MATTHAI 15:33 - Lai (Hakha) Common Language Bible 2006

³³ A zultu nih cun an thawh i, “Hi ramcar ah hin, zeitindah minung hi zat pek awk rawl cu kan hmuh khawh lai?” an ti.

Laibaibal Thiang (BSI)

³³ Lamkaltu hna nih, hi tluk in a tammi mibu eiawk rawl hi hmun kingah zeitindah kan hmuh khawh lai? tiah an ti.

MATTHAI 15:33 ပူးပေါင်းရင်းမြစ်များ

MATTHAI 14:15

Zanlei sang a hung si tikah a zultu kha a sinah an ra i, “Kan umnak hi pilking ngaingai a si i khua zong a tlai fawn cang. Cucaah mi hi kalter hna, kan pawngkam khua ah hin va kal hna seh law rawl vaa cawk hna seh,” tiah an ti.

MATTHAI 15:32

Jesuh nih a zultu kha a auh hna i, “Hi mi hna hi kan sinah ni thum an um cang i atu cu rawl ei awk an ngei ti lo i ka zaang an fak ngaingai. Rawl loin annih tlunter cu ka duh lo, lampi ah an va buhri sual lai,” tiah a ti.

MATTHAI 15:34

Jesuh nih cun, “Changreu zeizat dah nan ngeih?” tiah a hal hna i, “Hlum sarih le nga hme tete tlawmte,” tiah an leh.

MARKA 6:37

Jesuh nih cun a thawh hna i, “Nanmah nih ta ei awk cu nan pek hna,” tiah a ti hna. Annih nih, “A si ahcun, ngun tangka za hnih in rawl va cawk i anmah kha pek maw, na kan duhmi cu a si?” an ti.

LUKA 9:13

Sihmanhsehlaw Jesuh nih a rak thawh hna i, “Nanmah nih ta ei awk cu nan pek ko hna,” tiah a ti. Annih nih, “Kan ngeihmi cu dihlak ah changreu hlum nga le nga pahnih pei a si ko cu. Mizapi caah hin rawl cawk fial maw na kan duh?” an ti.