MATTHAI 13:44 - Lai (Hakha) Common Language Bible 2006

⁴⁴ “Vancung pennak cu lo chung i thuhmi rothil bantuk a si. Mi pakhatkhat nih a vaa hmuh sual tikah a khuh ṭhan ta tawn. A lung aa lawmh tuk caah a ngeihmi thil vialte kha a zuarh hna i a va kal ṭhan i a lo ning in a va cawk,” tiah a ti.

Laibaibal Thiang (BSI)

⁴⁴ Vanbawi pennâk cu lo i ro an phummi, mi nih a hmuh i a thuhmi bantuk a si. Â lawmhtuk ah a ngeihmi vialte a zuar i lo cu a va cawk.

MATTHAI 13:44 ပူးပေါင်းရင်းမြစ်များ

JOB 28:13

Cuka kalnak lam cu mi nih an hngal lo i a nungmi ram ah hmuh a si lo.

PHUNGTHLÛKBIA 16:16

Fimnak ngeih hi sui nakin a ṭha deuh, hngalhthiamnak ngeih hi ngun nakin thim deuh awk a si.

PHUNGTHLÛKBIA 17:16

Mihrut caah cun tangka hi zei san dah a tlaih? Fimnak a ngeih lo ahcun fimnak cu a cawk khawh lai maw?

PHUNGTHLÛKBIA 18:1

Mi dang he aa rem lomi cu amah duhnak lawng zulh a duhmi a si, midang nih a hmaan an timi paoh kha a hnatlakmi a um lo.

PHUNGTHLÛKBIA 23:23

Biatak kha vaa cawk law zuar ti hlah, fimnak, cawnpiaknak le hngalhthiamnak kha i cawk hna.

ISAIAH 55:1

Bawipa nih aa thawh i, “Ti a halmi paoh ra tuah u, hika ah hin ti a um. Tangka zeihmanh a ngei lomi hna ra tuah u, rawl kha i cawk u law ei tuah u. Ra u law mitsur zu le cawhnuk kha i cawk hna u — a man zeihmanh pek a hau lai lo.

MATTHAI 13:24

Jesuh nih tahchunhnak bia dang pakhat a chimh ṭhan hna. “Vancung Pennak cu a lo chung i thlaici ṭha a tuhmipa bantuk a si.

MATTHAI 13:46

A ṭha ngaingaimi kha a hmuh tikah a kal i a ngeihmi thil vialte kha a zuar i cu lungvar cu a cawk.”

MATTHAI 13:47

“Vancung Pennak cu rili chung i chehmi sur, nga phun zakip a tlaitu bantuk a si.

MATTHAI 19:21

Jesuh nih cun a thawh i, “Mi tling si na duh ahcun, va kal law na ngeihmi thil vialte kha va zuar hna; cun tangka na hmuhmi cu misifak kha va pe hna; cuticun vancung khua ah chawva na ngei lai, cun ra law rak ka zul,” tiah a ti.

MATTHAI 19:27

Cun Peter nih khan a hun i thawh i, “Zeizong vialte kha kan kaltak i nangmah kha kan in zulh. Zeidah kan comi a si lai?” tiah a hal.

MATTHAI 19:29

Cun keimah ruangah a inn siseh, a lo siseh, a u siseh, a nau siseh, a farle si hna seh, a pa siseh, a nu siseh, a fale si hna seh, a kaltakmi hna cu a let za khat in a hmuh ṭhan lai i zungzal nunnak kha pek a si lai.

MATTHAI 6:21

Zeicahtiah nan chaw a umnak ah nan lung zong a um ve lai.

LUKA 14:33

Cu bantuk ṭhiamṭhiam in nannih zong, nan ngeihmi vialte kha nan hlawt dih lo ahcun, ka zultu nan si kho lai lo,” tiah a ti hna.

JOHAN 6:35

Jesuh nih cun, “Nunnak changreu cu keimah hi ka si. Ka sin i a rami cu ahohmanh an rawl a ṭam lai lo i keimah a ka zummi cu ahohmanh an ti a hal lai lo.

ROM 15:4

Cathiang nih lungsaunak le lungthin ṭhawnnak a kan pekmi thawngin ruahchannak kha kan ngeih khawh nakhnga Cathiang chung i aa ṭialmi vialte cu kanmah cawnpiaknak caah a si.

KOLOSE 2:3

Khrih cu Pathian fimnak le hngalhnak aa thupmi hunnak tawh a si.

KOLOSE 3:16

Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u.

HEBRU 10:34

Thongtlami kha an thongtlak nan inpi hna i nan thil an in chuh hna tikah lunglawm tein nan pek hna, hi thil hna nakin a ṭha deuhmi thil le a hmun kho deuhmi thil nan ngeih kha nan hngalh.

BIAPHUAN 3:18

Cucaah ruahnak kan cheuh duhmi cu, keimah sinin sui thiang taktak kha ka caw law na rum lai. Cun naa thuamhnak ding le taklawng in na umnak ningzahnak khuhnak ding caah, thil rang i cawk fawn. Cun na mit thuh awkah si zong i cawk law cuticun khua na hmu kho lai.