MATTHAI 1:21 - Lai (Hakha) Common Language Bible 2006

²¹ Fapa a hrin lai i a min ah Jesuh na sak lai — zeicahtiah a mi kha an sualnak chungin a khamh hna lai,” tiah a ti.

Laibaibal Thiang (BSI)

²¹ Fapa a hrin lai i a mi hna an sualnâk chungin a khamh hna lai caah a min ah JESUH tiah na sak lai,” tiah a ti.

MATTHAI 1:21 ပူးပေါင်းရင်းမြစ်များ

GENESIS 17:19

Sihmanhsehlaw Pathian nih, “Na palh; na nupi Sarah nih fapa an hrinpiak lai i a min ah Isak na sak lai. Amah le a tefa hna sinah khan ka biakamnak cu ka fehter lai. Cu ka biakamnak cu zungzal hmunmi biakamnak a si.

GENESIS 17:21

Cun ka biakamnak cu, Sarah nih kumvoi atu tik i an hrinpiak laimi na fapa Isak sinah ka fehter lai,” a ti.

GENESIS 18:10

A lengtu hna pakhat nih cun aa thawh i, “Na nupi Sarah nih kumvoi atu tikah hin fapa a hrin lai i cu tikah cun ka ra ṭhan te lai,” a ti. Sarah nih cun a hnulei innka khan a ngaih ko hna.

JEREMIAH 23:6

Amah chan ah cun Judah cu him tein khua a sa lai i Israel cu hnahnawh lo tein a um lai. Amah a min cu, Bawipa cu kan Dinnak a si, ti a si lai.

JEREMIAH 33:16

Khi ni ah cun Judah cu him tein a um lai i Jerusalem cu ahohmanh nih hnahnawh lo tein khua a sa lai; cun a min cu, ‘Bawipa cu kan dinnak a si,’ ti a si lai,” tiah Bawipa nih a ti.

DANIEL 9:24

Na mi hna le nan khua thiang caah zarh sawm sarih kha chiah a si; khi hnuah raldohnak kha a dong lai; sualnak kha a dih lai; ṭhat lonak kha ngaihthiam a si lai i zungzal dinnak kha run tlunter a si lai, langhnak le profet bia chimhnak kha a tling lai i Hmun Thiang Bik cu chiti thuh a si lai.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

MATTHAI 1:25

Sihmanhsehlaw fa a hrin hlantiang, nu le va an si lo. Fapa a hrinmi cu Jesuh tiah Josef nih a sak.

LUKA 1:13

Sihmanhsehlaw vancungmi nih cun a thawh i, “Zekhariah, na thinphang hlah! Pathian nih na thlacamnak kha a theih i na nupi Elizabeth nih fapa an hrinpiak lai. A min ah Johan na sak lai.

LUKA 1:31

Nau na pawi lai i fapa na hrin lai i a min ah Jesuh na sak lai.

LUKA 2:11

Tu zan hrimhrim ah hin David khua chungah nan Khamhtu kha a chuak cang — Khrih Bawipa cu!

LUKA 2:21

Cu hnu zarh khat ah, ngakchia cu cuarpartan caan a phak tikah khan, a min ah Jesuh an sak — cu min cu a nu nih a pawi hlan i vancungmi nih a rak sak cangmi kha a si.

JOHAN 1:29

A thaizing ah Johan nih cun Jesuh cu a sin i a rat kha a rak hmuh i, “Zohhmanh u, Pathian Tuufa, vawlei sualnak a kalpitu khi!

JOHAN 4:42

minu cu an thawh i, “Atu cu nangmah na chimmi ruangah khan si loin, kan mahte nih kan theihmi le amah cu vawlei Khamhtu a si hrimhrim ti kha kan hngalh caah kan zumh,” an ti.

LAMKALTU 13:23

Hi pa tefa chung hin, Pathian nih bia a rak kam cang hna bangin, Israel mi cu khamhtu Jesuh kha a pek hna.

LAMKALTU 3:26

Cucaah Pathian nih a Sal cu a thim i nan sinah a hmasa bik ah a rak thlah, cuti in a rak thlahnak cu, nan ziaza ṭhalo kha nan mertak hna i thluachuahnak an pek hna nakhnga caah a si,” tiah a ti.

LAMKALTU 4:12

Amah thawng lawnglawng in khamhnak hi hmuh khawh a si. Zeicahtiah vawlei cung dihlak ah hin a kan khamh khotu ding min dang zeihmanh a um lo,” tiah a ti.

LAMKALTU 5:31

Israel mi kha i ngaihchihnak caan ṭha le sual ngaihthiamnak pek awkah amah cu Pathian nih a orhlei kamah khan Hruaitu le Khamhtu in a ṭhutter cang.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

HEBRU 7:25

Cucaah cun amah thawngin Pathian a fuhmi hna paoh cu a khamh khawh zungzal ko hna; zeicahtiah zungzal in a nun caah Pathian kha a nawlpiak khawh zungzal hna.

1JOHAN 1:7

Sihmanhsehlaw ceunak chung i a um bantukin kannih zong ceunak chung i kan um ahcun pakhat le pakhat hawikomhnak kan ngei i a Fapa Jesuh thi nih khan kan sualnak vialte in a kan thianh.

1JOHAN 3:5

Khrih cu minung sualnak lakpiak awkah a ra i a chungah sualnak zeihmanh a um lo ti kha nan hngalh.

BIAPHUAN 7:14

“Ka hngal lo, bawipa, Nangmah nih ta na hngalh deuh lai,” tiah ka leh. Cun a ka thawh i, “Hi mi hna hi hremnak nganpi a ingmi kha an si; Tuufa thi chungah an puan kha an suk i an puan cu an vaar cang.

BIACEIHTU 13:3

Cun Bawipa vancungmi cu minu sinah cun a lang i amah sinah cun, “Zohhmanh, na cing i fa na ngei lo; sihmanhsehlaw fa na pawi lai i fapa na hrin lai.

1 SAMUEL 1:20

cun a caan a tlin tikah Hannah cu fa a pawi i fapa a hrin i, “Amah cu Bawipa sinin ka halmi a si,” tiin a min ah Samuel a sak.