MATTHAI 17:6 - Lai (Hakha) Common Language Bible 2006

⁶ A zultu pawl nih aw kha an theih tikah an thin a phang tuk i vawlei ah an bawk.

Laibaibal Thiang (BSI)

⁶ Lamkaltu nih cucu an theih tikah, an ṭih tuk i an bawk.

MATTHAI 17:6 ပူးပေါင်းရင်းမြစ်များ

1 CHANRELNAK 21:16

Cun David nih khua a hun zoh i van le vawlei karah Bawipa vancungmi a dir kha a hmuh, a kut in vainam phawi cia aa put i Jerusalem lei kha a sawh. Khi tikah David le upa hna cu buri an i aih i vawlei ah an bawk.

EZEKIEL 3:23

Cucaah ka tho i nelrawn ah cun ka vung kal; khika ah cun Khebar tiva pawng i ka rak hmuh bantuk khan Bawipa sunparnak cu a rak um kha ka hmuh i ka bawk.

EZEKIEL 43:3

A mui ka hmuhmi cu khuapi kha hrawh awk i a rat lio i ka hmuhmi bantuk kha a si. Kebar tiva pawng i ka hmuhmi bantuk kha a si i vawlei ah ka bawk.

DANIEL 8:17

Gabriel cu a ra i ka pawngah khan a dir i ka ṭih tuk caah vawlei ah ka tlu. Sihmanhsehlaw a ka chawnh i, “Maw mipa, langhnak na hmuhmi hi vawlei donghnak kong a si,” tiah a ti.

LEVITIKAS 9:24

Cun Bawipa hmaika in mei a hung chuak i biakṭheng cung i khangh thawinak le thau cu a kangh hna; cun mi vialte nih khan an hmuh tikah an au i an bawk.

MATTHAI 17:5

Cu ti i bia a chim lioah cun a ceumi minmei nih a run zelh hna i minmei chung cun aw nih, “Hi pa hi ka dawtmi ka Fapa, ka lung a ka tong ngaingaimi a si, amah bia kha ngai u,” tiah a ti.

MATTHAI 17:7

Jesuh cu a ra i a tongh hna i, “Tho u, nan thin phang hlah u!” tiah a ti hna.

LAMKALTU 22:7

Vawlei ah ka tlu i aw pakhat nih a ka chawnh kha ka theih i, ‘Saul, Saul, zeicahdah na ka hrem?’ tiah a ti.

LAMKALTU 26:14

Kan dihlak in vawlei ah kan tlu i Hebru holh in aw pakhat nih a ka chawnh kha ka theih i, ‘Saul, Saul, zeicahdah na ka hrem? Fungzum chuih hi nangmah caah dah kaw a fah ko,’ tiah a ka ti.

2 PETER 1:18

Tlang thiang cung i amah sin kan um lioah, hi aw cu vancung in a run kha kanmah hrimhrim nih kan theih.

BIACEIHTU 13:20

Cun biakṭheng cungin meizik cu van i a kai lioah, Manoah le a nupi nih an zoh ko lioah khan, Bawipa vancungmi cu biakṭheng meizik chung cun a kai, cun vawlei ah an bawk.

BIACEIHTU 13:22

Cun Manoah nih a nupi sinah khan. “Kan thi ṭheoṭheo lai, Pathian kha kan hmuh caah,” tiah a ti.