MATTHAI 11:21 - Lai (Hakha) Common Language Bible 2006

²¹ “Khorazin khua, na caah ngaihchia a va si dah. Bethsaida khua zong na caah ngaihchia a va si dah. Nan chung i khuaruahharnak ka tuahmi vialte hi Tair le Sidon khua ah rak tuah hna ning law, cu khua mi hna cu puanchia i aih le vutcam i phulh in an i ngaihchih diam cang hnga!

Laibaibal Thiang (BSI)

²¹ Korazin, a poi tuk ê, Bethsaida, a poi tuk ê! Zeitintiah na sin i tuahmi khuaruahhar hna kha Tair le Sidon khua ah tuah hei si sehlaw, buri puan aih le lei dipah ṭhu in tuanah an i ngaihchih diam ko hnga.

MATTHAI 11:21 ပူးပေါင်းရင်းမြစ်များ

JOB 42:6

Cucaah keimah le keimah cu kaa hua i leidip le vutcam lakah ṭhu in kaa ngaihchih,” tiah a ti.

JEREMIAH 13:27

Va cungin pa nan i duhnak, hor au in nan aunak, nan thurhnawmhnak hna hi ka huat hna. Tlang cungah le ram lakah thil ṭhalo nan tuahmi kha ka hmuh hna. Aize, Jerusalem, nang cu khua thurhnawm na si ai! Zei can dah, zei can dah na rauh rih lai?

JOEL 3:4

“Tair le Sidon le Filistia ram vialte hna, ka cungah zeidah tuah nan i timh? Ka tuahmi kha cham nan ka timh maw? Nan ka timh a si ahcun khulrang in keimah nih kan cham hna lai!

AMOS 1:9

Hihi Bawipa bia an si: Tair nih ṭhat lonak kha pakhat hnu pakhat a tuah lengmang caah A cung i dantatnak ka tlunter ding kha ka let lai lo, Annih nih sahlawh rualchan sinak kha philh riangmang in, Saltang hna kha an bu ningpi in Edom ah an chiah hna.

MATTHAI 11:22

Cucaah hihi philh hlah u, Biaceih Ni ah cun Pathian nih Tair le Sidon khuami hna cu nanmah nakin a zaangfah deuh hna lai.

MATTHAI 15:21

Jesuh cu cuka hmun cun a chuak i Tair le Sidon khua pawng ram ah khan a kal.

MATTHAI 18:7

Vawlei cungah hin cu bantuk tlukrilhnak a um caah a va poi hringhran dah! Cu bantuk cu a um ṭheoṭheo ko lai, sihmanhsehlaw cu bantuk a umtertu caah cun ṭihnung a si hringhran ko.

MATTHAI 26:24

Mi Fapa cu Cathiang nih a thi lai a tining khan a thi lai, sihmanhsehlaw Mi Fapa a rawitu caah cun ngaihchia a si ko. Cu pa cu chuak loin rak um seh law a caah a ṭha deuh hnga,” tiah a ti.

MARKA 3:8

Jerusalem khua in, Idumea peng in, Jordan tiva ral ram in, le Tair le Sidon khua pawngkam i a ummi khua hna in a rami an si. Hi hna nih hin Jesuh nih a tuahmi thil kha an theih caah amah an fuhnak cu a si.

MARKA 6:45

Cucu a dih cangka in Jesuh nih a zultu hna cu lawng chungah a luhter hna i rili khattelei ral i a ummi Bethsaida khua ah khan ka hlan ah rak kal u, tiah a ti hna; anih tu cu mizapi kha a run thlahtak hna.

MARKA 7:24

Cun cuka cun Jesuh cu a chuak i Tair peng ah khan a kal. Inn pakhat chungah a lut i ahohmanh nih ka um hi hngal hna hlah seh ti a duh, sihmanhsehlaw aa thup kho lo.

MARKA 7:31

Jesuh cu Tair peng khan a chuak i Sidon pal pah in Galilee Rili ah khan a kal; Khua Pahra timi ram kha a tan.

MARKA 8:22

Bethsaida khua kha an phan i Jesuh sinah cun mitcawpa pakhat an ratpi i a rak tawngh nakhnga an nawl.

LUKA 4:26

sihmanhsehlaw cu hna sinah cun Elijah kha thlah si loin Sidon ram Zarefath khua nuhmei sin tu ah khan thlah a si deuh.

LUKA 6:17

Tlang cung cun an sinah a rung ṭum hnuah Jesuh cu hmunrawn pakhat ah a zultu mi tampi hna sinah khan a dir. Cuka ah cun mi tampi an um i cu hna cu Judea ram khuazakip le Jerusalem khua le rilikam khua a simi Tair le Sidon khua in a rami an si;

LUKA 9:10

Lamkaltu hna cu an ra tlung i an tuahmi vialte kha Jesuh cu an chimh dih. A sinah aa kalpi hna i anmah lawng tein Bethsaida timi khua ah khan an kal.

JOHAN 1:44

(Filip cu Andru le Peter bantukin Bethsaida khuami kha a si ve).

JOHAN 12:21

Galilee peng Bethsaida khuami Filip sinah khan an ra i, “Bawipa, Jesuh hmuh kan duh,” an ti.

LAMKALTU 12:20

Herod cu Tair le Sidon mi hna cungah khan a thin a hun ngaingai caah, cu hna nih cun a bu in amah cu ton awkah a sinah khan an va kal. A hmasa bik ah siangpahrang inn uktu Blastas kha anmah lei ṭang dingin an i sawm. Cun Herod sinah cun an va kal i i rem ko u sih, tiah an va nawl. Zeicahdah tiah an rawl laknak cu Herod siangpahrang ram hin a si.

LAMKALTU 27:3

A thaizing ah cun Sidon khua kha kan phan. Julias cu Paul cungah khan a ṭha ngaingai i va kal i a hawikom hna va hmuhtak kha a onh i a herhmi rak pekchanh zong kha a onh hna.

JUDAS 1:11

An caah ṭihnung a va si dah! Kain lam kha an zul. Tangka an duh ruangah Balaam nih palhnak a rak tuahmi leiah khan an kal ve. Korah nih Moses a rak doh bantuk khan mi doh an duh ve i amah bantuk khan hrawh an si ve.

BIAPHUAN 11:3

Ka tehte pahnih kha ka thlah hna lai, annih cu buri an i aih lai i ni thong khat le za hnih le sawm ruk chung Pathian bia kha an chim lai.

BIAPHUAN 6:12

Cun Tuufa nih cakhenh paruknak a phoih kha ka hmuh. A fak ngaimi lihnin a um i ni cu puanchia nak bantukin a nak i thlapa cu thisen bantukin a sen dih.