MATTHAI 12:21 - Lai (Hakha) Common Language Bible 2006

²¹ Amah cu miphun vialte nih an i bochan lai,’ tiah a timi kha tlinternak caah a si.

Laibaibal Thiang (BSI)

²¹ Cun Gentel mi nih a min an i bochan lai,” timi a tlin nâkhnga caah a si.

MATTHAI 12:21 ပူးပေါင်းရင်းမြစ်များ

ISAIAH 11:10

Siangpahrang David ciruang chungin a chuakmi siangpahrang thar cu miphun hna caah hmelchunhnak a si lai i cu a si lainak ni cu a phan lai. A siangpahrang khua chungah khan an i pum lai i upatnak an pek lai.

ISAIAH 42:4

A lung a dong lai lo, a tha zong a chia lai lo, vawlei cungah dinnak kha a hmunhter lai. Lamhlat pipi i a ummi ram nih a cawnpiaknak kha ngangngan in an hngak ko,” a ti.

MATTHAI 12:22

Cun Jesuh sinah cun, mipa pakhat khuachia nih a tuah ruangah a mit a caw i a holh kho lomi kha an ratpi. Jesuh nih cun a rak damter i cucaah a holh kho i khua zong a hmu kho.

KOLOSE 1:27

Pathian nih aa tinhmi cu, mi vialte caah si seh tiah a rak ruahmi biathli, a sunglawi i a lianngan ngaingaimi biathli, a mi hna sin i a phuanmi cu a si. Cu biathli cu, Khrih cu nan chungah a um i cucaah nannih cu Pathian sunparnak kha nan i hrawm lai, timi hi a si.