MATTHAI 15:9 - Lai (Hakha) Common Language Bible 2006

⁹ Annih nih mi serchom nawlbia kha Pathian nawlbia bantukin an cawnpiak hna caah An ka biaknak hi zeihmanh a ṭhahnem lo,’ tiah Pathian nih a ti, tiah a rak chim,” tiah a ti.

Laibaibal Thiang (BSI)

⁹ Minung nawlpek le zumhnâk kha an i cawnpiak caah anka biakmi hi pakpalawng a si, a timi hi a dik ngai,” tiah a leh hna.

MATTHAI 15:9 ပူးပေါင်းရင်းမြစ်များ

SALM 39:6

thlahawm menmen an si ko. An tuahmi vialte hi pakpalawng an si dih; chaw le va kha heh tiah an khon, sihmanhsehlaw a cotu ding cu aho an si kha an hngal lo.

SALM 73:13

A si kun ahcun, thiang tein nun kaa zuam i ka kut in sualnak tuah lo kaa sum hi pakpalawng maw a si ko lai?

EXODUS 20:7

“Bawipa nan Pathian min cu ningcang loin hmang hlah u, ningcang loin ka min a hmangmi cu dan ka tat hna lai.

ISAIAH 29:13

Bawipa nih, “Hi mi hna nih hin kan in biak tiah an ka ti, sihmanhsehlaw an bia cu sullam a ngei lomi lawngte an si i an lung cu kaa dangpi ah a um. Biaknak an timi cu minung serchommi phung le pupa nih an zulh tawnmi lam lawnglawng kha a si i an kaa in a chim a thiam sawhsawh in an thiammi kha a si.

LEVITIKAS 26:16

kei zong nih mah hihi nan cungah ka tuah ve lai: Nan cungah khulrang ṭihnung, tlumralnak le, mit a hrawktu le nunnak a zorter thluahmahtu ngornak ka tlunter lai. Cun nan thlaici thlakmi cu pakpalawng a si ko lai, zeitintiah nan ral hna nih an ei lai;

LEVITIKAS 26:20

cun nan thazang cu pakpalawng ah nan hman lai, zeitintiah nan ram nih tirawl a chuah lai lo i nan ram chung thingkung hna nih thei an tlai lai lo.

MALAKHI 3:14

“Pathian biak hi zeihmanh ah a ṭhahnem lo, tuah u a kan timi tuah i zuam le kan tuahmi ruangah kan ngaih a chia tiin ralkapbu Bawipa sin i langhter hi zei ṭhathnemnak dah a um?” nan ti.

MATTHAI 15:10

Cun Jesuh nih mizapi cu a sinah a kawh hna i, “Ngai u law hngalh i zuam hmanh u.

MARKA 7:7

Annih nih minung serchommi nawlbia kha Pathian nawlbia taktak bantukin mi an cawnpiak hna caah An ka biak hi an caah zeihmanh a ṭhahnem lo,’ a ti.

1 KORIN 15:2

Thawngṭha cu kan chimh hna ning khan fek tein nan i tlaih ko lo maw? Nan i tlaih lo ahcun nan lungthlennak cu pakpalawng a si ko hnga.

DEUTERONOMI 12:32

“Nawl kan pekmi hna thil vialte kha ralring tein nan tuah hna lai; nan chap lai lo, nan zuk fawn lai lo.

1TIMOTE 1:4

Kha bantuk tuanbia menmen hna le chuahkehnak min sau pipi in an ṭialmi cazin menmen hna kha cu, zeihmanh an si lo caah, hlaw hna u, tiah na rak chimh hna lai; zeicahtiah kha bantuk thil nih khan bia alnak lawnglawng a chuahpi i zumhnak in hngalh khawh a simi Pathian khuakhannak kha zeihmanh a langhter lo.

TITAS 1:14

Judah mi hna tuanbia ṭukṭak le biatak a hlawmi hna nih an chuahpimi minung nawlbia kha zeihmanh ah an rel ti hna lai lo.

HEBRU 13:9

Cawnpiaknak hmaan lo a phunphun kha a pingah i hruaiter hna hlah u. Pathian vel nih nan lung kha a ṭhawnter ahcun a ṭha, rawl kong phunglam zulh nih cun zeihmanh ṭhathnemnak a chuahpi lo; hi bantuk phunglam a zulmi hna cu an zulhmi phunglam nih khan zeihmanh a bawm hna lo.

JEIM 2:20

Maw mihrut hna, tuahnak um loin zumhnak cu san a tlai lo ti kha in hmuhsak hna ning law maw nan duh?

BIAPHUAN 22:18

Keimah Johan nih hi cauk chung i aa ṭialmi profet bia a theimi paoh kha ralrinnak kan pek hna: hi bia ah ahohmanh nih bia dang a chap ahcun, hi cauk chungah aa ṭialmi hremnak kha a dantatnak ah Pathian nih a chap lai.

1 SAMUEL 25:21

Cun David nih khan, “Hi pa i a ngeihmi thil vialte hi pakpalawng ah dah mu ramlak ah ka hei congh tawn i a ngeihmi vialte cu pakhat hmanh tlau loin a hei um; anih nih ṭhatnak cu chiatnak in a ka rulh;