MATTHAI 16:27 - Lai (Hakha) Common Language Bible 2006

²⁷ Mi Fapa hi ka Pa sunparnak in tuan ah ka vancungmi hna he ka ra lai i mi vialte kha an rian ṭuan ning cio in laksawng ka pek hna lai.

Laibaibal Thiang (BSI)

²⁷ Zeitintiah Mi Fapa hi a vanmi hna le a Pa sunparnâk he i thuamin a ra ṭhân lai, cu cân ah cun an tuahmi he â tlakin ṭuanman pêk an si te lai.

MATTHAI 16:27 ပူးပေါင်းရင်းမြစ်များ

JOB 34:11

Zeicahtiah mi cu an rianṭuanning bantukin a lehrulh hna i An ziaza ning bantukin an cungah a tlunter.

SALM 62:12

a ti kha voi khat nak tam ka theih. Bawipa, nangmah hrimhrim nih mi cu, an rianṭuanning in na lehrulh ko hna.

PHUNGTHLÛKBIA 24:12

Naa thawh i, “Hi pa hi ka rak hngalh bal ṭung lo,” na ti ahcun, na lungthin a hngaltu Pathian nih khan an chingchiah lai. Nangmah an zohkhenhtu Pathian nih a hngalh kha hngal ko law mi cu an tuahning khan a cham cio ko hna lai.

PHUNGCHIMTU 3:17

Ka lung chungin Pathian nih miding le miṭhalo cu aa khat rep in bia a ceih ko hna lai, zeicahtiah kan hmailei vawlei zong hmanh ah khin zeizong vialte hi anmahle an caan te cio ah an tling cio ko lai, ka ti.

JEREMIAH 17:10

Bawipa nih minung ruahnak cu ka dah dih i an lungthin cu ka zet dih, An tuahnak nih a phut ningin le an ziaza ning cio in ka cham hna.

JEREMIAH 32:19

Maw a lianngan i a ṭhawngmi Pathian, na min cu Ralkapbu Bawipa a si, naa tinhmi thil cu thil lianngan an si i na tuahnak cu khuaruahhar a si. Na mit nih mi an kalnak lam vialte cu a hmuh dih i annih cu an umtuning cio le an tuahmi thil nih hmuh awk aa tlakning cio khan na lehrulh hna.

EZEKIEL 18:20

A thi ding cu midang si loin a sualmi kha a si lai; a fa nih a pa sualnak kha aa hrawm lai lo, a pa zong nih a fapa sualnak kha aa hrawm lai lo. Miding mi nih a dinnak theitlai kha a hmuh lai i miṭhalo nih a ṭhat lonak theitlai kha a zun ve ko lai.

EZEKIEL 7:27

Siangpahrang cu a ṭap lai, bawi cu vansangau in an um lai i zapi cu ṭihnak in an kut a ther lai. Hmuh awkah an i tlakning in an cungah ka tuah lai i zeicahdah thil an tuahmi kha an tuah tiah ka hal hna lai; cun annih nih keimah cu Bawipa ka si kha an ka hngalh lai,” tiah a ti.

DANIEL 7:10

A rianṭuantu dingah mi a thongthong in an um i a hmaiah cun a nuainuai in an dir. Biaceihnak cu hun timh a si i cauk cu an hun kau hna.

ZEKHARIAH 14:5

Tlang hna karlak i nelrawn cu phih a si lai, zeicahtiah an karlak i horkuang thar cu Azal tiang a phan lai. Judah siangpahrang Uzziah chan ah lihnin nih a rak phih bantuk khan phih a si lai i Bawipa ka Pathian cu a mithiang vialte hna he khan an lang lai.

MATTHAI 13:41

Mi Fapa nih hin vancungmi kha a thlah hna lai i a Pennak chung i ṭhat lonak a tuahtu vialte hna le mi a sualtertu vialte hna kha an pumh hna lai i

MATTHAI 13:49

Chan donghnak ah cun cu bantuk cun a si lai: vancungmi kha an kal lai i miṭha mi hna lak khan miṭhalo mi kha an khawmh hna lai i

MATTHAI 24:30

Cun Mi Fapa hmelchunhnak kha van ah a lang lai; khi tikah vawlei cung miphun vialte kha an ṭap lai i Mi Fapa cu lianhngannak le sunparnak he vancung in a rat kha an hmuh lai.

MATTHAI 25:31

“Mi Fapa cu Siangpahrang in vancungmi vialte hna he a rat tikah a bawiṭhutdan cungah cun a ṭhu lai i

MATTHAI 26:64

Jesuh nih cun, “Na chim ko cu ta. Sihmanhsehlaw nan dihlak in hihi kan chimh hna: Atu ri hin cun Mi Fapa hi, Cung Nung Bik orhlei i a ṭhut le khuadawm cungin a rat kha nan hmuh lai,” tiah a leh hna.

MATTHAI 8:20

Jesuh nih cun, “Cenghngia nih kua an ngei i vate cu bu an ngei, sihmanhsehlaw Mi Fapa cu riahnak hmun hmanh a ngei lo,” tiah a leh.

MARKA 14:62

Jesuh nih, “Ka si. Cun Mi Fapa cu A Liannganmi Pathian orhlei kamah ka ṭhut i vancung khuadawm he ka rat kha na ka hmuh te lai,” tiah a ti.

MARKA 8:38

Atu chan, Pathian zei ah a rel lo i chan ṭhalo a simi chan ah hin, keimah le ka cawnpiaknak a ka zahpimi cu, Mi Fapa hi ka Pa sunparnak in vancung mithiang mi hna he ka rat tikah, ka zahpi ve hna lai,” tiah a ti hna.

