MATTHAI 10:33 - Lai (Hakha) Common Language Bible 2006

³³ Sihmanhsehlaw zapi hmaiah, amah mi ka si lo, tiah aa phehmi cu vancung khua i a ummi ka Pa hmaiah cuticun ka ti ve hna lai.

Laibaibal Thiang (BSI)

³³ Asinain mi hmai i aka hlawtu cu, van i ka Pa hmaiah ka hlawt ve hna lai.

MATTHAI 10:33 ပူးပေါင်းရင်းမြစ်များ

ISAIAH 59:13

Nangmah cu kan in doh, kan in hlawt i kan in zul duh lo. Kan Pathian cu kan in kirtak i kan in hlawt. Kan lung chungin lih kha kan i pawi i cu lih cu mi congoihnak le mi rawinak ah kan hman hna.

MARKA 14:30

Jesuh nih Peter cu, “Hihi philh hlah, ar voi hnih a khuan hlanah, ka hngal lo, tiah voi thum tiang na ka ti lai,” tiah a ti.

MARKA 14:72

Cu caan te ah cun ar kha a khuang ṭhan i Peter nih cun Jesuh i, “Ar voi hnih a khuan hlanah voi thum na ka hlawt lai,” a rak timi kha a lung ah a hung chuak. Cun a ṭap.

MARKA 8:38

Atu chan, Pathian zei ah a rel lo i chan ṭhalo a simi chan ah hin, keimah le ka cawnpiaknak a ka zahpimi cu, Mi Fapa hi ka Pa sunparnak in vancung mithiang mi hna he ka rat tikah, ka zahpi ve hna lai,” tiah a ti hna.

LUKA 12:9

Sihmanhsehlaw nangmah ta ka si lo tiah zapi hmaiah aa phehmi cu, Pathian vancungmi hna hmaiah Mi Fapa zong nih, ka ta nan si lo, tiah a ti ve hna lai.

LUKA 22:57

Sihmanhsehlaw Peter nih aa pheh i, “Minu, a hngalh hmanh ka hngalh ṭung lo,” a ti.

LUKA 9:26

Ahohmanh keimah le ka cawnpiaknak kha a kan zahpimi cu, Mi Fapa nih ka sunparnak le ka Pa le a thiangmi vancungmi hna sunparnak he ka rat tikah, ka zahpi ve hna lai.

2TIMOTE 2:12

Kan in khawh peng ahcun, a uk zong amah he kan uk ṭi lai. Kan hlawt ahcun, amah zong nih a kan hlawt ve lai.

2 PETER 2:1

Hlan lioah Israel mi hna lakah nal profet an rak chuah tawn bangin, nanmah lak zongah hin cawnpiaktu hmaanlo an chuak ve lai. Thil hrawktu a simi le ahmaan lomi zumhning kha an chuahpi lai i anmah a tlantu hna kan Bawipa kha an hlawt lai i cucaah an cungah a rian a rangmi rawhralnak kha an i tlunter lai.

1JOHAN 2:23

Fapa a hlawmi nih cun Pa zong kha an hlawt, Fapa a cohlangmi nih cun Pa zong kha an cohlan.