MATTHAI 10:17 - Lai (Hakha) Common Language Bible 2006

¹⁷ An in tlaih hna lai i zung ah an in chuahpi hna lai, pumhnak inn ah an in chuahpi hna lai i an in tuk hna lai cu caah vaa ralring u.

Laibaibal Thiang (BSI)

¹⁷ Asinain minung lakah i ralring u, biaceihnâk sangah an in phâkpi hna lai i sinagog chungah an in velh hna lai.

MATTHAI 10:17 ပူးပေါင်းရင်းမြစ်များ

MIKAH 7:5

Na innpa kha va zum hlah, na hawikom zong vaa bochan hlah. Na nupi sin i na chimmi hmanh kha vaa ralring.

MATTHAI 10:18

Uktu bawi hna hmai le siangpahrang hna hmaiah keimah ruangah an in chuahpi hna lai i annih cu le Jentail mi hna kha Thawngṭha kha nan chimh hna lai.

MATTHAI 20:19

Jentail mi hna kut chungah an ka chanh lai. Annih nih cun nihchuak capo ah an rak ka ser lai i fung in an ka tuk lai i vailam thing cungah an ka khenhchih lai; cun a ni thumnak ni ah nunter ka si ṭhan lai,” tiah a ti hna.

MATTHAI 23:34

Hihi kan chimh hna: Profet hna le mifim hna le cawnpiaktu hna kha kan pek hna lai; a cheu cu nan rak thah hna lai, a cheu cu vailam ah thir in nan rak khenh chih hna lai, a cheu cu nan pumhnak inn ah fung in nan tuk hna lai i khua khat hnu khua khat nan dawi hna lai.

MATTHAI 26:59

Tlangbawi upa pawl le biaceihtu pawl nih khan an thah khawhnak hnga, an dihlak in a sual an kawl,

MATTHAI 5:22

Asinain kei nih cun, ‘A u a nau cung i a thin a hungmi paoh cu biaceihtu hmaiah chuahpi nan si lai i a u siseh, a nau siseh, “Zei rua ram lo,” a timi paoh cu biaceihtu bu sinah chuahpi nan si lai; cun ahohmanh, a u siseh, a nau siseh, “Mihrut” a timi paoh cu hell mei chung i tlak awkah aa tlakmi nan si lai,’ kan ti hna.

MARKA 13:12

U le nau kha thihnak phak tiangin an i rawi lai, pale nih an fale kha cu bantuk cun an tuah hna lai i an fale zong nih an nule an pale kha an doh hna lai i thahnak an inter hna lai.

MARKA 13:9

“Nannih cu i ralring u. Zeicahtiah mi nih an in tlaih hna lai i zung ah an in chuahpi hna lai, pumhnak inn ah khan an in tuk hna lai i an in den hna lai, uktu bawi le siangpahrang hna hmaiah, annih cu Thawngṭha chimh awk le keimah ruangah an in chuahpi hna lai.

LUKA 12:11

“Pumhnak inn ah siseh, mangki bawi hmai le uktu bawi hmaiah tazacuai awkah an in chuahpi hna tikah, zeitindah kaa runven lai i zei bia dah ka chim lai, tiah nan khuaruah va har hlah u.

JOHAN 11:47

Cucaah Farasi mi hna le tlangbawi upa pawl kha Khawngsil pawl he khan an i pum i, “Zeitindah kan tuah lai? Hi pa nih hin hmelchunhnak tampi a tuah ṭung.

JOHAN 16:2

An pumhnak inn in an in ṭhawl hna lai. Cun nanmah thah hi Pathian rian ṭuan a si tiah mi nih an ruah caan a phan lai.

LAMKALTU 17:14

Khulrang in unau pawl nih khan Paul cu rilikam leiah an kalter; sihmanhsehlaw Silas le Timote kha cu Berea khua ah khan an rung cam.

LAMKALTU 22:19

Cun kei nih, ‘Bawipa, pumhnak inn kip ah ka kal i nangmah an zummi kha ka tlaih hna i ka tuk hna cu ṭha tein an hngalh ko.

LAMKALTU 26:11

Pumhnak inn kip ah khan voi tampi hremnak ka inter hna i an zumhnak kha hlawtter kaa zuam hna. An cungah khan ka thin a hun tuk caah anmah hrem awkah cun ramdang khua hmanh ah ka fuh hna.

LAMKALTU 9:2

Damaskas khua Judah pumhnak inn haotu pawl sin i theihhngalhnak ca kha a hung hal. A duhnak cu khi khua ah khan Bawipa Lam a zulmi ka hmuh hna ahcun nu thlulo pa thlulo in ka tlaih hna lai i Jerusalem ah ka kalpi hna lai, ti a si.

FILIPI 3:2

Thil ṭhalo a tuahmi hna kha i ralring hna u, nan cuarpar nan i tan awk a si a ti pengmi uico hna kha i ralring hna u.

2TIMOTE 4:15

Cun nangmah zong amah cu i ralring, zeicahtiah kan bia kha fak piin a do zungzalmi a si.

HEBRU 11:36

A cheu cu nihsawhnak le fung tuknak kha an ing i a cheu cu ṭemnak le thongthlaknak kha an ing.