MATTHAI 1:18 - Lai (Hakha) Common Language Bible 2006

¹⁸ Jesuh Khrih a chuahning cu hitihin a si: A nu Mary cu Josef he khan an i ham i asinain an i umh hlanah Thiang Thlarau in nau ka ngei lai ti kha a hngalh.

Laibaibal Thiang (BSI)

¹⁸ Jesuh Krih chuah ning cu hitihin a si: Anu Mary cu Josef he an i ham i an i umh hlanah, Thiang thlarau nih nau a pawiter tiah hngalh a si.

MATTHAI 1:18 ပူးပေါင်းရင်းမြစ်များ

GENESIS 3:15

Nangmah le nu cu nan i hua lai, a tefa le na tefa cu ral an si lai. Mi nih na lu kha rial an in zuam lai i nang nih an kedil kha cuk naa zuam ve lai,” a ti.

JOB 14:4

Cu bantukin a thiang lomi minung chung cun a thiangmi zeihmanh a chuak kho bal lai lo.

JOB 15:14

Minung cu zeidah a si i a thian khawh lai cu? Nu hrinmi fa cu zeidah a si i a din khawh lai cu?

MATTHAI 1:1

Jesuh Khrih chuahkehnak cu hitihin a si. Amah cu David tefa kha a si i David cu Abraham tefa kha a si.

MATTHAI 12:46

Jesuh cu mizapi sinah bia a chim lengmang lioah khan a nu le a naule kha an ra. Lengah khan an dir i chawnh kan duh, tiah an ti.

MATTHAI 2:11

Inn chungah khan an vung lut i ngakchia kha a nu Mary sinah cun an vung hmuh. An khuk an i bil i an biak. Cun an zal chung khan laksawng an i chuah i an pek, cu an laksawng cu sui le frankinsen zihmui le mura zihmui an si.

LUKA 1:25

A thawh i, “Atu cu a donghnak ah Bawipa nih hi tlukin maw a ka bawmh! Zapi hmai i ka ningzahnak cu a ka lakpiak cang,” tiah a ti.

LUKA 2:5

Cun minthlak awk i a kal ah khan a hammi Mary kha a sinah aa kalpi. A nithla kha a tling dengmang i

DEUTERONOMI 22:23

“Hammi ngaknu pakhat cu mipa pakhat nih a khua chungah a ton i a ihpi ahcun,

HEBRU 10:5

Cucaah Khrih nih vawlei i a rung ṭum lai ah khan Pathian cu a thawh i, “Raithawinak le pekchanhmi thil cu na duhmi an si lo, Sihmanhsehlaw keimah caah taksa pum kha na ka timhpiak cang.

HEBRU 7:26

Cucaah Jesuh cu kan duhnak a tlinter khotu Tlangbawi Ngan cu a si; palhnak a ngei lo, sualnak a ngei lo; misual mi hna lak khan ṭhen a si i vancung ah khin cawi a si.