MATTHAI 16:24 - Lai (Hakha) Common Language Bible 2006

²⁴ Cun Jesuh nih a zultu cu a thawh hna i, “Ahohmanh nih zulh nan ka duh ahcun, nanmah le nanmah nan i philh i nan vailamtahnak nan i put i nan ka zulh a herh.

Laibaibal Thiang (BSI)

²⁴ Cuhnuah Jesuh nih a zultu hna sinah, “Zulh aka duhmi pauh nih, amah i hlawtin, a vailam putin ka zul seh.

MATTHAI 16:24 ပူးပေါင်းရင်းမြစ်များ

MATTHAI 10:38

Ahohmanh a vailam tahnak kha aa put i ka hnu in a ka zul lomi cu ka mi si awk aa tlak lo.

MATTHAI 27:32

Cun lam ah khan Sairin khuami Simon kha an ton i a vailam tahnak thing kha hramhram in an putter.

MARKA 10:21

Dawtnak lungthin he Jesuh nih dengteo in a vun zoh i, “Pakhat lawnglawng na bau, va kal law na ngeihmi thil vialte kha va zuar law tangka cu sifakmi kha va ṭhen hna, cun vancung ah rothil na ngei lai; cun ra law ka zul,” tiah a ti.

MARKA 15:21

Lampi ah mipa pakhat a min Simon a simi, khuate lei in Jerusalem leiah a kalmi kha an ton. Amah cu Jesuh vailam tahnak thing kha an hnek i an putter. (Hi Simon hi Sairin khuami Alekzandar le Rufas pa kha a si).

MARKA 8:34

Cun Jesuh nih mizapi le a zultu hna kha a auh hna i, “Zulh a ka duhmi paoh cu mah zawn aa ruat lomi nan si lai. Cun nan vailamtahnak kha nan i put lai i nan ka zulh lai.

LUKA 14:27

A vailam tahnak kha aa put i a ka zul lomi cu a ka zultu a si kho lo.

LUKA 23:26

Jesuh cu ralkap nih khan an kalpi i lampi ah khuate lei in khuapi ah a rami Sairin khuami Simon kha an ton. An tlaih i vailam tahnak kha an khinh i Jesuh hnulei khan an zulhter.

JOHAN 19:17

A vailamtahnak kha amah nih aa put i “Luruh Hmun” an timi kha an phan. (Hebru holh cun Golgotha an ti).

JOHAN 21:19

(Hi bantukin Jesuh nih a chim tikah khan Peter cu zei bantuk thihnak in dah a thih lai i zeitindah Pathian kha sunparnak a pek lai ti kha a hmuhsak duh caah a si). Cun Jesuh nih, “Ka zul,” tiah a ti.

JOHAN 21:22

Jesuh nih cun, “Ka rat ṭhan tiang a nun kha ka duh a si ah, cucu nang caah zeidah a poinak a um? A zulh tu ka zul ko,” tiah a leh.

LAMKALTU 14:22

Zumtu hna kha thazang an pek hna i nan zumhnak ah khan fek tein hmun ko u, tiah an forh hna. “Pathian Pennak chung luh awkah hin harnak tampi kan ton a hau,” tiah an cawnpiak hna.

KOLOSE 1:24

Nan ca i temhinnak ka huahmi ah hin kaa lawm ko. Zeicahtiah ka pum in ka inmi temhinnak ah hin, Khrih nih a pum a simi khrihfabu ca i a inmi temhinnak a baumi kha ka tlinter.

1THESALON 3:3

Nan cung i a tlungmi hremnak nan in mi ruangah hin ahohmanh nan i letnak hnga lo nanmah cu thazang pek awkah le nan zumhnak ah fek tein nan dir khawh nakhnga nanmah bawmh awkah amah cu kan hun thlah. Kha bantuk hremnak kha Pathian nih nan cungah tlung seh a timi a si ve ko ti kha nanmah hrimhrim nih nan hngalh.

2TIMOTE 3:12

Khrih Jesuh he i pehtlai i Pathian nunning in nun a duhmi paoh cu hremnak an ing ko lai;

1 PETER 2:21

Cu bantuk mi si awkah cun Pathian nih an kawh hna cu a si; zeicahtiah Khrih hrimhrim nih nan caah khan a in cang i ka keneh ka zul hna seh tiah i zohchun awk an chiahpiak cang hna.