MATTHAI 18:15 - Lai (Hakha) Common Language Bible 2006

¹⁵ “Na unau pakhatkhat nih na cungah sualnak a tuah ahcun, amah sinah cun va kal law a sualnak cu va chim. Sihmanhsehlaw, a thli tein nanmah pahnih lawng theih in na va tuah lai. Na bia a ngaih ahcun, na unau ah na lak khawh ṭhan a si.

Laibaibal Thiang (BSI)

¹⁵ Cun na unau nih na cungah sualnâk a tuah ahcun, va kal law, amah le nangmah lawng nan si lio ah na chimhhrin lai. Na bia a ngaih ahcun, na unau na tei cang.

MATTHAI 18:15 ပူးပေါင်းရင်းမြစ်များ

SALM 141:5

Miṭha nih cun dawtnak in ka si hna seh law dan ka tat ko hna seh, sihmanhsehlaw miṭhalo nih cun ka lu ah sathau ka thuh hna hlah seh, zeicahtiah cu bantukin ka cungah an tuah ahcun, thil ṭhalo an tuahmi i aa tel vemi ah an ka ser khawh sual ai hnga.

PHUNGTHLÛKBIA 11:30

Dinnak theitlai cu nunnak thingkung a si, sihmanhsehlaw zaang-ennak cu nunnak thah kha a si.

LEVITIKAS 19:17

“Na unau cu na lungchung in na hua lai lo, sihmanhsehlaw na innpa cu na chimhhrin lai, amah ruangah sualnak na ing sual lai.

MATTHAI 18:14

Cu bantukte cun, vancung khua i a ummi nan Pa nih, hi ngakchia tete pakhatte hmanh hi tlauter a duh hna lo.

MATTHAI 18:21

Cun Peter cu Jesuh sinah khan a ra i, “Bawipa, ka unau pakhatkhat nih ka cungah sualnak tuah seh law voi zeizat dah ka ngaihthiam lai? Voi sarih tiang maw?” tiah a hal.

MATTHAI 18:35

“Nannih nih nan u nan nau kha nan lungchung taktak in nan ngaihthiam hna lo ahcun cu bantuk cun vancung khua i a ummi ka Pa nih nannih zong cu an tuah ve hna lai,” tiah a ti hna.

ROM 12:21

Ṭhat lonak kha i teiter hlah u, ṭhatnak tu in ṭhat lonak kha tei i zuam u.

1 KORIN 8:12

Cuticun nan unau hna cung i sualnak nan tuahnak thawng le a derthawmmi an chiaṭha thleidannak nan hliam hna ruangah cun Khrih cungah sualnak nan tuah a si.

2 KORIN 7:12

Cucaah kha ca kha kan kua ko hna nain, sualnak a tuahtupa le a cungah sualnak tuah a simipa kong kha biapi bik in ka ruahmi an si lo. Kaa tinhmi cu, zeitluk in dah nan ka ṭanh ti kha Pathian mithmuh i nan sin i fianter kha a si.

GALATI 6:1

Ka u le ka nau hna, pakhatkhat nih sualnak nan tuah sual tikah, a thlarau deuh pawl nih khan, lam dingah nan chiah ṭhan awk a si; cun cu ti nan tuah tikah nemnak tein nan tuah lai. Cun nanmah zong tukforhnak cu nan in sual venak hnga lo nan i ralring lai.

KOLOSE 3:13

Pakhat le pakhat lungsi lonak nan i ngeih tikah pakhat le pakhat i ngaithiam u law i bawm u. Bawipa nih an ngaihthiam hna bantukin pakhat le pakhat nan i ngaithiam lai.

1THESALON 4:6

Ahohmanh nih nan u nan nau kha an pawcawmnak rian ah hleng in deh hna hlah u, ningcang loin lemsoi hna hlah u; cu bantuk ṭhat lonak a tuahmi cu Pathian nih dan a tat hna lai tiah kan in chimh cang hna i fak piin ralrinnak kan in pek cang hna.

2 THESALON 3:15

Asinain ral bantukin zoh hna hlah u, unau bantukin chimhring hna u.

TITAS 3:10

Bu chung ṭhennak a chuahtertu kha, a tlawm bik ah voi hnih tal ralrinnak pe hna, cu hnuah cun chuah ko hna.

1 PETER 3:1

Cu bantuk ṭhiamṭhiam in nu nih nan vale kha an nawl nan ngaih hna awk a si. Cu ti nan tuah ahcun, nan vale lak i Pathian bia a zum lomi hna nih khan, nan ziaza a ṭhami thawng cun Pathian bia cu an zumh lai. Nan caah bia kaa khat chim zong a herh lai lo,