MATTHAI 13:57 - Lai (Hakha) Common Language Bible 2006

⁵⁷ cuticun an hlawt. Jesuh nih cun a thawh hna i, “Profet cu amah khua le a chungkhat hna sin ti lo ahcun, hmun dang ah cun upatnak hmu loin a um lo hen pei,” tiah a ti hna.

Laibaibal Thiang (BSI)

⁵⁷ Cuticun Amah cu an zum kho lo. Jesuh nih an sinah, “Profet cu amah khua dah ti lo ah cun conglomh lo in a um bal lo,” tiah a ti.

MATTHAI 13:57 ပူးပေါင်းရင်းမြစ်များ

ISAIAH 49:7

Miphun kip nih fak piin an serhsat i an huat i, uktu hna sal a simi cu, Israel Pathian thiang le khamhtu nih, “Na luat kha siangpahrang nih an in hmuh lai i nangmah upatnak pek awkah an tho lai; bawi zong nih an in hmuh lai i nangmah upatnak pek awkah niam ngaiin an kun lai,” a ti. Bawipa, Israel Pathian thiang nih a sal cu a thim cang i a biakamnak cu a zulh caah, hi thil cu a tling lai.

ISAIAH 53:3

Zeihmanh ah kan rak rel lo i kan rak hlawt; ngaihchiatnak le nganfahnak kha a rak in hna. Ahohmanh nih a zoh hmanh kan rak zoh duh lo — zei ah a rel in kan rak rel hrimhrim lo.

ISAIAH 8:14

Ṭih a nungmi ka thiannak ruangah hin, mi nih an i chuih i an rilhnak lung bantuk ka si; Judah ram chung le Israel ram chung i a ummi hna le Jerusalem i a ummi hna a foihtu ding rap bantuk ka si.

MATTHAI 11:6

Keimah kong ah lung awṭawmnak zeihmanh a ngei lomi cu a caah lunglawmh awk a va si dah,” tiah a leh hna.

MATTHAI 13:58

Zumhnak an ngeih lo caah khika ah cun khuaruahharnak tampi a tuah lo.

MARKA 6:1

Jesuh nih cuka hmun cun aa thawh i a chuahkehnak khua ah khan a zultu hna he an kal.

MARKA 6:14

Jesuh thawngpang cu khuazakip ah a than caah Siangpahrang Herod zong nih cu kong cu a rak theih ve. Mi a cheu nih an i thawh i, “Tipil petu Johan kha a nung ṭhan. Cucaah cun pei hi ṭhawnnak a ngeih hi a si cu,” an ti.

MARKA 6:3

Mary fapa, lehtama kha a si lo maw? Jeim le Joses le Judas le Simon hna u kha a si lo maw? A farle zong kha hika ah an um ko lo maw?” an ti. Cucaah cun zei ah an rel lo.

MARKA 6:4

Jesuh nih cun annih cu a thawh hna i, “Profet hi amah a chuahkehnak khua le a sahlawh a rualchan hna lakah dah ti lo ahcun hmaizahnak a hmu ve ko hen pei,” tiah a ti.

LUKA 4:24

Cucaah hihi kan chimh hna: Profet cu amah chuahkehnak khua ah cun conglawmh a tong bal lo.

LUKA 7:23

Keimah kong ah lung awṭawm in a um lomi cu an caah lunglawmh awk a va si dah,” tiah a ti.

JOHAN 4:44

zeicahtiah amah Jesuh hrimhrim nih, “Profet cu amah ram ah cun hmaizahnak a hmu lo,” tiah a rak ti.

JOHAN 6:42

Cucaah an i thawh i, “Hi pa hi Josef fapa Jesuh kha a si lo hlah i? A nu kan hngalh, a pa kan hngalh, zeitindah vancung in ka rung, tiah a ti kun?” an ti.

JOHAN 6:61

A zultu pawl kha cu kong ah cun an zai lengmang ti kha Jesuh nih a lungchung in a hngalh i cucaah a thawh hna i, “Hi bantukin kan cawnpiakmi hna nih hin nan thin an hunter hna maw?