MATTHAI 12:34 - Lai (Hakha) Common Language Bible 2006

³⁴ Rul hna, zeitindah miṭhalo nan si ahcun nan kaa in bia ṭha cu a chuah khawh lai? Kaa nih cun lungchung i a khatmi kha pei a chim cu.

Laibaibal Thiang (BSI)

³⁴ Rul fale hna, misual nan si buin biaṭha nan chim kho hnga maw? Lungthin i a liammi kha kâ nih a chim tawn.

MATTHAI 12:34 ပူးပေါင်းရင်းမြစ်များ

SALM 53:1

Mihrut nih cun an i thawh i, “Pathian a um lo,” an ti. An dihlak in an thu, thil ṭhalo kha an tuah, ahmaanmi thil a tuahmi ahohmanh an um lo.

SALM 64:3

An lei kha nam bantukin an i tat i bia ṭhalo kha thal bantukin an kah.

SALM 64:5

Thil ṭhalo tuahnak ding khua an khanmi ah khan, pakhat le pakhat thazang an i pe, khuazei ah dah kan rap kha kan chiah hna lai tiah an i ceih. “Kan rap cu ahohmanh nih hmu hna hlah seh,” an ti.

PHUNGTHLÛKBIA 16:23

Mifim nih cun bia a chim hlanah a ruah hmasa, cucaah a chimmi cu hmual a ngei.

PHUNGTHLÛKBIA 4:23

Na lung kha ṭha tein veng tuah, Zeicahtiah cuka cun nunnak cerhti kha a put.

ISAIAH 32:6

Mihrut nih cun hruhnak bia kha a chim i zei ṭhat lonak dah ka tuah lai ti kha a ruat. A tuahmi le a chimmi cu Pathian zawmhtaihnak lawng kha an si i rawlṭammi kha rawl a pe bal hna lo i tihalmi kha din awk zeihmanh a pe bal hna lo.

ISAIAH 59:14

Dinnak cu kan ṭhawl i ahmaanmi thil nih a naih in a kan naih kho lo. Zapi i pumhnak hmun ah khan biatak cu zeihmanh ah rel a si lo i biaceihnak hmun ah khan dinnak zeihmanh a um lo.

ISAIAH 59:4

Biaceihnak hmun ah nan kal, sihmanhsehlaw ahohmanh bia hmaan a chimmi nan um lo. Nan bia tei khawhnak caah lih kha nan i bochan. Midang harnak peknak caah khua nan khan i cucu nan tlinter taktak.

ISAIAH 9:17

Cucaah cun Bawipa nih tlangval pakhat hmanh kha a luatter hna lai lo i mi cu an dihlak in Pathian zei i a rel lomi le bia ṭhalo chimmi lawngte an si caah, nuhmei zong ngakṭah zong ahohmanh a zaangfah hna lai lo. Cu ti a si na hmanh cun Bawipa thinhunnak cu a dong lo i dantatnak pek awkah a kut cu aa samh ko rih.

MATTHAI 12:35

Miṭha nih cun thil ṭha aa khonmi chung khan thil ṭha a chuah hna i miṭhalo nih cun thil ṭhalo aa khonmi chung khan thil ṭhalo a chuah hna.

MATTHAI 15:18

Sihmanhsehlaw kaa chungin a chuakmi thil cu lung chungin a chuakmi thil an si i cu hna nih cun mi cu an thurter.

MATTHAI 23:33

Rul hna, rul fale hna. Zeitindah hell chung tla ding i biaceihnak cu kan luat kho lai tiah nan i ruah?

MATTHAI 3:7

Johan nih, Farasi mi hna le Sadusi mi hna kha, tipil in awkah a sin i an rat kha a hmuh tikah a thawh hna i, “Rul hna, Pathian thinhunnak a ra liomi chung cun nan luat kho lai, tiah aho nih dah aan chimh hna?

LUKA 3:7

Johan sinah khan mi cu a bubu in tipil in awkah khan an hung chuak lulhmalh. A rak thawh hna i, “Rul hna, Pathian thinhunnak a ra liomi sin cun nan luat kho lai tiah aho nih dah aan chimh hna?

LUKA 6:45

Miṭha nih a lung chung i thil ṭha a khonmi chung khan ṭhatnak a chuahter; miṭhalo nih a lung chung i thil ṭhalo a khonmi chung khan chiatnak a chuahter. Zeicahtiah mi nih a kaa in a chimmi hi a lung chung i a khatmi kha a si,” tiah a ti.

JOHAN 8:44

Nannih cu nan pa Khuachia fa kha nan si i tuah nan duhmi cu nan pa duhnak kha a si. Amah cu a hramthawk tein lainawng a rak si. Biatak kha zeitikhmanh ah a ṭanh bal lo, zeicahtiah a chungah biatak zeihmanh a um lo. Lih a chim tikah a tuah tawn zungzalmi kha a tuah a si ko, zeicahtiah anih cu milihchim a si i lih vialte pa a si.

EFESA 4:29

Bia nan i ruah tikah mi ca ṭhat lonak bia hmang hlah u. Mi ca i san a tlaimi, a herhmi zawn i ṭhatnak a chuahpitu le a theimi thluachuah vanluh a petu ding bia lawng kha hmang u.

EFESA 5:4

Cun a thurhnawmmi holh le hruh bia le bia dawhcah lo zong kha nan hman awkah aa tlakmi an si lo. Pathian lawmhnak bia tu kha nan chim awk a si.

JEIM 3:2

Kan dihlak hin palhnak kan tuah cio tawn. A biachim ah palhnak a tuah lomi cu mitling a si i a pum aa uk khomi a si.

1JOHAN 3:10

Pathian fale hna le Khuachia fale hna an i dannak cu hihi a si: ahmaanmi thil a tuah lomi cu Pathian fa an si lo; cun a unau a daw lomi zong an si ṭhiamṭhiam lo.

1 SAMUEL 24:13

Hlanlio mi hna phungthluk ah, ‘Miṭhalo chungin ṭhat lonak a chuak,’ ti a si; sihmanhsehlaw ka kut nih cun an tu lai lo.