MATTHAI 17:17 - Lai (Hakha) Common Language Bible 2006

¹⁷ Jesuh nih cun a leh i, “Nannih cu a zum kho lomi le a palhmi nan si hrimhrim ko. Zei can dah nan sinah ka um awk a herh lai? Zei can dah kan umpi hna a herh lai? Ngakchiapa cu ka sinah hin ratpi u,” tiah a ti hna.

Laibaibal Thiang (BSI)

¹⁷ Jesuh nih, “Maw, zumhnâk ngeilo le ningcang loin a nungmi hna, nan sinah zeicandah ka um ko rih lai? Zeicandah kan in ko rih hna lai? Amah cu ka sinah ratpi u,” tiah a ti.

MATTHAI 17:17 ပူးပေါင်းရင်းမြစ်များ

SALM 95:10

Kum sawm li chung awlok an ka chonh i, “Annih cu ka nawlbia a ngai duh lo i ka cungah zumhawktlak in a um duh lomi an si,’ ka ti.

EXODUS 10:3

Cucaah Moses le Aaron kha Faro sinah cun an va kal i, “Hebru mi Pathian Bawipa nih, ‘Zei can dah ka nawl zul duh loin na um lai? Ka mi hna cu an ka biak khawh nakhnga kalter hna.

EXODUS 16:28

Cu tikah Bawipa nih khan Moses cu a thawh i, “Zei can riamruam dah ka nawlbia le ka phunglam cu zul duh loin nan um lai?

PHUNGTHLÛKBIA 1:22

“Zei can dah maw mihrut rual hna, hruh kha nan duh rih ko lai? Zei can dah, mi nihsawh hmangmi hna, mi nihsawh kha a nuam nan ti lai i mihrut nih fimnak kha nan huat lai?

PHUNGTHLÛKBIA 6:9

Maw zaangthupa, zei can dah na ih ko lai? zeitik ah dah na ihnak in na thawh lai?

ISAIAH 19:14

Lungthin an cheuh hna tikah an lung a tuaitam chin tu dingin Bawipa nih lungthin a cheutu cu a umter hna. Cucaah cun Izipt cu a tuahmi paoh ah khan a palh lengmang i amah luak lila i a nalmi zuri bantukin a sawn lengmang.

JEREMIAH 4:14

Maw Jerusalem, palhnak na tuahmi kha na lung chungin i thianh law, Khamh na si ko rih hnga dah kaw! Zei can dah na ruahnak ṭhalo cu na chungah a cam lai?

NAMBAR 14:11

Bawipa nih Moses cu, “Mah mi hna nih hin zei can dah an ka zawmhtaih lai? Cun zei can dah zum loin an ka um lai, anmah lak i hmelchunhnak mah vialte ka tuah ko ṭung?

NAMBAR 14:27

“Zei can dah hi a ṭha lomi bu nih hin an ka zaihnawh lai? Israel mi an phunzainak, keimah cung i an phunzainak cu ka theih cang.

MATTHAI 13:58

Zumhnak an ngeih lo caah khika ah cun khuaruahharnak tampi a tuah lo.

MATTHAI 16:8

Jesuh nih an chimmi cu a hngalh i cucaah, “Changreu nan ngeih lo kong kha zeicahdah nan i ceih len ko? Nan zumhnak a va tlawm hringhran dah!

MATTHAI 17:16

Na zultu pawl sinah ka ratpi nain an damter kho lo,” tiah a ti.

MATTHAI 17:18

Jesuh nih khuachia cu, chuak, a ti i a chuak i cu caan thawk te cun ngakchiapa cu a dam colh.

MATTHAI 6:30

Sihmanhsehlaw ramlak ramkung, nihin ah a hring i thaizing ah meichung i an paihmi ramkung hna, a thuamhtu cu Pathian pei a si cu. Amah nih cun nannih chinchin cu thuamh loin an um hna hnga maw? Nan zumhnak a va hme hringhran dah!

MATTHAI 8:26

Jesuh nih cun, “Zeicahdah cu ti lawmmam cun nan thin a phan? Nan hei ka bochan lo hringhran dah!” tiah a leh hna. Cun a tho i thli le tilet cu nawl a pek hna i dai zirziar tein rili cu a um ṭhan.

MARKA 16:14

A hmanung bik ah Jesuh cu a zultu pahleikhat hna sinah khan rawl an ei lioah a lang. Zumhnak an ngeih lo ruang le a nung in a hmumi hna chimmi kha an zumh khawh lo ruangah a sik hna.

MARKA 9:19

Cun Jesuh nih cun, “Nan va zum lo hringhran dah! Zei can dah nan sinah hin ka um a herh rih lai? Zei can dah kaan in hna lai? Ngakchiapa cu ratpi u,” tiah a ti hna.

LUKA 24:25

Cun Jesuh nih cun a thawh hna i, “Nan va hrut thiam dah! Profet nih an chimmi zumh kha nan vaa harh hringhran dah.

LUKA 9:41

Jesuh nih cun a leh i, “Nan hei zum loin nan hei palh thiam dah. Zei can riamruam hen kan umpi hna a herh lai? Zei can dah kan in hna lai?” tiah a ti. Cun mipa cu aa thawh i, “Hika ah hin na fapa cu ratpi tuah,” tiah a ti.

JOHAN 20:27

Cun Thomas cu a thawh i, “Hika ah hin ra law ka kut hi zoh tuah hna; cun ka hnak kha ka tawng tuah. Zum loin um ti hlah, zum cang ko,” tiah a ti.

LAMKALTU 13:18

kum sawm li chung thetse ram ah khan a in hna.

LAMKALTU 2:40

Peter nih cun bia dang zong tampi a chimh hna i, “Hi chan ṭhalo cungah a tlung dingmi dantatnak hin luat i zuam ko u,” tiah a forh hna.

2 KORIN 11:1

Ka hruh deuh hmanh ah rak ka ing hram ko u!

DEUTERONOMI 32:5

Annih nih a cungah ṭhat lonak an tuah, An dotlak lonak thawngin a fale an si ti lo; Milolak le mizer chan an si.