LUKA 21:27

Cun Mi Fapa cu sunparnak le lianhngannak he khuadawm cung i a rat kha an hmuh lai.

LUKA 22:69

Sihmanhsehlaw atu hin cun Mi Fapa hi Lianngan Bik Pathian orhlei kamah ṭhutter ka si cang lai,” tiah a ti.

LUKA 9:26

Ahohmanh keimah le ka cawnpiaknak kha a kan zahpimi cu, Mi Fapa nih ka sunparnak le ka Pa le a thiangmi vancungmi hna sunparnak he ka rat tikah, ka zahpi ve hna lai.

JOHAN 21:22

Jesuh nih cun, “Ka rat ṭhan tiang a nun kha ka duh a si ah, cucu nang caah zeidah a poinak a um? A zulh tu ka zul ko,” tiah a leh.

JOHAN 21:23

Cu bia cu Jesuh zultu pawl sinah khan a thang i kha zultu kha a thi lai lo a ti duhnak a si, tiin a sullam an i lak. Sihmanhsehlaw Jesuh nih khan, a thi lai lo, tiah a chim lo; a chimmi cu, “Ka rat tiang a nun ka duh a si ah, cucu nang caah zeidah a poinak a um,” ti tu hi a si.

LAMKALTU 1:11

“Galilee mi hna, zeicahdah van lei zoh in nan dir ko? Nan sinin van ah a kaimi Jesuh hi, van ah a kai nan hmuh bantukte hin a ra kir ṭhan lai,” tiah an ti hna.

ROM 14:12

Cucaah kan dihlak hin Pathian hmaiah kan kong kan i chim cio a herh lai.

ROM 2:6

Pathian nih cun aho paoh kha an tuahmi ningin a rulh hna lai.

1 KORIN 15:23

Asinain a ningcang tein a si lai: a hmasa bik ah Khrih, cun a rat caan ah Khrih ta a simi.

1 KORIN 3:13

Cun an sakmi cio cu zeidah an lawh taktak ti kha Khrih Ni nih a langhter te hna lai. Zeicahtiah cu Ni mei nih cun an rianṭuanmi kha a hneksak cio hna lai i zeidah an lawh taktak ti cu mei nih cun a langhter lai.

1 KORIN 8:8

Rawl nih cun Pathian he kan i pehtlaihnak cu a ṭhatter deuh hlei lai lo; kan ei lo ah zeihmanh kan sung hlei lai lo, kan ei zongah zeihmanh kan miak hlei lai lo.

2 KORIN 5:10

Kannih cu kan dihlak in Khrih hmaiah kan chuak lai i amah nih bia a kan ceih lai. Kan pum in kan nun chung i a ṭha siseh, a chia siseh kan tuahning cio ah kannih nih kan hmuh lai.

EFESA 6:8

Bawipa nih mi vialte kha, sal an si zongah, miluat an si zongah, thil ṭha an tuahmi ruangah khan laksawng a pek cio hna lai, ti kha va hngal zungzal u.

KOLOSE 3:25

Cun thil ṭhalo a tuahtu cu thil ṭhalo a tuahmi ruangah khan aho a si hmanh ah a tuah man cu a hmuh ko lai. Pathian nih cun ahohmanh a duhdanh hna lo.

1THESALON 1:10

Pathian taktak a simi Pathian nung biak awk le vancung in a ra laimi a Fapa hngah awkah siasal biaknak in Pathian leiah nan i mer kha an chim i cu a fapa Jesuh cu thihnak in a thawhtermi le a ra liomi Pathian thinhunnak in a kan chanhtu kha a si.

1THESALON 4:16

Au thawng, vancungmi bawi bik au thawng, Pathian muko aw thawng cu a hung thang lai i Bawipa hrimhrim cu vancung khin a rung ṭum lai. Khrih zumh buin a rak thimi kha nunnak ah thawhter an si hmasa lai i

JEIM 5:7

Cucaah cun ka u le ka nau hna, Bawipa a rat hlantiang lungsau in um ko u. Lothlopa nih a lo in a sunglawimi rawl a chuah lai kha lungsau in a hngah tawn. Fur tlak lai le faruahthawh rat lai kha lungsau in a ngan.

1 PETER 1:17

Pathian sin i thla nan cam tikah, amah cu kan Pa tiah nan kawh; amah nih cun mi vialte kha an tuahning cio ah duhdanh zeihmanh um loin bia a ceih hna. Cu Pathian cu a sin i thla nan cam tikah, kan Pa, tiin nan kawh ṭung ahcun, hi vawleicung nan nun lioah hin amah upat bu tein nan um awk a si.

1JOHAN 2:28

Asi, ka fale hna, amah chungah cun um ko u, nan um ahcun amah a hung langh tikah ralṭhatnak in nan khat lai i a rat Ni ah khan ningzak in i thuh nan herh lai lo.

JUDAS 1:14

Cun Adam thawk in vun rel i paruknak a simi Enok nih khan hi hna kong cu hlanpi ah hitin a rak chim,

BIAPHUAN 1:7

Zohhmanh u, khuadawm sin khin a ra lio! Mi kip nih an hmuh lai, a rak chuntu hna zong nih khan an hmuh lai. Cun vawlei cung mi vialte cu a cung i an rak tuahmi kha i ngaichih in an ṭap lai. Cu ti hrimhrim cun a si lai! Amen.

BIAPHUAN 2:23

Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.

BIAPHUAN 20:12

Cun mithi mi kha, a ngan he a hme he, bawiṭhutdan hmai i an ṭhut kha ka hmuh. Cauk kha an kau hna, cun cauk a dang pakhat, nunnak cauk zong kha an kau ve. Mithi cu an rak tuahmi cauk chung i aa ṭialning khan an bia an ceih hna.