MATTHAI 10:41 - Lai (Hakha) Common Language Bible 2006

⁴¹ Pathian lamkaltu cu Pathian lamkaltu a si ruangah a rak conglawmhtu paoh cu a laksawng kha aa hrawm ve lai; cun miṭha cu miṭha an si ruangah a rak conglawmhtu paoh cu miṭhapa laksawng kha aa hrawm ve lai.

Laibaibal Thiang (BSI)

⁴¹ Profet cohlângtu cu Profet cohlân man a hmuh lai i miding cohlângtu cu miding cohlân man a hmuh lai.

MATTHAI 10:41 ပူးပေါင်းရင်းမြစ်များ

GENESIS 20:7

Asinain atu cu minu kha a va sinah kirter ṭhan. A va cu profet a si i thla an campiak lai i na thi lai lo. Sihmanhsehlaw na kirter ṭhan lo ahcun, nangmah le na innchungkhar kha nan thi dih lai, tiah ralrinnak kan pek,” a ti.

ISAIAH 3:10

Miding mi cu an i lawm lai, an caah thil a rem thliahmah ko lai. An ṭuan man kha an i lawmhpi lai.

MATTHAI 16:27

Mi Fapa hi ka Pa sunparnak in tuan ah ka vancungmi hna he ka ra lai i mi vialte kha an rian ṭuan ning cio in laksawng ka pek hna lai.

MATTHAI 25:44

Khi tikah annih nih, ‘Zeitik te ah khan dah na rawl a ṭam, na ti a hal, puan aih awk ngei loin na um, khual na si, na zawt, thong ah na tlak i kan in hramh duh lo cu a si?’ tiah an leh lai.

MATTHAI 25:45

Cun Siangpahrang nih khan, ‘Hihi kan chimh hna: misifak hramh nan duh hna lo paoh ah khan nan ka hramh duh lo a si,’ tiah a leh ṭhan ve lai.

MATTHAI 6:1

“Thil ṭha nan tuahmi hi zapi nih ka hmu hna seh ti duhnak lungthin in mizapi hmaiah nan tuah nakhnga lo i ralring u. Cu ti nan tuah ahcun vancung khua i a ummi nan Pa sinin laksawng zeihmanh nan hmu lai lo.

MATTHAI 6:18

cuticun midang nih rawl an ul ti awk kha an in hngal kho hna lai lo i hmuh khawh lomi nan Pa lawnglawng nih a hngalh lai. Cun a thli tein nan tuahmi a hmutu nan Pa nih laksawng an pek hna lai.

MATTHAI 6:4

nanmah lawngte nih va hngal ko u. A thli tein nan tuahmi a hmutu nan Pa nih khan laksawng an pek hna lai.

MATTHAI 6:6

Sihmanhsehlaw nannih cu thla nan cam tikah, nan inn khaan chungah va lut u law, innka vaa khar khumh u law, cuticun hmuh khawh lomi nan Pa sinah khan va cam u. Cun a thli tein nan tuahmi a hmutu nan Pa nih khan laksawng an pek hna lai.

MATTHAI 7:8

Zeicahtiah a halmi paoh cu pek an si lai i a kawlmi paoh nih cun an hmuh lai i a kingtu paoh cu innka kha hunpiak an si lai.

LAMKALTU 16:15

Amah le a innchung i a ummi hna nih khan tipilnak an in. Cun a kan thawh i, “Keimah cu Bawipa zumtu taktak ah nan ka ruah a si ahcun, ra u law ka inn ah ra ka tlung u,” tiah a kan sawm.

ROM 16:23

Ka tluninn pa Gaius, Khrihfabu an i pumhnak inn a ngeitu nih hin nan kut an tlaih hna. Hi khua tangka kengtu Erastas le kan unau Kuartas nih nan kut an in tlaih hna.

1 KORIN 9:17

Ka rian hi keimahte nih kaa thim i ka tuahmi a si ahcun, ṭuan man ka hmuh lai ti zong cu kaa ruahchan hnga, sihmanhsehlaw ka rian hrimhrim a si tiin ka ṭuan hi Pathian nih hi rian hi ka kut chungah a ka pek caah a si.

HEBRU 6:10

Pathian cu miding lo a si lo. Rian nan rak ṭuanmi le nan Khrihfa hawi nan rak bawmh tawn hna i atu zongah nan bawmh ko rih hna thawngin nan langhtermi amah nan dawtnak kha a philh lai lo.

2 JOHAN 1:8

Cucaah nan ṭuan lengmang hnawhchanmi kha nan sungh sual nakhnga lo le nan laksawng kha tling tein nan hmuh nakhnga, ralring tein um ko u.