MATTHAI 18:8 - Lai (Hakha) Common Language Bible 2006

⁸ “Nan kut nih siseh, nan ke nih siseh, an pialter hna ahcun, tan u law hlonh ko hna u! Kut pahnih, ke pahnih he zungzal mei chung i tlak nakin kut le ke loin nunnak chung i luh cu nan caah a ṭha deuh.

Laibaibal Thiang (BSI)

⁸ Na kut siseh, na ke siseh an thukter ahcun, tan law hlawnh ko; kut pahnih le ke pahnih he zungzal mei chung hlawnh nâk cha cun pum tling loin nunnâk i luh na caah a ṭha deuh.

MATTHAI 18:8 ပူးပေါင်းရင်းမြစ်များ

ISAIAH 30:22

Ngun nan hutmi nan siasal hna le sui nan hutmi nan siasal hna kha nan i lak hna lai i hmunhnawm hlonh in nan hlonh hna lai i, “In hmu ti hna hlah u sih,” nan ti hna lai.

ISAIAH 33:14

Zion i a ummi misual hna cu an thinphan tuk ah a ther in an ther. “Pathian biaceihnak cu zungzal in a alhmi mei bantuk a si. Cu bantuk mei cu kan lakah hin a celh kho kan um ngai hnga maw?” an ti.

EZEKIEL 18:31

Thil ṭhalo nan tuahmi kha hlonh hna u law lungthin thar le thlarau thar i lak u.

MATTHAI 17:27

Sihmanhsehlaw hi mi hna hi an thinhunter ka duh lo. Cucaah rili ah va kal law sio va thla, na sio hmasa bikmi nga kha a ka va keu law a ka chungah cun kan pahnih ca i a za ding tangka na hmuh lai; cun va kal law biakinn ngunkhuai cu va pe hna,” tiah a ti.

MATTHAI 25:41

“Cun a kehlei i a ummi hna cu, ‘Nannih, Pathian nih chiat a serhmi hna, kal ko u, Khuachia le a vancungmi hna ca i timh a simi zungzal mit lo mei chungah cun va kal ko u.

MATTHAI 25:46

Hi hna cu zungzal hremhmun ah khan kalter an si lai: a dingmi cu zungzal nunnak ah khan an kal lai,” tiah a ti.

LUKA 14:33

Cu bantuk ṭhiamṭhiam in nannih zong, nan ngeihmi vialte kha nan hlawt dih lo ahcun, ka zultu nan si kho lai lo,” tiah a ti hna.

LUKA 16:24

Cucaah a hun kawh i, “Ka pa Abraham, ka zaangfah tuah. Lazaruh kha hei thlah law a kutdong kha ti ah va hnim seh law ka lei ah hin run ka thlerh seh, zeicahtiah hi mei chungah hin ka ngan a fak tuk hringhran,” tiah a ti.

ROM 13:12

Zan cu a dih dengmang cang, khua a ceu dengmang cang. Muihnak thil a simi tuah kha ngol cang u si law ceunak chung i raldoh awkah hriamnam kha i lak u sih.

BIAPHUAN 14:10

Pathian zu, a thinhunnak zu, a thinhunnak hrai chung i ti cawh hrimhrim loin thletmi kha an din lai. Cu a dingmi vialte cu vancungmi mithiang hna le Tuufa hmaiah, mei chung le kat chungah, hrem an si lai.

BIAPHUAN 20:15

Nunnak cauk chungah an min aa ṭial lomi paoh cu mei tili chungah cun an paih hna.

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.