MATTHAI 13:2 - Lai (Hakha) Common Language Bible 2006

² A helhhumtu cu an tam tuk caah lawng chungah a lut i a ṭhu; mizapi cu rilikam ah khan an dir.

Laibaibal Thiang (BSI)

² Cun a sinah mi tampi an i pum i tilawng cungah a kai, a ṭhut hnu ah mizapi kha tikam ah an dir.

MATTHAI 13:2 ပူးပေါင်းရင်းမြစ်များ

GENESIS 49:10

A bawifung kha a hler i a ke le a ke karlak ah a chiah; a lianhngannak cu, a ngeitu taktak a rat i, cu nih cun mi vialte a uk hna hlantiang amah nih aa chiah ko lai.

MATTHAI 15:30

Mi tampi a sinah cun an ra i kebei le mitcaw le kutzeng le a holh kho lomi hna le mizaw dang tampi kha an ratpi hna i a kehram ah khan an chiah hna i a damter hna.

MATTHAI 4:25

Galilee ram le Khua Pahra timi peng khan le Jerusalem khua le Judea ram le Jordan tiva khattelei ral ram in mi tampi an ra i amah kha an zulh.

MARKA 4:1

Jesuh nih Galilee Rili kamah khan a cawnpiak ṭhan hna. A velchum i aa pummi cu an tam tuk caah lawng chungah khan a lut i a ṭhu. Lawng cu ticung pi ah khan a va um i mi cu tikam ah cun ti ri le ri lo tiang khan an um.

LUKA 5:3

Cu ka i a ummi lawng pakhat, Simon ta ah cun Jesuh cu a lut i tikam cun tlawm tein hei nam deuh u tiah a ti. Jesuh cu lawng chungah cun a ṭhu i mizapi kha a cawnpiak hna.