MATTHAI 15:29 - Lai (Hakha) Common Language Bible 2006

²⁹ Jesuh cu cuka hmun cun a chuak i Galilee Rili kam hrawngah khan aa chawk. Tlang cungah a kai i a ṭhu.

Laibaibal Thiang (BSI)

²⁹ Cuhmun cu Jesuh nih a chuahtâk i Galili tidil pawngkam ram kha a ṭol hna, tlangah a kai i cukâ ah cun a ṭhu.

MATTHAI 15:29 ပူးပေါင်းရင်းမြစ်များ

ISAIAH 9:1

Zebulun le Naftali phun umnak ram nih hin hlanah cun ningzahnak a rak phan nain hi ram nih hin hmailei ah cun upatnak a hmuh lai, cu ram cu Mediterranean rili in aa thawk lai i nichuahlei ah Jordan tiva ral tiang, miphun dang an umnak Galilee ram hrimhrim tiang a phan lai.

MATTHAI 13:2

A helhhumtu cu an tam tuk caah lawng chungah a lut i a ṭhu; mizapi cu rilikam ah khan an dir.

MATTHAI 4:18

Jesuh cu Galilee Rili kam i aa chawh lengmang lioah khan ngatlaitu unau a hmuh hna i cu hna cu Simon (Peter timi kha) le a nau Andru kha an si; rili chungah cun sur in nga an rak chep len ko;

MATTHAI 5:1

Jesuh nih mi zapi kha a hmuh hna tikah tlang cungah a kai i cuka ah cun a ṭhu. A zultu hna kha amah velchum ah cun an i pum

MARKA 1:16

Galilee Rili kam i aa chawh lengmang lioah khan Jesuh nih cun ngatlai pahnih, Simon le a nau Andru kha a hmuh hna i annih cu sur in nga kha an rak tlai len ko.

LUKA 5:1

Ni khat cu Genesaret Tilikam ah Jesuh cu a dir lioah khan mi tampi nih Pathian bia theih awkah amah cu an buthnawh.

JOHAN 21:1

Cu hnuah Jesuh cu a zultu hna sinah khan Tiberias Rili ah voi khat a lang ṭhan. A langhning cu hitihin a si:

JOHAN 6:1

Cu hnuah cun Jesuh cu Galilee Rili ral ah khan a kal, cu Rili cu Tiberias Rili ti zongah an ti fawn.

JOHAN 6:23

Cun Tiberias khua in a rami lawng a dang kha, Bawipa nih Pathian sinah lawmhnak bia a chim hnuah mizapi nih changreu an einak hmun ah khan an hung i din.

JOSHUA 12:3

cun Arabah zong, Khinneroth Rili tiang nichuahlei kam zuahmah in, cun Beth-jeshimoth leiah Arabah rili tiang, cucu Cite Rili a si, cun thlanglei ah Pisgah tlangpangzau hram tiangin.