MATTHAI 14:27 - Lai (Hakha) Common Language Bible 2006

²⁷ Jesuh nih cun hmakhatte ah a hei chawnh hna i, “Nan thinphang hlah u. Keimah pei ka si ko cu. Hnangam in um ko u,” tiah a ti hna.

Laibaibal Thiang (BSI)

²⁷ Asinain Jesuh nih a hun chawnh zau hna i, “Hnangam tein um u; Keimah dahkaw ka si; ṭih hlah u,” tiah a ti hna.

MATTHAI 14:27 ပူးပေါင်းရင်းမြစ်များ

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

ISAIAH 41:14

Bawipa nih aa thawh i, “Israel, na hmete ko i na der ngai ko nain na thinphang hlah. Kan bawmh lai. Keimah Israel Pathian thiang hi nangmah an khamhtu cu ka si.

ISAIAH 41:4

Hi thil a umtertu hi ahodah a si? Tuanbia kalning hi hi bantukin si seh tiah aho nih dah a rak ti? Bawipa cu a hramthawknak i a rak ummi kha ka si i Bawipa cu a donghnak i a um laimi zong ka si.

ISAIAH 51:12

Bawipa nih aa thawh i, “Nanmah thazang an petu hna cu keimah ka si. Cucaah cun zeicahdah ram nakin sau deuh a nung hlei lomi, a thi khomi minung cu nan ṭih hna?

MATTHAI 14:28

Cun Peter nih khan a hun chawnh i, “Bawipa, nangmah na si taktak ahcun, na sinah ka ke in ti cungin ka ratter tuah,” tiah a ti.

MATTHAI 17:7

Jesuh cu a ra i a tongh hna i, “Tho u, nan thin phang hlah u!” tiah a ti hna.

MATTHAI 28:10

Jesuh nih cun, “Nan thinphang hlah u; ka unau pawl kha, Galilee ah va kal u, tiah va chim hna u, khika ah an ka hmuh lai,” tiah a ti hna.

MATTHAI 28:5

Vancungmi nih khan nu cu a thawh hna i, “Nan thinphang hrimhrim hlah u. Vailam tahnak thing i khenhchihmi Jesuh nan kawl ti kha ka hngalh.

MATTHAI 9:2

A sinah khan mizengpa pakhat kha, a ihkhun in an rak zawnh. Jesuh nih an zumhnak kha a hmuh tikah mizeng pa cu, “Ka fapa, na lung dong hlah! Na sualnak cu ngaihthiam na si cang,” tiah a ti.

MARKA 6:50

an dihlak in an hmuh i an thin a phang i, mithla a si, tiah an ruah i an ai. Sihmanhsehlaw Jesuh nih cun khulrang tein a hei chawnh hna i, “Nan thin phang hlah u, keimah ka si,” tiah a ti hna.

LUKA 1:13

Sihmanhsehlaw vancungmi nih cun a thawh i, “Zekhariah, na thinphang hlah! Pathian nih na thlacamnak kha a theih i na nupi Elizabeth nih fapa an hrinpiak lai. A min ah Johan na sak lai.

LUKA 1:30

Vancungmi nih cun a thawh i, “Mary, na thinphang hlah. Zeicahtiah Pathian nih nangmah cu vel an ngeih.

LUKA 12:32

“Tuurun hmete hna, nan thinphang hlah u! Zeicahtiah nan Pa nih Pennak cu nanmah kha pek an duh hna.

LUKA 2:10

sihmanhsehlaw vancungmi nih cun a thawh hna i, “Nan thinphang hlah u; zeicahtiah nan sin i ka ratnak cu nan ca i thawngṭha he a si, cu thawngṭha nih cun mi vialte sinah lunglawmhnak a tlunter lai.

LUKA 5:10

Simon hawile hna Jeim le Johan, Zebedi fapa hna zong kha, cu bantuk ṭhiamṭhiam cun an um. Jesuh nih Simon cu a thawh i, “Na thinphang hlah, atu thawk in mi na tlai cang hna lai,” tiah a ti.

JOHAN 16:33

Nannih nih keimah he nan i pehnak thawngin lungdaihnak nan hmuh nakhnga, hihi kan chimh hna. Vawlei nih hin harnak an pek hna lai, sihmanhsehlaw ṭih hlah u. Vawlei cu ka tei cang,” tiah a ti.

JOHAN 6:20

“Nan thinphang hlah u, keimah pei ka si cu,” tiah a ti hna.

LAMKALTU 23:11

Cu zan ah Bawipa cu Paul pawngah khan a dir i, “Na lung ṭhul hlah. Jerusalem khua ah keimah tehte na sinak kha na chim cang, cu bantuk ṭhiamṭhiam in Rom khua zongah na tuah hrimhrim lai,” tiah a ti.