MATTHAI 12:41 - Lai (Hakha) Common Language Bible 2006

⁴¹ Biaceih Ni ah cun Nineveh khua mi hna kha, annih cu Jonah nih phung a chimh hna tikah an sualnak kha an i ngaihchih caah, an dir lai i sual an in phawt hna lai; hihi kan chimh hna: Jonah nakin a ngan deuhmi pei hika ah hin a um cu!

Laibaibal Thiang (BSI)

⁴¹ Nineveh khua mi hna kha biaceih ni ah an tho lai i tuchan mi hna hi sual an phawt hna lai. Zeicatiah annih cu Jonah phungchimmi ruangah an i ngaihchih, ngaihmanh u, Jonah nâk i a ngan deuhmi hikâ ah a um.

MATTHAI 12:41 ပူးပေါင်းရင်းမြစ်များ

ISAIAH 54:17

Sihmanhsehlaw sermi hriamnam zeihmanh nih khan nangmah cu an pem kho lai lo; sual an puhtu vialte hna kha na leh khawh dih hna lai. Ka salle cu ka ven hna lai i teinak ka pek hna lai,” a ti. Hi bia cu Bawipa nih a chim.

JEREMIAH 3:11

Cun Bawipa nih a ka thawh i, “Zumhawktlak lo Israel hi hlenhmang Judah nakin mawhchiat awk a tlawm deuh lehlam.

JONAH 1:2

“Nineveh khualipi ah cun va kal tuah, atu ah va kal law a ṭhat lonak nih khan a cerh in a ka cerh caah va si,” tiah a ti.

JONAH 3:4

Jonah cu khuapi chungah cun a va lut i ni khat a kal hnuah khin, “Hi hnu ni sawm li chungah Nineveh hi a rawk lai!” tiah a au.

MATTHAI 12:39

Jesuh nih cun a thawh hna i, “Tu chan mi hi nan va ṭha loin Pathian zei ah nan hei rel lo hringhran dah. Khuaruahharnak pakhat in tuah, nan ka ti. Ka tuah lai lo. Profet Jonah khuaruahharnak dah ti lo kha cu khuaruahharnak zeihmanh kan tuahpiak hna lai lo.

MATTHAI 12:42

Biaceih Ni ah cun Thlanglei Siangpahrangnu kha a dir lai i sual an phawt hna lai, zeicahtiah anih cu vanhramdeng in a ra riangmang i Solomon fimnak kha a hung zoh; atu hi Solomon nakin a ngan deuhmi hika ah hin a um,” tiah a ti hna.

MATTHAI 12:45

Cu tikah a kal ṭhan i amah nakin a chia deuhmi thlarau pasarih kha a vaa sawm hna i an ra i cuka ah cun an um; a donghnak ah cun cu pa umtuning cu a hlan nakkhan a chia deuh. Cuticun atu chan, chan ṭhalo, umtuning ding hi a si lai,” tiah a ti.

MATTHAI 12:6

A ngaingai ti ahcun, biakinn nakin a ngan deuhmi pei hika ah hin a um cu.

MATTHAI 16:4

Tuchan mi hi mi ṭhalo le Pathian zei i a rel lomi nan si. Khuaruahharnak tuah nan ka fial, sihmanhsehlaw ka tuah lai lo. Khuaruahharnak tuahpiak nan si dingmi cu Jonah khuaruahharnak lawnglawng kha a si lai,” tiah a ti. Cun lo diam in a kaltak hna.

MATTHAI 17:17

Jesuh nih cun a leh i, “Nannih cu a zum kho lomi le a palhmi nan si hrimhrim ko. Zei can dah nan sinah ka um awk a herh lai? Zei can dah kan umpi hna a herh lai? Ngakchiapa cu ka sinah hin ratpi u,” tiah a ti hna.

MATTHAI 23:36

Hihi kan chimh hna: hi mi vialte hna ruang i dantatnak cu tu chan mi cungah hin a tlung lai.

LUKA 11:32

Biaceih Ni ah cun Nineveh khuami cu an dir lai i nannih kha sual an in phawt hna lai, zeicahtiah annih cu Jonah bia chimmi an theih tikah khan an ziaza an i thleng, asinain hika ah hin Jonah nakin a ngan deuhmi a um ko ṭung,” tiah a ti.

JOHAN 3:31

Cunglei in a rungmi cu a dang vialte nakin a ngan deuh, vawlei in a rami cu vawlei ta kha a si i vawlei cung thil kong kha a chim. Cunglei in a rami cu zeizong vialte cungah a um.

JOHAN 4:12

Hi tikhor hi kan pu Jakob nih a kan pekmi a si; amah nih siseh, a fapale nih si hna seh, a saṭil run nih si hna seh, an rak dinmi tikhor cu hi tikhor hi a si. Jakob nak ngan deuh ah cun maw naa ruah?” tiah a leh.

ROM 2:27

Cucaah nannih Judah mi cu, Nawlbia kha nan i ṭial i nan cuarpar nan i tan nain, nawlbia kha nan buar caah Jentail mi nih, an pum in cuarpar tannak an ngei lo nain, Nawlbia kha an zulh caah, sual an in phawt hna lai.

HEBRU 11:7

Noah kha, a hmuh khawh lomi hmailei thil kongah, Pathian nih ralrinnak a pek tikah, cu ralrinnak bia a theihtertu cu zumhnak a si. Pathian bia kha a ngaih i lawng pakhat a ser i cu chungah cun amah le a innchungkhar kha him tein an um. Cuticun a zumhnak khan vawleicung mi vialte cu, an palh, ti kha a langhter i zumhnak thawngin a rami dinnak kha Pathian sinin a hmuh.