MATTHAI 1:6 - Lai (Hakha) Common Language Bible 2006

⁶ Jesse cu Siangpahrang David pa a si. David cu Solomon pa a si (a nu cu Uriah nupi kha a si);

Laibaibal Thiang (BSI)

⁶ Jessi nih David a hrin; David nih Uriah nupi sinin Solomon a hrin.

MATTHAI 1:6 ပူးပေါင်းရင်းမြစ်များ

2 SAMUEL 11:3

Cun David nih mi a hei thlah hna i minu kong kha a hlat. Cun pakhat nih, “Mah nu hi Eliam fanu Bathsheba, Hit mi Uriah nupi kha a si lo maw?” tiah a ti.

2 SAMUEL 23:1

Cun mah hihi David bia hmanung bik cu an si: Jesse fapa David bia, sangpi ah cawimipa, Jakob Pathian chiti thuhmi, Israel mi hla dawh phuah thiamtu bia cu:

2 SAMUEL 23:39

Hit mi Uriah: an dihlak in sawm thum le pasarih.

1 SIANGPAHRANG 15:5

zeicahtiah David nih Bawipa mithmuh i a dingmi kha a tuah i Hit mi Uriah kong ah khan dah ti lo ahcun nawl a pekmi paoh kha a nun chung vialte pakhat hmanh a pialtak hna lo.

1 CHANRELNAK 11:41

Hit mi Uriah, Ahlai fapa Zabad,

1 CHANRELNAK 14:4

Mah hna hi Jerusalem ah a hrinmi a fale hna min cu a si: Shammua, Shobab, Nathan, Solomon,

1 CHANRELNAK 2:15

a paruknak Ozem le a pasarihnak David hna pa kha a si;

1 CHANRELNAK 28:5

Cun ka fapa vialte hna lakah (zeitintiah Bawipa nih fapa tampi a ka pek hna) ka fapa Solomon cu Israel cung i Bawipa pennak bawiṭhutdan cung i ṭhut awkah khan a thim.

1 CHANRELNAK 3:5

Jerusalem i a nupi Bathsheba, Ammiel fanu nih a hrinmi cu mah hna hi an si: Shimea, Shobab, Nathan le Solomon,

SALM 72:20

Hihi Jesse fapa David thlacamnak an donghnak a si.

ISAIAH 11:1

Siangpahrang David ciruang hi haumi thingkung bantuk a si; chumhmui in nge thar an corh bantukin David tefa chungin siangpahrang thar pakhat a chuak lai.

MATTHAI 1:5

Salmon cu Boaz pa a si (a nu cu Rahab a si); Boaz cu Obed pa a si (a nu cu Ruth a si); Obed cu Jesse pa a si,

ROM 8:3

Minung kan sining kha a der ruang i Nawlbia nih a tuah khawh lomi kha Pathian nih a tuah. Minung kan sining chung i a ummi sualnak cu Pathian nih a Fapa a run thlahnak thawng khan sual a phawt cang. Sualnak teinak ding caah cun minung kan sining a sualmi bantuk sining he hin a ra.

RUTH 4:22

Obed cu Jesse pa a si i Jesse cu David pa a si.

1 SAMUEL 16:1

Bawipa nih Samuel sinah cun, “Israel mi hna cung i siangpahrang a sinak in ka hlawt na hmuhmi Saul kong ah hin zei can dah ngaihchia in na um lai? Na ki ah khan chiti rawn law, va kal tuah; nangmah cu Bethlehem khuami Jesse sinah kan thlah lai, zeicahtiah amah fapa hna lakah siangpahrang ca i kaa thimmi a um cang,” tiah a ti.

1 SAMUEL 17:12

Cun David cu Bethlehem khua i Jesse fapa a si. Jesse cu Efrath chung a si i fapa pariat a ngei. Saul chan ah khan cu pa cu a tar cang i a kum a upa cang.

1 SAMUEL 17:58

Cun Saul nih a sinah, “Aho fapa dah na si, tlangvalpa?” tiah a ti. Cun David nih, “Bethlehem khuami na sal Jesse fapa ka si,” tiah a leh.

1 SAMUEL 22:8

nannih i nan dihlak in nan ka rawiphiar len ko hi? Ka fapa nih Jesse fapa he ṭanṭinak a tuah tikah, ahohmanh nih ka sinah nan phuang lo i ka fapa nih ka sinum kha nihin ah a si bantuk hin, keimah doh awk le keimah bawh awkah a forh tikah, keimah a ka ngaihchiatpitu pakhat hmanh nan um lo i a phuan zong keimah sinah ahohmanh nih nan phuang fawn lo,” tiah a ti.