MATTHAI 12:27 - Lai (Hakha) Common Language Bible 2006

²⁷ Nannih nih nan ka thawh i khuachia ka ṭhawl khawh hna cu Beelzebul nih ṭhawl khawhnak nawl kha a pek caah a si, nan ka ti. Cucu va si seh law, nanmah zultu hna kha tah aho nih dah ṭhawl khawhnak kha an pek hna? Nanmah zultu lila hna i nan tuahnak nih pei nan palhnak cu an langhter ko hi.

Laibaibal Thiang (BSI)

²⁷ Kei nih Belzebul ruang i khua chia ka ṭhawl ahcun, nanfa le hna nih ta, ahothawngindah an rak ṭhawl? Cucaah anmah kha nanmah biaceihtu ding an si te lai.

MATTHAI 12:27 ပူးပေါင်းရင်းမြစ်များ

MATTHAI 10:25

Cucaah siangngakchia caah a saya tluk si cu a za ko i sal caah a bawi tluk si kha a za ko. Innchungkhar i an lu cu Beelzebul ti a si ahcun, innchungkhar mi chinchin cu cu nak min chia deuh in pei auh an si lai cu,” tiah a si.

MATTHAI 4:24

Amah thawng cu Siria ram zongah khan a thang dih i zawtnak a phunphun in a zawmi vialte hna le harnak a phunphun a ingmi hna kha amah sinah cun an ratpi hna: khuavang nih a tuahmi hna le mitlu a simi hna le a zengmi hna kha a damter dih hna.

MATTHAI 9:34

Sihmanhsehlaw Farasi mi hna nih cun, “Khuachia ṭhawl khawhnak nawl a petu hi khuachia bawi a si,” an ti.

LUKA 11:19

Ka ṭhawlning hna cu hitihin a si ahcun, nanmah nan zultu hna nih khan tah zeitindah an ṭhawl kun hna? Nanmah nan zultu hna lila nih pei nan palh diam ti kha an langhter ko cu.

LUKA 19:22

Amah cu a thawh i, ‘Sal ṭhalo. Nangmah bia lila cu nangmah biaceihnak ah ka hman lai. Nangmah nih keimah cu mikhepkha ka si le ka ta a si lomi a la tawn i ka tuh lonak hmun i a zun tawntu ka si cu na hngalh.

ROM 3:19

Nawlbia chung bia cu Nawlbia tang i a ummi hna caah khan a si ti kha kan hngalh; cu tiin a sinak cu mi nih silhnalh khawhnak zeihmanh an ngeih khawh nakhnga lo le vawlei cu a ningpi in Pathian biaceihnak hmai i a dir ding a si kha a langh nakhnga caah a si.