MATTHAI 15:23 - Lai (Hakha) Common Language Bible 2006

²³ Sihmanhsehlaw Jesuh nih bia kaa khat hmanh a let lo. A zultu kha an ra i, “Hi nu hi kalter ko. A kan zul lengmang, a kan auhnawh lengmang i hna a kan hnawh,” tiah an ti.

Laibaibal Thiang (BSI)

²³ Asinain kâ khat hmanh in a let lo. A lamkaltu hna nih, “Kan hnu in a au lengmang fawn, kalter cang ko,” tiah an rak nawl.

MATTHAI 15:23 ပူးပေါင်းရင်းမြစ်များ

GENESIS 42:7

Josef nih a ule kha a hmuh hna tikah a rak hngalh hna, asinain a hngal lo bantukin aa umter. Biahrang ngaiin a chawnh hna i, “Khuazei in dah nan rat?” a ti hna. Annih nih, “Rawl cawk ah Kanaan ram in kan ra,” tiah an leh.

SALM 28:1

Maw Bawipa, nangmah cu kan auh, ka himnak lungpi, ka aunak cu ka theihpiak tuah. Na ka leh lo ahcun mithi khua i a kalmi hna bantuk ka si ve sual lai.

ṬAHNAK HLA 3:8

Ka au i bawmhnak ka hal hmanh ah ka thlacam cu a ka ngai duh lo.

MATTHAI 14:15

Zanlei sang a hung si tikah a zultu kha a sinah an ra i, “Kan umnak hi pilking ngaingai a si i khua zong a tlai fawn cang. Cucaah mi hi kalter hna, kan pawngkam khua ah hin va kal hna seh law rawl vaa cawk hna seh,” tiah an ti.

MATTHAI 15:22

Cuka ram i a ummi Kanaan minu pakhat cu a sinah a ra i, “David Fapa, ka zaangfah tuah. Ka fanu cu khuavang nih a tuah i awlokchong in a um ko,” tiah fak piin a au.

MATTHAI 15:24

Cun Jesuh nih cun a vun leh i, “Israel mi lak i a tlaumi tuu hna sin lawngah pei thlah ka si ko cu,” tiah a ti.

DEUTERONOMI 8:2

A nawlbia cu nan ngai lai maw ngai lo dah tinak caah, nan lung chung i a ummi kha hngalh awkah nannih cu harnak in an hneksak hna nakhnga, Bawipa nan Pathian nih hi kum sawm li chung ramlak ah an vahternak hna kha, i cinken ko u.