih cu an nunning ah tinhmi pakhat lawngte ka pek hna lai: cucu anmah ca le an tefa hna ca i a ṭhami keimah ṭih zungzal kha a si lai.

MATTHAI 16:22

Peter nih a dang deuh ah khin a hei i kalpi i a mawhchiat. “Bawipa, hi thil cu Pathian nih na cungah tlunter sawh hlah seh,” tiah a ti.

MATTHAI 19:12

Mi nih nupi an ngeih khawh lonak sullam a dangdang a um cio: a cheu cu an i chuahpimi a si, a cheu cu mi nih cuticun an sermi an si; cun a cheu cu Vancung Pennak ruang hrimhrim i nupi ngei loin a ummi an si. Hi cawnpiaknak a zul khomi nih cun cuticun zul ko hna seh,” a ti.

MATTHAI 20:31

Mizapi nih cun an sik hna i dai u, tiah an ti hna. Sihmanhsehlaw thang chinchin in, “Maw David Fapa, kan zaangfah tuah, bawipa,” tiah an au.

LAMKALTU 2:39

Zeicahtiah Pathian nih bia a kamhmi hna cu nanmah hi le nan fale hna hi le lam hlat pipi i a ummi hna zong nan si — Bawipa kan Pathian nih an kawhmi hna paoh caah hin a si,” tiah a ti.

1 KORIN 7:14

Zeicahtiah a zummi a si lomipa cu a nupi he an i pehtlaihnak thawng khan Pathian cohlan awk tlak ah a cang i zumtu a si lomi nu cu a va Khrihfa a simi he an i pehtlaihnak thawngin Pathian cohlan awk tlak ah a cang. Hitihin rak si hlah seh law an fale cu lawkih fale bantuk an rak si hnga; asinain atu cu Pathian cohlan awk tlakmi an si.

1 SAMUEL 1:24

Cun hnuk a thlei dih in, kum thum a timi cawtum pakhat le changvut ephah pakhat le mitsur hang cua khat he tiah, amah sinah a hun i kalpi; Shiloh i Bawipa inn ah khan a ratpi; ngakchia cu a note ko.