MATTHAI 11:23 - Lai (Hakha) Common Language Bible 2006

²³ Cun nang Kapernaum khua. Van ah i hlorhning ti na duh. Sihmanhsehlaw hell chungah vun hlonh na si lai. Zeicahtiah na chungah ka tuahmi khuaruahharnak vialte hi Sodom khua chungah khan tuah rak si hna seh law, nihin ni tiang hin a hmun ve ko rih hnga.

Laibaibal Thiang (BSI)

²³ Nang Kepernaum van tawngin cawisan sihmanhsehlaw, mithi khua ah hlawnh na si te lai, na chung i tuahmi khuaruahhar thil hna kha Sodom khua ah tuah hei si sehlaw, atu tiangin a um rih ko hnga.

MATTHAI 11:23 ပူးပေါင်းရင်းမြစ်များ

GENESIS 13:13

Sodom khuami cu miṭhalo, Bawipa cung i ṭhat lonak a tuahmi misual an si.

ṬAHNAK HLA 2:1

Bawipa nih a thinhun in Zion fanu cu muihnak in a khuh ai! Israel sunparnak cu vancung in vawlei ah a thlak i A thinhun ni ah cun Zion cu a ke chiahnak a si kha a hngal ti lo.

EZEKIEL 26:20

khor thukpi chungah a kalmi hna sinah khan kan nam chih lai i hlan lio pi in a thi lengmangmi hna sinah khan kan thlak lai. Vawlei tangah, zungzal in a kingmi hmun ah cun kan umter lai, khor thukpi chung i a vung kalmi hna sinah cun kan umter ve lai. Cucaah zeitikhmanh ah na chungah mi an um ṭhan ti lai lo i a nungmi hna ram chung zongah khan naa tel ti lai lo.

EZEKIEL 31:14

Cucaah ti ṭha tein a hmumi thingkung vialte hna cu cu tlukin an sang bal ti lai lo i kha thingkung tluk khan thingkung dang cungah an zik a fong ti lai lo. An lak i a ṭhawng bikbik hna zong, ti ṭha tein a hmumi si ko hna hmanh seh law, ding thlerthlur in an dir kho ti lai lo, zeicahtiah an dihlak in thihnak ah chanh an si cang, vawlei tang hmun i kal awkah khiah an si cang i cuka ah cun mi vialte co ciomi kha an co ve lai i khor chungah cun an tla ve ko lai.

EZEKIEL 32:18

“Mipa, Izipt le a mi hna kha ṭah hla lawh hna, Nangmah le miphun hna nu hna nih lawh hna u, Khor chungah a vung kalmi hna he cun tanglei vawlei ah ka vun kalpi hna lai.

EZEKIEL 32:24

Khika ah khan Elam kha a um ve, a velchum ah khan a mi hna kha an vui ve hna, an dihlak in vainam in thahmi an si; annih cu thazang zeihmanh ngei loin tanglei vawlei ah khan an vung kal cang, minung ram i ṭihphannak a rak khahter tawntu hna kha atu cu khor chung i a vung kalmi hna ningzahnak kha an i hrawm ve cang.

OBADIAH 1:4

Na umnak cu muvanlai bu tlukin sang in, na bu cu arfi hna lakah khin si ko hmanh seh law, Khika khin kaan ṭhumh ṭhiamṭhiam ko lai,” tiah Bawipa nih a ti.

MATTHAI 10:15

Mah hihi philh hlah u: Biaceih Ni ah Pathian nih, cu khuami nakcun Sodom le Gomorrah khuami kha a zaangfah deuh hna lai,” tiah a ti.

MATTHAI 16:18

Cucaah cun nang cu lung tum, Peter, na si, kan ti. Cun hi lungpi cungah hin ka Khrihfabu hram ka bunh lai i cucu thihnak hmanh nih a tei kho lai lo.

