MATTHAI 1:20 - Lai (Hakha) Common Language Bible 2006

²⁰ Cu kong a ruah lengmang lioah khan, a mang ah Bawipa vancungmi pakhat kha a sinah a lang i, “David tefa Josef, Mary hi na nupi ca i lak awkah ṭih hlah. Zeicahtiah fa a pawimi hi Thiang Thlarau thawngin a si.

Laibaibal Thiang (BSI)

²⁰ Asinain cu kong a ruah lio ah ngaihmanh, Bawipa vancungmi a mangah â lang i, “Josef, David fapa, Mary hi na nupi ca i ṭhit awkah ṭih hlah, zeicatiah fa a pawimi hi Thiang thlarau sinin a si.

MATTHAI 1:20 ပူးပေါင်းရင်းမြစ်များ

GENESIS 31:11

Cu ka mang ah cun vancungmi nih a ka thawh i, ‘Jakob,’ a ka ti i, kei nih, ‘Hawi,’ ka ti.

GENESIS 46:3

“Keimah cu Pathian, na pa i a Pathian ka si. Izipt ram kal cu ṭih hlah; cuka ah cun na tefa hna cu miphun ngan ah ka ser hna lai.

1 SIANGPAHRANG 17:13

Cun Elijah nih amah cu a thawh i, “Ṭih hlah, va kal law na chim bang cun va tuah ko; sihmanhsehlaw a hmasa bik ah keimah cu hlum hmete in va ka serpiak law, rak ka put, cun a hnuah nangmah ca le na fapa caah cun va ser.

1 SIANGPAHRANG 3:5

Gibeon ah cun Solomon sinah Bawipa cu mang in zan ah a lang i Pathian nih cun, “Zeidah kan pek lai, ka hal tuah,” tiah a ti.

SALM 119:125

Kei cu na sal ka si, cucaah cun hngalhthiamnak ka pe law na ka cawnpiakmi kha ka hngalh khawh hna lai.

SALM 143:8

Nangmah cu kan bochan ko; zinglei ah a fekmi na dawtnak kha ka hngalhter ṭhan ko. Ka thlacamnak cu nangmah sinah an kai, ka kalnak ding lam cu ka hmuhsak ko.

SALM 94:19

Khuaruahhar vansang au in ka um tikah na ka hnemh i ka lung na ka lawmhter.

PHUNGTHLÛKBIA 12:5

Miding hna tinhmi cu mi cung i ding tein tuah kha a si, sihmanhsehlaw miṭhalo hna khuakhannak cu hlennak in a khat.

ISAIAH 26:3

Bawipa, nangmah nih, an i tinhmi kha fek tein aa tlaih i nangmah an bochanmi cu, a tlingmi daihnak kha na pek hna.

ISAIAH 30:21

Lam in kehlei orhlei ah nan pial sual ahcun, “Lam cu hika leiah hin a si. Lam kha zul u,” tiah nan hnulei in a aw kha nan theih lai.

ISAIAH 51:7

“Zeidah a hmaan ti kha a hngal i a lung chungah ka cawnpiaknak aa cinkenmi hna, ka bia ngai tuah u. Mi nih an in hro hna le an in zawmhtaih hna tikah nan thinphang hlah u.

ISAIAH 7:13

Cu tikah Isaiah nih cun aa thawh i, “Siangpahrang David tefa a simipa, ka bia hi ngai tuah. Hi tlukin minung ing na puanter cang pinah hin maw Pathian ing cu na puanter rih lai?

ISAIAH 7:2

Judah siangpahrang nih Siria ralkap hna cu Israel ram chung kha an phan cang, ti kha a theih tikah, amah le a mi hna cu an thin a phang tuk hringhran i thlitu nih thingkung a hninh bantuk khin an i hnin.

JEREMIAH 31:22

Zeicahdah lung awṭawm in nan um lai, nannih zumhawktlak lomi hna? Bawipa nih thil thar pakhat vawlei cungah hin ka ser: nu nih pa an tluk hna lai.”

