MATTHAI 16:28 - Lai (Hakha) Common Language Bible 2006

²⁸ Hihi philh hlah u. Mi Fapa cu Siangpahrang bantukin ka rat nan ka hmuh hlan cu a thi lo dingmi hika ah hin nan um,” tiah a ti hna.

Laibaibal Thiang (BSI)

²⁸ Biataktein kan chimh hna, hika i a dirmi hna lakah hin, Mi Fapa a pennâk i a rat an hmuh hlan lo thihnâk a tep lo ding an um,” tiah a ti hna.

MATTHAI 16:28 ပူးပေါင်းရင်းမြစ်များ

MATTHAI 10:23

Cun khua pakhat i an in hrem hna tikah, khua dang ah va zaam ko u. Hihi kan chimh hna: Mi Fapa a rat hlanah, Israel ram khua dihlak kha nan ṭol dih manh hna lai lo.

MATTHAI 16:13

Jesuh cu Sisaria Filipi khua pawng ram ah khan a va kal i a zultu hna cu, “Mi nih Mi Fapa hi aho a si, an ka ti dah?” tiah a hal hna.

MATTHAI 24:3

Cun Jesuh cu Oliv Tlang i a ṭhut lioah khan a zultu hna kha anmah lawngte in an ra i, “Hihi zeitik ah dah a si lai? Cun na ratnak ding hmelchunhnak le atu chan donghnak ding hmelchunhnak ah zei thil dah a um hna lai?” tiah an hal.

MATTHAI 24:34

Mah hihi philh hlah u: Hi thil vialte hi atu i a nung lio mi an thih dih hlanah hin a tlung ko lai.

MATTHAI 24:42

Cucaah nan Bawipa a rat lai ni nan hngalh lo caah ralring tein um ko u.

MATTHAI 26:64

Jesuh nih cun, “Na chim ko cu ta. Sihmanhsehlaw nan dihlak in hihi kan chimh hna: Atu ri hin cun Mi Fapa hi, Cung Nung Bik orhlei i a ṭhut le khuadawm cungin a rat kha nan hmuh lai,” tiah a leh hna.

MATTHAI 8:20

Jesuh nih cun, “Cenghngia nih kua an ngei i vate cu bu an ngei, sihmanhsehlaw Mi Fapa cu riahnak hmun hmanh a ngei lo,” tiah a leh.

MARKA 13:26

Mi Fapa cu a lang lai i khuadawm chung khin lianhngannak le sunparnak he a ra lai.

MARKA 8:38

Atu chan, Pathian zei ah a rel lo i chan ṭhalo a simi chan ah hin, keimah le ka cawnpiaknak a ka zahpimi cu, Mi Fapa hi ka Pa sunparnak in vancung mithiang mi hna he ka rat tikah, ka zahpi ve hna lai,” tiah a ti hna.

MARKA 9:1

Cun a thawh hna i, “Biatak kan chimh hna, hika i a dirmi lakah hin, Pathian pennak a ṭhawnnak he a rat nan hmuh hlan cu, a thi lo dingmi tlawmpal nan um,” tiah a ti hna.

LUKA 18:8

Hihi kan chimh hna: anmah cu thiam a coh hna lai i cucu khulrang tein a tuah lai. Sihmanhsehlaw Mi Fapa nih a rat tikah vawlei ah hin zumhnak a hmu te hnga maw?” tiah a ti.

LUKA 2:26

Thiang Thlarau nih cun Bawipa biakamhmi Messiah na hmuh hlanah cun na thi lai lo, tiah a ti.

LUKA 9:27

Cun nannih nih hika ah hin, Pathian Pennak an hmuh hlan tiang a thi lo dingmi an um tiah kan chimhmi hna hi i cinken u,” tiah a ti.

JOHAN 21:22

Jesuh nih cun, “Ka rat ṭhan tiang a nun kha ka duh a si ah, cucu nang caah zeidah a poinak a um? A zulh tu ka zul ko,” tiah a leh.

JOHAN 8:51

Biatak kan chimh hna: Ka bia a zulmi cu zeitikhmanh ah an thi lai lo,” tiah a leh hna.

JOHAN 8:52

Judah mi nih cun an thawh i, “Atu cu khuachia na ngei hrimhrim ti kha fiang tein kan hngalh cang. Abraham cu a thi diam cang, profet hna zong kha an thi cang, asinain naa thawh i, ‘Ka bia a zulmi cu zeitikhmanh ah an thi lai lo,’ na ti.

LAMKALTU 1:11

“Galilee mi hna, zeicahdah van lei zoh in nan dir ko? Nan sinin van ah a kaimi Jesuh hi, van ah a kai nan hmuh bantukte hin a ra kir ṭhan lai,” tiah an ti hna.

1 KORIN 15:23

Asinain a ningcang tein a si lai: a hmasa bik ah Khrih, cun a rat caan ah Khrih ta a simi.

1THESALON 1:10

Pathian taktak a simi Pathian nung biak awk le vancung in a ra laimi a Fapa hngah awkah siasal biaknak in Pathian leiah nan i mer kha an chim i cu a fapa Jesuh cu thihnak in a thawhtermi le a ra liomi Pathian thinhunnak in a kan chanhtu kha a si.

HEBRU 2:9

A sullam cu Jesuh ah khan kan hmuh. Caan tawite chung cu vancungmi nak niam deuh ah khan a ser taktak i cucu Pathian vel thawngin mi vialte kan ca i a thihnak ding caah khan a si. Cun thihnak a inmi ruangah khan atu cu sunparnak le upatnak kha luchin ah chinh a si cang ti kha kan hmuh.

JEIM 5:7

Cucaah cun ka u le ka nau hna, Bawipa a rat hlantiang lungsau in um ko u. Lothlopa nih a lo in a sunglawimi rawl a chuah lai kha lungsau in a hngah tawn. Fur tlak lai le faruahthawh rat lai kha lungsau in a ngan.

2 PETER 1:16

Kan Bawipa Jesuh Khrih ṭhawnnak in a rat kha, kannih nih kan in chimh hna tikah, mi phuahchommi tuanbia ṭukṭak kha kan i rinhmi an si lo. A lianhngannak kha kan mit hrimhrim in kan hmuh.

1JOHAN 2:28

Asi, ka fale hna, amah chungah cun um ko u, nan um ahcun amah a hung langh tikah ralṭhatnak in nan khat lai i a rat Ni ah khan ningzak in i thuh nan herh lai lo.