MATTHAI 12:26 - Lai (Hakha) Common Language Bible 2006

²⁶ Cucaah Satan pennak chungah hin bu khat le bu khat an i doh ahcun cu pennak cu aa ṭhen dih cang a si ko caah tuan te ah a rawk ko lai.

Laibaibal Thiang (BSI)

²⁶ Satan nih Satan a ṭhawl ahcun amah le amah â doh a si hnga lo maw? Zeitindah a pennâk cu a dir khawh lai?

MATTHAI 12:26 ပူးပေါင်းရင်းမြစ်များ

MATTHAI 13:19

Lam hril i a tlami thlaici cu Vancung Pennak kong kha a theih cu a thei i a sullam a hngal ṭung lo mi kha an si. An chung i tuhmi thlaici cu Mi Ṭhalopa nih khan a chuah dih.

MATTHAI 4:10

Cun Jesuh nih a leh i, “Satan, va kal cang, Cathiang nih pei, ‘Bawipa na Pathian cu va bia law, amah rian lawnglawng va ṭuan,’ a ti kha,” tiah a ti.

MATTHAI 9:34

Sihmanhsehlaw Farasi mi hna nih cun, “Khuachia ṭhawl khawhnak nawl a petu hi khuachia bawi a si,” an ti.

JOHAN 12:31

Atu cu vawlei hi a biaceih caan a si cang; atu cu hi vawlei uktu hi tei a si cang lai.

JOHAN 14:30

Hi vawlei uktupa hi a rat dengmang cang caah bia saupi kan ruah kho ti hna lo. Ka cungah nawl ngeihnak cu zeihmanh a ngei lo,

JOHAN 16:11

cun hi vawlei uktupa hi a bia ceih a si cang caah hin biaceihnak kong ah an palh.

2 KORIN 4:4

Annih nih zeicahdah an zumh lo ti ahcun, hi vawlei khuazing ṭhalo nih hin an lungthin cu mui lakah a chiah peng hna caah a si. An cung i a ceumi ceunak cu hmu loin a umter hna, cu ceunak cu Khrih sunparnak kong Thawngṭha in a rami a si i Khrih cu Pathian bantuk taktak a si.

KOLOSE 1:13

Zeicahtiah amah nih cun muihnak ṭhawnnak chung khan a kan chuah i a dawtmi a Fapa pennak chungah khan him tein a kan luhpi i

1JOHAN 5:19

Vawlei hi a pumpi in Miṭhalopa kut tangah a um nain kannih cu Pathian mi kan si ti kha kan hngalh.

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

BIAPHUAN 16:10

Cun vancungmi panganak nih a kanto cu sahrang bawiṭhutdan cungah khan a bungh. Sahrang pennak ram cungah khan muihnak a tlung ciammam i fahnak an inmi kha a fah tuk caah an lei kha an i seh,

BIAPHUAN 9:11

An uktu ah siangpahrang pakhat an ngei i dongh hngal lo khor a uktu vancungmi kha a si. A min cu Hebru holh in Abaddon ti a si; Grik holh cun Apollyon ti a si i a sullam cu “Hrawktu” tinak a si.