JEREMIAH 33:26

Mah hihi ka tuah bantukte hin Jakob tefa hna le ka sal David sin i ka biakamnak cu ka fehter lai. Abraham, Isak le Jakob tefa hna uktu ah David tefa pakhat kha ka thim lai. Ka mi cu an van ṭhatnak kha ka pek ṭhan hna lai i an cungah zaangfahnak ka ngei lai,” tiah a ti.

JEREMIAH 40:9

Safan fapa Ahikam i fapa Gedaliah nih cun an sinah khan biakamnak a ser i, “Khaldi mi bawi hna kha ṭih hna hlah u. Ram chungah hin um ko u law Babilon siangpahrang hi rian ko u law nan caah a ṭha ko lai.

JOEL 2:28

“Cun cu hnuah cun, mi vialte kha ka thlarau ka toih hna lai i Nan fapa hna le nan fanu hna nih ka bia kha an chim lai, Nan tar hna nih mang an manh lai i Nan tlangval hna nih langhnak an hmuh lai.

NAMBAR 12:6

Cun amah nih, “Ka bia ngai tuah u: Nannih lakah profet an um tikah Bawipa keimah nih langhnak in an sinah kaa hngalhter i mang in ka chawnh hna.

MATTHAI 1:18

Jesuh Khrih a chuahning cu hitihin a si: A nu Mary cu Josef he khan an i ham i asinain an i umh hlanah Thiang Thlarau in nau ka ngei lai ti kha a hngalh.

MATTHAI 2:12

Pathian nih an mang ah Herod sin i kir ti lo ding khan a chimh hna i cucaah lam dang in an ram ah khan an kir.

MATTHAI 2:13

Annih an kal hnuah Bawipa vancungmi pakhat cu Josef sinah khan a mang ah a lang i, “Tho law, ngakchia le a nu kha i kalpi hna law Izipt ram ah va zam u. Cun chuak cang u, kan ti hna hlantiang cuka ah cun va um u. Herod nih ngakchia hi thah awkah a kawl lai,” tiah a ti.

MATTHAI 2:19

Herod a thih hnuah Izipt ram ah khan Josef sinah cun Bawipa vancungmi pakhat kha a lang i,

MATTHAI 2:22

Arkelau nih a pa Herod kha a hun chan i Judea ram ah siangpahrang a si ti kha Josef nih a theih tikah cuka i va um awk cu a ṭih. A mang ah an chimh bantukin Galilee ram ah khan a kal i

MATTHAI 27:19

Pilat cu biaceihnak khaan chung i a ṭhut lioah khan a nupi nih bia a hun cah i, “Kha mipa, sualnak zeihmanh a tuah lomi kha zei ti hmanh in rak ti hlah; zeicahtiah zahan ah ka mang in kha pa ruangah khan sifahnak tampi ka in,” tiah a ti.

MATTHAI 28:5

Vancungmi nih khan nu cu a thawh hna i, “Nan thinphang hrimhrim hlah u. Vailam tahnak thing i khenhchihmi Jesuh nan kawl ti kha ka hngalh.

LUKA 1:19

Vancungmi nih cun a leh i, “Kei cu Gabriel, hi thawngṭha nangmah chimh awkah a ka thlahtu Pathian hmai i a dirmi cu ka si.

LUKA 2:4

Josef cu Galilee ram i Nazareth khua in Judea ram i Bethlehem khua an timi, Siangpahrang David chuahnak khua ah khan a kal. Josef kha khika i a kalnak cu amah kha David hrinsor a si caah a si.

LAMKALTU 5:19

Sihmanhsehlaw cu zan ah cun Bawipa vancungmi nih thonginn kutka kha a hun hna i lamkaltu kha a chuahpi hna i,

BIAPHUAN 19:7

I lawm u si law i nuam u sih; a lianngannak cu thangṭhat u sih! Zeicahtiah Tuufa nupi ṭhit caan cu a phan cang i a ṭhit laimi ngaknu cu aa tim cang.

BIACEIHTU 13:3

Cun Bawipa vancungmi cu minu sinah cun a lang i amah sinah cun, “Zohhmanh, na cing i fa na ngei lo; sihmanhsehlaw fa na pawi lai i fapa na hrin lai.