MATTHAI 14:3 - Lai (Hakha) Common Language Bible 2006

³ Herod nih khan Johan cu a rak tlaihter hna i thong ah an thlak. Cu ti i a tuahnak cu a nau Filip nupi Herodias ruangah khan a si.

Laibaibal Thiang (BSI)

³ Zeitintiah Herod nih a nau philip nupi Herodi ruangah Johan kha a tlaih i ṭem buin thongah a thlak.

MATTHAI 14:3 ပူးပေါင်းရင်းမြစ်များ

MATTHAI 11:2

Tipil petu Johan nih thong chungin Khrih rianṭuannak kong kha a rak theih tikah a zultu tlawmpal kha a sinah a hei thlah hna i,

MATTHAI 14:6

Herod chuah ni ah Herodias fanute kha zapi hmaiah cun a lam i Herod cu a lung a ton hringhran.

MATTHAI 4:12

Jesuh nih Johan kha thong ah an thlak ti a theih tikah Galilee ram ah khan lo diam in a kal.

MARKA 6:14

Jesuh thawngpang cu khuazakip ah a than caah Siangpahrang Herod zong nih cu kong cu a rak theih ve. Mi a cheu nih an i thawh i, “Tipil petu Johan kha a nung ṭhan. Cucaah cun pei hi ṭhawnnak a ngeih hi a si cu,” an ti.

MARKA 6:17

Herod hrimhrim nih khan Johan cu nan tlaih lai i nan khih lai i thong ah nan thlak lai, tiah a rak ti hna. Herod nih hi thil a tuahnak cu Herodias kha a nau Filip nupi a si nain nupi ah aa ṭhit caah a si.

MARKA 6:19

cucaah cun Herodias nih khan Johan cu a lung chung tein a uam ziar i thah a duh; sihmanhsehlaw Herod nih a dawnh caah a that kho lo.

MARKA 6:22

Herodias fanute kha a rung lut i a laam i Herod le a sawmmi bawi hna cu an lung a ton ngaingai hna. Cucaah siangpahrang nih cun ngakchianute cu a thawh i, “Zeidah na duh hnga? Na duhmi paoh kan pek lai,” tiah a ti.

MARKA 8:15

Annih cu Jesuh nih khan a thawh hna i, “Farasi mi hna thilnu le Herod thilnu kha i ralring u,” tiah a ti hna.

LUKA 13:1

Cu caan ah cun Jesuh cu, Pilat nih Galilee mi hna Pathian sinah raithawinak an pekchanh lio i a thahmi hna kong kha an rak chimh.

LUKA 13:31

Cu lioah cun Farasi mi tlawmpal kha Jesuh sinah khan an ra i, “Herod nih thah an duh caah hika hin na chuah a hau,” tiah an chimh.

LUKA 23:11

Herod le a ralkap hna nih khan Jesuh cu capo ah an saih i zeirello ngaiin an ti. Puan ṭha ngaingai an aihter i Pilat sinah khan an kuat ṭhan.

LUKA 23:7

Jesuh cu Herod nih a ukmi peng chungin a si ti kha a hngalh tikah amah cu Herod sinah cun a hei kuat; cu lioah cun Herod zong cu Jerusalem khua ah a um.

LUKA 3:1

Siangpahrang Tiberius kha a bawi kum, kum hleinganak kum a si, Pontius Pilat kha Judah ram mangki a si, Herod kha Galilee uktu a si i a nau Filip cu Iturea le Trakhonitis peng uktu a si; Lisanias cu Abilen uktu a si i

LUKA 8:3

Herod zung i bawi a simi Khuza nupi Joanna le Susanna le Jesuh le a zultu hna kha an ngeihmi thil in a rak bawmtu hna, nu dang tampi kha an si.

LAMKALTU 12:1

Hi caan lio hrawngah hin Siangpahrang Herod nih khrihfabu chungmi cheukhat kha a hrem hna.

LAMKALTU 4:27

Cuticun Herod le Pontius Pilat cu hi khua chungah hin Jentail mi hna le Israel mi hna he khan, a thiangmi na sal Jesuh, Messiah i na sermi cu doh awkah an i pum taktak.