MATTHAI 11:22 - Lai (Hakha) Common Language Bible 2006

²² Cucaah hihi philh hlah u, Biaceih Ni ah cun Pathian nih Tair le Sidon khuami hna cu nanmah nakin a zaangfah deuh hna lai.

Laibaibal Thiang (BSI)

²² Hihi kan chimh hna, biaceih ni ah nan tuarding cu, Tair le Sidon khua tuar ding nâkin a zualhma deuh lai.

MATTHAI 11:22 ပူးပေါင်းရင်းမြစ်များ

JEREMIAH 25:22

Tair le Sidon siangpahrang vialte hna; Mediterranean rili ram i siangpahrang vialte hna;

JEREMIAH 27:3

Cun Edom siangpahrang, Moab siangpahrang, Ammon siangpahrang, Tair siangpahrang le Sidon siangpahrang sinah khan, Judah siangpahrang Zedekiah sinah Jerusalem ah a rami an lamkal hna sinin bia cah hna.

EZEKIEL 29:18

A ka thawh i, “Mipa, Babilon siangpahrang Nebukhadnezzar nih Tair dohnak ah a ralkap hna cu raltuknak hmun ah saupi a chiah hna i cucaah an lu zong a kolh dih i an liang zong a kok dih. Sihmanhsehlaw amah nih siseh, a ralkap hna nih si hna seh, cu ti i Tair saupi an dohnak thawng in zeihmanh a miak an hmuhmi a um lo.

JOEL 3:4

“Tair le Sidon le Filistia ram vialte hna, ka cungah zeidah tuah nan i timh? Ka tuahmi kha cham nan ka timh maw? Nan ka timh a si ahcun khulrang in keimah nih kan cham hna lai!

MATTHAI 10:15

Mah hihi philh hlah u: Biaceih Ni ah Pathian nih, cu khuami nakcun Sodom le Gomorrah khuami kha a zaangfah deuh hna lai,” tiah a ti.

MATTHAI 11:21

“Khorazin khua, na caah ngaihchia a va si dah. Bethsaida khua zong na caah ngaihchia a va si dah. Nan chung i khuaruahharnak ka tuahmi vialte hi Tair le Sidon khua ah rak tuah hna ning law, cu khua mi hna cu puanchia i aih le vutcam i phulh in an i ngaihchih diam cang hnga!

MATTHAI 11:24

Cucaah hihi philh hlah. Biaceih Ni ah cun Pathian nih Sodom khua cu nangmah nakin a zaangfah deuh lai,” a ti.

MATTHAI 12:36

“Hihi kan chimh hna: Nan kaa in a chuakmi bia, ruah setsai loin nan chimmi bia vialte kha, zeicahdah kha ti khan ka rak chim, tiah Biaceih Ni ah cun nan ti a hau te lai.

LUKA 10:14

Biaceih Ni ah cun nanmah nakin Tair le Sidon kha Pathian nih a zaangfah deuh te hna lai.

HEBRU 2:3

kannih nih khamhnak hi tluk a nganmi hi zeirello in kan um ahcun, zeitluk in dah dantatnak cu kan luat lo chinchin lai? Hi khamhnak cu a hmasa bik ah Bawipa hrimhrim nih khan a thanh i a theimi hna nih khan a thanhmi cu ahmaan tiah an kan chimh.

2 PETER 2:9

Cuticun Pathian nih harnak an inmi chungin Pathian a ṭihmi hna khamh cu a thiam i miṭhalo pawl cu Biaceih Ni tiang dantatnak tang i chiah cu a thiam.

2 PETER 3:7

Sihmanhsehlaw Pathian bia ṭhiamṭhiam nih cun atu i a ummi van le vawlei hi mei in hrawh awkah a zuah rih hna. Pathian zei i a rel lomi hna an biaceih a si ni le hrawh an si ni caah cun zuah an si.

1JOHAN 4:17

Kannih kan chungah dawtnak kha tlinter a sinak cu, Biaceih Ni ah ṭihnak zeihmanh kan ngeihnak hnga lo caah a si; cun cu bantukin ṭihnak ngei loin kan um khawhnak ding cu hi vawlei cungah hin Khrih bantukin kan nun caah a si.

BIAPHUAN 20:11

Cun bawiṭhutdan raangpi le a cung i a ṭhumi kha ka hmuh hna. A cung i a ṭhumi hmaika cun vawlei le van kha an zaam i an um ti lo.

BIAPHUAN 20:12

Cun mithi mi kha, a ngan he a hme he, bawiṭhutdan hmai i an ṭhut kha ka hmuh. Cauk kha an kau hna, cun cauk a dang pakhat, nunnak cauk zong kha an kau ve. Mithi cu an rak tuahmi cauk chung i aa ṭialning khan an bia an ceih hna.