MATTHAI 14:2 - Lai (Hakha) Common Language Bible 2006

² A bawi pawl kha a thawh hna i, “Amah hi tipil petu Johan kha a si hrimhrim ko lai: thihnak in a tho ṭhan i a si lai. Cucaah cun khuaruahhar tuah khawhnak ṭhawnnak a ngeih hi a si lai,” tiah a ti.

Laibaibal Thiang (BSI)

² a sinum hna sinah, “Cupa cu Baptisma petu Johan a si cu ta, thih nâkin a thoṭhân a si cu ta, cucaah cubantuk khuaruahhar tuahkhawhnâk nih amah ah rian a ṭuan cang” tiah a ti.

MATTHAI 14:2 ပူးပေါင်းရင်းမြစ်များ

MATTHAI 11:11

Hihi i cinken hmanh u: nu chungin a chuakmi lakah vawlei cungah hin Johan tlukin a nganmi ahohmanh an um lo; sihmanhsehlaw Vancung Pennak chung i a ummi hna lak i a hme bik hmanh Johan nakin a ngan deuh.

MATTHAI 16:14

Annih nih, “A cheu nih Tipil petu Johan a si, an in ti. A cheu nih, Elijah a si, an in ti, a cheu nih Jeremiah maw profet pakhatkhat dik a si, an in ti,” tiah an leh.

MATTHAI 3:1

Cu caan ah cun Tipil petu Johan kha a hung chuak i Judea ram ramcar chungah khan phung a chim.

MARKA 6:14

Jesuh thawngpang cu khuazakip ah a than caah Siangpahrang Herod zong nih cu kong cu a rak theih ve. Mi a cheu nih an i thawh i, “Tipil petu Johan kha a nung ṭhan. Cucaah cun pei hi ṭhawnnak a ngeih hi a si cu,” an ti.

MARKA 8:28

Annih nih, “A cheu nih, Tipil petu Johan a si, an in ti. A cheu nih Elijah a si, an in ti. A cheu nolh nih, profet pakhatkhat a si, an in ti,” tiah an leh.

LUKA 9:7

Galilee ram a uktu Herod nih khan hi bantukin thil a ummi vialte kha a theih ve; hi kong ah hin a lung aa tuai ngaingai, zeicahtiah mi a cheu nih, “Tipil petu Johan kha a nung ṭhan,” an ti.

JOHAN 10:41

“Johan nih hmelchunhnak zeihmanh a tuah lo, sihmanhsehlaw hi pa kong a chimmi cu ahmaan dih,” an ti.