MATTHAI 10:28 - Lai (Hakha) Common Language Bible 2006

²⁸ Pum cu a that kho ko nain thlarau a that kho lomi cu va ṭih hlah u; hell chungah pum he thlarau he a that khotu Pathian tu kha va ṭih u.

Laibaibal Thiang (BSI)

²⁸ Taksa a that kho nain thlarau a that kho lotu cu ṭih hlah u. Hremhmun i thlarau le taksa he a thla khotu khi ṭih deuh u.

MATTHAI 10:28 ပူးပေါင်းရင်းမြစ်များ

2 SIANGPAHRANG 17:39

sihmanhsehlaw nan Pathian cu nan ṭih lai i nan ral vialte hna kut chungin an chuahter hna lai,” tiah a ti.

JOB 37:24

Cucaah mi nih amah cu an ṭih; Amah le amah ka fim, tiah aa timi cu zei ah a rel hna lo,” tiah a ti.

SALM 119:120

Nangmah kan ṭih caah a ther in ka ther, na biakhiahmi hmaiah cun khuaruahhar in ka dir.

PHUNGCHIMTU 5:7

Mang cu manh len ko, cun na tuahmi rian zong cu pakpalawng si koin na chimmi bia cu tam ko hna hmanh seh law Pathian cu na ṭih ṭhiamṭhiam awk a si.

ISAIAH 51:12

Bawipa nih aa thawh i, “Nanmah thazang an petu hna cu keimah ka si. Cucaah cun zeicahdah ram nakin sau deuh a nung hlei lomi, a thi khomi minung cu nan ṭih hna?

ISAIAH 51:7

“Zeidah a hmaan ti kha a hngal i a lung chungah ka cawnpiaknak aa cinkenmi hna, ka bia ngai tuah u. Mi nih an in hro hna le an in zawmhtaih hna tikah nan thinphang hlah u.

ISAIAH 66:2

Van le vawlei hi keimah nih ka ser dih hna. Mi toiah aa dor i an sualnak aa ngaihchih i a ka ṭih i ka nawl a ngaimi cu an cungah ka lung aa lawm.

JEREMIAH 5:22

Nan ka ṭih lo maw? tiah Bawipa nih a ti; Ka hmaiah nan tha a ther lai lo maw? Rili caah thetse kha ramri ah a chia i A lonh khawh lo zungzalmi dawntu a caah a chiatu keimah hmaiah hin nan tha ther loin maw nan um ko lai? Rili tilet cu an tho ko lai, sihmanhsehlaw an lonh kho lo; Tilet cu an awn ko lai, sihmanhsehlaw an pah kho lo.

MATTHAI 10:26

“Cucaah mi cu va ṭih hna hlah u. Khuhmi thil paoh kha hun dih an si ko lai i biathli vialte kha hngalh dih an si ko lai.

MATTHAI 25:46

Hi hna cu zungzal hremhmun ah khan kalter an si lai: a dingmi cu zungzal nunnak ah khan an kal lai,” tiah a ti.

MATTHAI 5:22

Asinain kei nih cun, ‘A u a nau cung i a thin a hungmi paoh cu biaceihtu hmaiah chuahpi nan si lai i a u siseh, a nau siseh, “Zei rua ram lo,” a timi paoh cu biaceihtu bu sinah chuahpi nan si lai; cun ahohmanh, a u siseh, a nau siseh, “Mihrut” a timi paoh cu hell mei chung i tlak awkah aa tlakmi nan si lai,’ kan ti hna.

JOHAN 5:29

cun an thlan khan an chuak lai i ṭhatnak a tuahmi kha an tho lai i an nung lai; ṭhat lonak a tuahmi kha an tho ve lai i sualphawt an si lai,” tiah a ti.

LAMKALTU 21:13

Sihmanhsehlaw a kan thawh i, “Zeidah nan tuah? Hi bantukin nan ṭah ahcun ka lung nan ka hnoter. Jerusalem ah hin Bawi Jesuh caah ṭemnak huah lawng hi kaa tinhmi a si ṭung lo, thihnak tiang hmanh ka in lai tiah pei kaa timh cu,” tiah a kan ti.

HEBRU 10:31

Pathian nung kut chung i tlak cu thil ṭihnung ngaingai a si!

HEBRU 11:35

Zumhnak in nu hna cu an mithi kha nun ṭhanterpiak an si. A dang cu a ṭha deuhmi nunnak i thawhter si kha an duh deuh caah, luatnak kha i lak duh loin hremnak in an thi.

JEIM 4:12

Pathian lawnglawng hi nawlbia a kan petu le nawlbia cung i bia a khiak khotu cu a si. Amah lawnglawng nih hin a kan khamh khawh i a kan hrawh khawh. Cucaah cun, na minung hawi bia a ceihtu dingah khan, aho ka si ti ah dah naa ruah?

1 PETER 3:14

Cun a dingmi thil tuah ruangah temhnak nan in ahcun, nan caah lunglawmh awk a va si thiam dah! Minung kha ṭih hna hlah u, hmailei thil ruah ah nan khuaruah zong har fawn hlah u.

BIAPHUAN 2:10

Sifahnak na in dingmi kha zeihmanh ṭih hna hlah. Hi bia hi ngai hmanh. Khuachia nih khan nangmah hneksaknak caah nanmah lak i a cheu cu thong ah a thlak hna lai; harnak na inmi cu ni hra chung a si lai. Thih tiangin ka cungah zumhawktlak tein um ko; cun nunnak suiluchin kha kan pek lai.