MATTHAI 10:25 - Lai (Hakha) Common Language Bible 2006

²⁵ Cucaah siangngakchia caah a saya tluk si cu a za ko i sal caah a bawi tluk si kha a za ko. Innchungkhar i an lu cu Beelzebul ti a si ahcun, innchungkhar mi chinchin cu cu nak min chia deuh in pei auh an si lai cu,” tiah a si.

Laibaibal Thiang (BSI)

²⁵ Zultu nih zulhmi a lawh cu ai za ko, sinum nih a bawi a lawh zong ai za ve ko. Inn ngeitu pa hmanh Beelzebul an ti ahcun, a chung le hna cu an ti chinchin hna lai.

MATTHAI 10:25 ပူးပေါင်းရင်းမြစ်များ

2 SIANGPAHRANG 1:2

Ahaziah cu Samaria khua i a innkhaan cung nung i thing kharvar thlalangawng khan a tla i a kuah ko; cucaah lamkal kha a thlah hna i, “Va kal u law, Ekron khua pathian Baal-zebub kha, hi zawtnak hin ka dam ṭhan lai maw dam ṭhan lo, va hal tuah u,” tiah a chimh hna.

MATTHAI 12:24

Sihmanhsehlaw cu bia cu Farasi mi nih an theih tikah, annih tu nih cun, “Hi pa nih khuachia a ṭhawl khawh hna cu an bawipa Beelzebul nih a bawmh caah a si,” an ti.

MATTHAI 12:27

Nannih nih nan ka thawh i khuachia ka ṭhawl khawh hna cu Beelzebul nih ṭhawl khawhnak nawl kha a pek caah a si, nan ka ti. Cucu va si seh law, nanmah zultu hna kha tah aho nih dah ṭhawl khawhnak kha an pek hna? Nanmah zultu lila hna i nan tuahnak nih pei nan palhnak cu an langhter ko hi.

MATTHAI 9:34

Sihmanhsehlaw Farasi mi hna nih cun, “Khuachia ṭhawl khawhnak nawl a petu hi khuachia bawi a si,” an ti.

MARKA 10:39

Annih nih, “Kan ti khawh ko lai,” tiah an leh. Jesuh nih cun, “Ka din dingmi hrai hi nan din khawh ve taktak ko lai i ka in dingmi tipil inning hi nan in khawh ve taktak ko lai.

MARKA 3:22

Phungbia cawnpiaktu saya cheu khat Jerusalem in a rami hna nih khan, “A chungah Beelzebul aa hrolh, Khuavang ṭhawl khawhnak a petu hi khuachia bawi cu a si,” an ti.

LUKA 11:15

sihmanhsehlaw a cheu nih an i thawh i, “Khuachia ṭhawl khawhnak ṭhawnnak a petu cu khuachia hna lak i an bawi bik Beelzebul kha a si,” an ti.

LUKA 11:18

Cucaah Satan pennak zong cu a chungah anmah le anmah aa domi bu an um ahcun zeitindah a dir khawh lai? Nannih nih nan i thawh i Beelzebul nih ṭhawnnak a pek caah khuachia kha a ṭhawl khawh hna, nan ka ti.

LUKA 11:19

Ka ṭhawlning hna cu hitihin a si ahcun, nanmah nan zultu hna nih khan tah zeitindah an ṭhawl kun hna? Nanmah nan zultu hna lila nih pei nan palh diam ti kha an langhter ko cu.

JOHAN 10:20

Mi tampi nih, “Khuachia a ngei, a hrut cang, zeicahdah a bia nan ngaih?” an ti.

JOHAN 7:20

Mizapi nih cun, “Khuachia na ngei i a si ko lai? Aho nih dah thah kan in zalh?” an ti.

JOHAN 8:48

Judah mi nih khan Jesuh cu an leh i, “Nang cu Samaria mi na si i, ‘Na chungah khuachia aa hrolh,’ kan rak in ti kha kan hmaan ngaingai a si lo mei?” an ti.

JOHAN 8:52

Judah mi nih cun an thawh i, “Atu cu khuachia na ngei hrimhrim ti kha fiang tein kan hngalh cang. Abraham cu a thi diam cang, profet hna zong kha an thi cang, asinain naa thawh i, ‘Ka bia a zulmi cu zeitikhmanh ah an thi lai lo,’ na ti.