MATTHAI 13:39 - Lai (Hakha) Common Language Bible 2006

³⁹ Cun belh a tuhtu kan ral kha Khuachia a si. Rawl ṭuan caan hi, chan dongh caan a si i rawl ṭuantu hna cu vancungmi hi an si.

Laibaibal Thiang (BSI)

³⁹ Ralchanhtu, cideu a vorhtu cu khuachia a si, Rawlṭuan cu vawlei donghnâk ding kha a si; rawl ṭuntu cu vancungmi an si.

MATTHAI 13:39 ပူးပေါင်းရင်းမြစ်များ

DANIEL 7:10

A rianṭuantu dingah mi a thongthong in an um i a hmaiah cun a nuainuai in an dir. Biaceihnak cu hun timh a si i cauk cu an hun kau hna.

JOEL 3:13

Rawl ṭuan a zat cang caah fa-ah kha i lak tuah, Mitsur nennak cu a khah caah va kal law va neng tuah, An ṭhat lonak cu a ngan caah mitsur hang nennak khor cu a liam in an liam.

MATTHAI 12:32

Mi Fapa ralchanh in bia ṭhalo a chimmi cu ngaihthiam khawh an si ko lai; sihmanhsehlaw Thiang Thlarau ralchanh in bia ṭhalo a chimmi cu tu chan ah siseh, hmailei chan ah siseh, ngaihthiam khawh an si lai lo.

MATTHAI 13:22

Hling lak i a tlami thlaici cu Vancung Pennak kong kha a theih cu a thei i sihmanhsehlaw hi vawlei cung khuasak tintuknak kong i lungretheihnak le chaw le va duhnak nih cu bia cu a thah i thei a tlai lomi hna kha an si.

MATTHAI 13:25

Zan khat cu ral pakhat kha a ra i mi an i hngilh karah rawl ci lakah cun belh ci a vorh i lo diam in a kal.

MATTHAI 13:28

‘Hi a tuahtu cu kan ral kha a si,’ tiah a leh hna. Annih nih, ‘Belh cu kan va bawt hna lai maw?’ tiah an hal.

MATTHAI 13:40

Belh cu an pumh hna i an khangh hna bantuk hin chan donghnak ah cun a si te lai:

MATTHAI 13:49

Chan donghnak ah cun cu bantuk cun a si lai: vancungmi kha an kal lai i miṭha mi hna lak khan miṭhalo mi kha an khawmh hna lai i

MATTHAI 24:3

Cun Jesuh cu Oliv Tlang i a ṭhut lioah khan a zultu hna kha anmah lawngte in an ra i, “Hihi zeitik ah dah a si lai? Cun na ratnak ding hmelchunhnak le atu chan donghnak ding hmelchunhnak ah zei thil dah a um hna lai?” tiah an hal.

MATTHAI 25:31

“Mi Fapa cu Siangpahrang in vancungmi vialte hna he a rat tikah a bawiṭhutdan cungah cun a ṭhu lai i

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

1 KORIN 10:11

Hi vialte an cung i a tlungmi hi midang nih i zohchunh awk caah a si i kan i ralrinnak ding caah ṭial an si. Zeicahtiah kannih kan caan hi donghnak a phak dengmangnak caan a si.

2 KORIN 11:3

Evi cu rul nih a zernak le lih in a hlen bantuk khan nannih zong nan lungthin kha a thu sual lai i thiang tein Khrih nan tlaihchannak kha nan ngol sual lai ti ka phang.

2 KORIN 2:17

Kannih cu Pathian bia kha, thil man fawi bantuk men in a tawngthammi hna bantuk kan si lo; kannih cu Pathian nih khan a kan thlah caah, amah hmaiah Khrih sal bantukin lungthin tak tein bia kan chim.

EFESA 2:2

Cu lioah cun vawleicung phunglam ṭhalo kha nan rak zul; van le vawlei kar i a ummi thlarau ṭhawnnak uktu nawl kha nan rak zul; cu thlarau nih cun Pathian nawl a ngai lomi kha atu cu a uk hna.

HEBRU 1:2

Sihmanhsehlaw atu kan chan, chan hmanung bik a simi chan ah hin cun, kan sinah a Fapa in a bia cu a chim. Amah thawng cun Pathian nih van le vawlei vialte kha a ser hna i amah cu Pathian nih a donghnak i zeizong vialte uktu ding i a thimmi cu a si.

HEBRU 9:26

cu ti tuah a herh a si ahcun, vawlei ser hramthawk in voi tam tuk a in cang hnga. Amah le amah raithawinak i aa hmannak thawngin sualnak kha a hloh khawh nakhnga chan vialte nih donghnak an phak dengmang caan ah hin voi khat ah za lak in a hung lang.

1 PETER 5:8

Fimhring tein um u, ralring tein um u! Nan ral Khuachia cu, seh awk kawl ah, chiandeih bangin a vak cuahmah ko.

JUDAS 1:14

Cun Adam thawk in vun rel i paruknak a simi Enok nih khan hi hna kong cu hlanpi ah hitin a rak chim,

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

BIAPHUAN 13:14

Cun vawleicung i khua a sami vialte cu, khuaruahharnak a tuahmi khan a hlen hna; cu khuaruahharnak hna cu sahrang pakhatnak hmaika i tuahnak nawl pek a simi khuaruahharnak kha an si. Vainam in thahhrulhmi a si nain a nungmi sahrang upatnak caah khan milem pakhat nan ser lai, tiah vawlei cung mi vialte kha sahrang nih cun a ti hna.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.