MATTHAI 12:45 - Lai (Hakha) Common Language Bible 2006

⁴⁵ Cu tikah a kal ṭhan i amah nakin a chia deuhmi thlarau pasarih kha a vaa sawm hna i an ra i cuka ah cun an um; a donghnak ah cun cu pa umtuning cu a hlan nakkhan a chia deuh. Cuticun atu chan, chan ṭhalo, umtuning ding hi a si lai,” tiah a ti.

Laibaibal Thiang (BSI)

⁴⁵ Ava kal i amah nâkin a sual deuhmi thlarau pasarih ava sawm hna, an lut i an um hnawh. Cu minung nunning cu a hlan nâkin a let tam piin a chia kha deuh. Cubantukin hi chanthar misual hna cungah hin a um te lai,” tiah a ti hna.

MATTHAI 12:45 ပူးပေါင်းရင်းမြစ်များ

LEVITIKAS 13:20

cun tlangbawi nih a zoh lai i cuar nakin thuk deuh a lawh i a hmul kha a ran ahcun, tlangbawi nih amah cu thianglo a si tiah a thanh lai; mah cucu thinghmui zawtnak a si, hma chungin a hung langmi a si.

MATTHAI 12:24

Sihmanhsehlaw cu bia cu Farasi mi nih an theih tikah, annih tu nih cun, “Hi pa nih khuachia a ṭhawl khawh hna cu an bawipa Beelzebul nih a bawmh caah a si,” an ti.

MATTHAI 12:44

aa thawh i, “Ka chuahtakmi ka inn ah khan ka va kir ṭhan tuah lai,” tiah a ti. Cuticun a va kir ṭhan i inn cu lawng hirhiar tein a rak um i thiang tein a rak i phiah kha a hmuh.

MATTHAI 17:21

Sihmanhsehlaw hi bantuk cu thlacamnak le rawl ulhnak lawng nih a ṭhawl khawh; zei dang nih cun a ṭhawl kho lo,” tiah a ti.

MATTHAI 23:15

Phungbia cawnpiaktu saya hna le Farasi mi hna, nan caah ngaihchia a va si dah! Midepde hna! Lungthleng pakhat umter awkah rili kip kha nan tan i ram kip ah nan kal i lungthleng pakhat nan umter tikah cu pa cu, nanmah hell fa nan simi a let hnih ah nan canter.

MATTHAI 23:24

Lam hruaitu mitcaw hna. Fikfa kha kan i din chih sual lai tiah, heh tiah nan zet, asinain kalauk kha nan lemh ṭung!

MARKA 16:9

Jesuh cu thihnak in a thawh hnuah Zarhpi ni zingkate ah khan Mary Magdalin sinah khan a lang hmasa bik. Cu nu cu a chungin khuachia pasarih a chuahpiakmi nu kha a si.

MARKA 5:9

Cucaah Jesuh nih amah cu, “Na min zeidah a si?” tiah a hal. Mipa nih cun, “Tampi kan si caah ka min cu ‘Bupi’ a si,” tiah a ti.

LUKA 11:26

Cun a va chuak i amah nakin a chia chinchinmi thlarau pasarih kha aa ratpi hna i cuka ah cun aa umpi hna. Cucaah a donghnak ah cun kha mipa kha a hramthawk i a sining nakkhan a umtuning a chia deuh,” a ti.

EFESA 6:12

Zeicahtiah kan dohmi hna cu minung kha si loin, vancung khua i a ummi thlarau sual ṭhawnnak hna le uktu hna le nawl ngeitu hna le hi a muimi chan lianhngannak hna hi an si.

HEBRU 10:39

Kannih cu aa let i a tlaumi kha kan si lo. Zumhnak a ngei i khamhnak a hmumi tu kha kan si.