MATTHAI 17:24

Jesuh le a zultu hna kha Kapernaum khua i an rat tikah biakinn ngunkhuai khawltu pawl nih khan Peter cu, “Nan sayapa nih biakinn ngunkhuai a pe bal maw?” tiah an hal.

MATTHAI 4:13

Nazareth khua ah khan um loin Kapernaum khua tu ah khan a um; Kapernaum khua cu Zebulun le Naftali phun hna ram chung i a ummi khua, Galilee Rili pawng i a ummi kha a si.

MATTHAI 8:5

Jesuh cu Kapernaum khua i a va luh ah khan Rom ralbawi pakhat nih a rak don i,

LUKA 10:15

Cun maw Kapernaum, vancung i hun i hlorh khi na duh mu? Hell chungah khin vun hlonh na si lai,” a ti.

LUKA 14:11

Amah le amah a ngan ah aa chiami cu nauta ah chiah a si lai i mi tangah aa dormi cu mi ngan ah ser a si lai,” tiah a ti.

LUKA 16:23

Mirumpa cu Hell chungah a tla i nganfak ngaiin a um; cunglei hi a hun zoh i lamhlapi ah khin Abraham le a pawng i Lazaruh kha a hun hmuh hna.

LUKA 4:23

Cun anih nih a thawh hna i, “ ‘Sibawipa, nangmah le nangmah i damter,’ timi phungthlukbia kha nan ka chimhnawh te lai, tiah fiang tein ka hngalh ko. Cun nan i thawh fawn lai i, ‘Kapernaum khua ah na tuah tiah kan theihmi thil cu na chuahkehnak khua zongah hin tuah ve hna,’ ti zongah nan ka ti fawn lai.

LAMKALTU 2:27

Mithikhua ah khan ka thlarau cu na kaltak lai lo caah Ruahchannak ngei in hnangam tein ka um ko lai. Nangmah an tlaihchanmi na sal cu ṭhutnak kha na hmuhter lai lo.

LAMKALTU 2:31

David nih cun Pathian nih zeidah a tuah lai ti kha a rak hmuh i cu caah, ‘Amah cu mithikhua ah a kaltak lo, a titsa cu thutnak a hmu lo,’ tiah a rak ti tikah hin, Messiah a thawh ṭhan lainak kong kha a chimmi cu a si.

JUDAS 1:7

Cun Sodom le Gomorrah le an pawngkam i a ummi khua hna kha philh hna hlah u. Cu khua mi hna nih cun, kha vancungmi hna bantuk khan, nu le pa sualnak kha an tuah i hawi ningkel hmanh in an tuah lo. Annih nih mei hremnak kha zungzal in an huah i cucu mi vialte ca in ralrin peknak a fiang komi thil a si.

BIAPHUAN 1:18

Kei cu a nungmi kha ka si. Ka rak thi, sihmanhsehlaw zohhmanh, zungzal in zungzal tiang ka nung cang. Thihnak cung le mithikhua cungah nawl ka ngei.

BIAPHUAN 11:8

an ruak cu khuapi chung lamkalai ah khan an ril lai, cu khua cu an Bawipa vailam i an khenh chihnak khua kha a si. Cu khua cu a min ah minhleng in Sodom, ti asiloah, Izipt ti a si.

BIAPHUAN 20:13

Cun rili nih a chung i a thimi kha a hun chuah hna. Thihnak le mithi khua zong nih khan, an hrenmi mithi kha an hun chuah ve hna. An dihlak in an tuahning cio khan an bia an ceih hna.

BIAPHUAN 6:8

Ka hun zoh i rangrau diapduap pakhat ka hmuh. A cung i aa citmi cu a min ah Thihnak a si i Hell nih a hnulei in a zulh. Vawlei cung cheu li cheu khat uknak nawl kha pek an si i ral in siseh, mangṭam in siseh, rai in siseh, sahrang in siseh, mi thah khawhnak nawl kha pek an si.