MATTHAI 14:31 - Lai (Hakha) Common Language Bible 2006

³¹ Hmakhatte ah Jesuh nih a hei banh i a tlaih i, “Na zumhnak a va hme hringhran dah! Zeicahdah lungawṭawm in na um?” tiah a ti.

Laibaibal Thiang (BSI)

³¹ Chikkhatteah Jesuh nih a kut in a tlaih i, “Aw zumhnâk tlawmpa, zeiruangahdah lungawṭawm in na um?” tiah a ti.

MATTHAI 14:31 ပူးပေါင်းရင်းမြစ်များ

GENESIS 22:14

Abraham nih cu hmun cu, “Bawipa nih a khaan ko,” tiah min a sak i atu chan tiang zongin mi nih, “Bawipa tlang cungah cun Bawipa nih a khaan ko,” an ti tawn.

SALM 138:7

Harnak nih a kulh in a ka kulh hmanh ah, him tein na ka umter ko, a thin a linh in a linmi ka ral kha na doh hna i na ṭhawnnak in na ka khamh.

ISAIAH 63:12

Zungzal hmunmi minthannak hmuh awkah, a mi hna hmaiah rili hmanh a cheu i a sal Moses thawngin thil lianngan a tuah i a ṭhawnnak a hmangmi Bawipa kha khuika ah dah a si hnga?” an ti.

MATTHAI 14:30

Sihmanhsehlaw thlitu a fah zia kha a vun hmuh tikah a thin a phang i ti chungah cun a pil cuahmah i, “Bawipa, ka khamh tuah,” tiah a au.

MATTHAI 14:32

An pahnih in lawng chungah cun an lut i thlitu kha a dai.

MATTHAI 16:8

Jesuh nih an chimmi cu a hngalh i cucaah, “Changreu nan ngeih lo kong kha zeicahdah nan i ceih len ko? Nan zumhnak a va tlawm hringhran dah!

MATTHAI 17:20

Jesuh nih cun, “Nan zumhnak a zat lo caah a si. Hihi va philh hlah u: Anṭam ci tiate hmanh zumhnak nan ngeih ahcun, hi tlang hi, ‘I thawn,’ ti u law aa thawn ko lai. Zei paohpaoh kha nan tuah khawh ko lai.

MATTHAI 6:30

Sihmanhsehlaw ramlak ramkung, nihin ah a hring i thaizing ah meichung i an paihmi ramkung hna, a thuamhtu cu Pathian pei a si cu. Amah nih cun nannih chinchin cu thuamh loin an um hna hnga maw? Nan zumhnak a va hme hringhran dah!

MATTHAI 8:26

Jesuh nih cun, “Zeicahdah cu ti lawmmam cun nan thin a phan? Nan hei ka bochan lo hringhran dah!” tiah a leh hna. Cun a tho i thli le tilet cu nawl a pek hna i dai zirziar tein rili cu a um ṭhan.

MARKA 1:31

Amah sinah cun a va kal i a kut in a va thawh. A tak linh cu a dai i annih kha a bultawl hna.

MARKA 1:41

Jesuh nih cun a zaang a fak ngaingai i a hei banh i a hei tongh. “Nangmah thianter kha ka duh, va thiang cang,” tiah a ti.

MARKA 11:23

Biatak kan chimh hna, ahohmanh nih hi tlang hi, ‘Tho law rili ah khin vaa paih,’ tiah zumh lonak zeihmanh um loin nan ti i, kan chimmi hi a tling lai, tiah nan zumh ahcun, tuahpiak nan si ko lai.

MARKA 16:7

Cucaah cun va kal u law a zultu hna kha le Peter kha, ‘Amah nih an chimh hna bantuk te khan nan hlanah Galilee ah a kal i cuka ah cun nan va hmuh lai,’ a ti tiah va chim hna u,” tiah a ti.

MARKA 4:40

Cun Jesuh nih annih cu, “Zeicahdah cu ti hringhran in nan thin a phan? Zeicahdah zumhnak nan ngeih lo?” tiah a ti hna.

MARKA 5:41

A kut in a vun tlaih i, “Talitha koum,” tiah a ti; cu a sullam cu, “Ngakchianute, tho, kan ti,” tinak a si.

LUKA 24:34

“Bawipa cu a tho taktak ko. Simon nih a hmuh,” tiah an rak i ceih len ko.

LAMKALTU 4:30

Mi nih damnak an hmuh nakhnga na kut cu samh law a thiangmi na Sal Jesuh min in khuaruahharnak le hmelchunhnak cu umter ko hna,” tiah an ti.

DEUTERONOMI 32:36

Zeitintiah, an ṭhawnnak kha a loh cang i Khihmi siseh, a luatmi siseh, Pakhat hmanh an tang ti lo ti kha Bawipa nih a hmuh tikah, A mi cu thiam a coter hna lai i A sal hna cungah zaangfahnak a ngei lai.

1TIMOTE 2:8

Pa paohpaoh nih hmun kip ah thlacam hna seh ti ka duh, Pathian sinah i pe in thinhunnak zeihmanh um lo le bia alnak zeihmanh um loin Pathian sinah cun an kut hler hna seh.

1 PETER 1:5

Cu an chiahpiak hna cu Pathian kha nan zumh caah le khamhnak a phak hlantiang amah ṭhawnnak nih an huhphenh hna caah a si — cu a ra dingmi khamhnak cu atu zongah hin timhcia a si ko cang i caan dongh tikah phuan a si te lai.