MATTHAI 18:6 - Lai (Hakha) Common Language Bible 2006

⁶ “Hi ngakchia tete pakhatkhat hi keimah an ka zumhnak in a pialtertu hna cu, an hngawng ah facang rialnak lungtum nganpi i thlaih hna seh law, rili chungah paih si hna seh law an caah a ṭha deuh hnga.

Laibaibal Thiang (BSI)

⁶ A ka zumtu lak i a hmebik zong a sualtertu pauh cu facang rialnâk lung a hngawng ah thlaih i rili a thuhnâk bik i pilter kha a caah a ṭha deuh.

MATTHAI 18:6 ပူးပေါင်းရင်းမြစ်များ

SALM 105:15

Aa thawh i, “Ka thimmi ka sal cu tawng hna hlah u, ka profet cu fahnak pe hna hlah u,” a ti.

ZEKHARIAH 13:7

Mah hihi ralkapbu Bawipa bia hrimhrim a si: “Maw vainam, ka tuukhal le keimah he rian a ṭuan ṭimi doh awkah i hlau tuah. Tuukhal kha tu law tuu cu i ṭhek hna seh, an fale kha ka kut ka lekhnawh hna lai,” a ti.

ZEKHARIAH 2:8

Nanmah an ramhtu hna miphun hna sinah khan ralkapbu Bawipa nih rian a ka fial tikah a chimmi bia cu hihi a si, nanmah an tawngtu hna cu anmah an mit falai aa tawngmi an si.

MATTHAI 17:27

Sihmanhsehlaw hi mi hna hi an thinhunter ka duh lo. Cucaah rili ah va kal law sio va thla, na sio hmasa bikmi nga kha a ka va keu law a ka chungah cun kan pahnih ca i a za ding tangka na hmuh lai; cun va kal law biakinn ngunkhuai cu va pe hna,” tiah a ti.

MATTHAI 18:10

“Hi ngakchia tete hi pakhat hmanh zawmhtaih hna hlah u. Annih a vengtu hna an vancungmi kha vancung khua ah ka Pa hmaika ah an um zungzal ko.

MATTHAI 18:14

Cu bantukte cun, vancung khua i a ummi nan Pa nih, hi ngakchia tete pakhatte hmanh hi tlauter a duh hna lo.

MATTHAI 18:5

Cun ngakchia hi bantuk pakhatkhat kha ka min in nan conglawmh hna ahcun, keimah nan ka conglawmh a si.”

MARKA 9:42

Keimah a ka zummi, hi ngakchia tete hna lak i pakhat hmanh hi, ka lam in a pialtertu cu, a hngawng ah facang rialnak lung tumpi thlaih i rili chung i thlak kha a caah a ṭha deuh.

LAMKALTU 9:5

“Ahodah na si, Bawipa?” tiah a leh. Aw nih cun, “Keimah cu na hremmi Jesuh ka si.

ROM 14:21

Cucaah sa ei i sum tehna, zu din i sum tehna, nan unau a tlukrilhtertu a si ding paohpaoh tuah i sum tehna kha ahmaanmi thil a si.