MATTHAI 1:11 - Lai (Hakha) Common Language Bible 2006

¹¹ Josiah cu Jekhoniah le a naule hna i an pa a si; cu caan ah cun Israel mi cu Babilon ram ah sal ah an kalpi hna.

Laibaibal Thiang (BSI)

¹¹ Babilon i sal an tân lio ah Josiah nih Jekoniah le a nau a hrin hna.

MATTHAI 1:11 ပူးပေါင်းရင်းမြစ်များ

2 SIANGPAHRANG 23:31

Jehoahaz cu bawi hram aa thawk ah kum kul le kum thum a si i Jerusalem in thla thum a bawi. A nu min cu Hamutal a si, amah cu Libnah khuami Jeremiah fanu a si.

2 SIANGPAHRANG 24:14

Jerusalem mi vialte le bawi vialte le ralṭha le miṭhawng vialte, tlaihmi thong hra, cun zungthiam le soser vialte cu a kalpi dih hna; ram chung i sifak bikmi hna dah ti lo cu ahohmanh an tang lo.

2 SIANGPAHRANG 25:11

Cun mi a tang rihmi khua chungah nganhtami hna le Babilon siangpahrang sin i a rak zammi hna kha le zapi a tang rihmi vialte hna kha ralvengtu haotu Nebuzaradan nih sal ah a hruai dih hna.

2 CHANRELNAK 36:10

Cun cu kum ṭhal ah Nebukhadnezzar Siangpahrang nih mi a thlah hna i amah cu Bawipa inn chung i umkheng mansung hna he cun Babilon ah an ratpi i a unau Zedekiah cu Judah le Jerusalem siangpahrang ah a ser.

2 CHANRELNAK 36:20

Cun vainam thahnak in a luatmi hna kha Babilon ah sal ah a kalpi hna i Persia pennak a feh hlantiang annih cu amah le a fapa hna sal ah an cang;

ISAIAH 13:1

Hi bia hi Babilon kong ah Amoz fapa Isaiah nih Pathian sinin a hmuhmi bia a si:

JEREMIAH 27:20

Jerusalem in Babilon ah a kalpi hna tikah khan, Nebukhadnezzar nih a kalpi lomi hi khua chungah a tangmi tung hna le dar hmaihum nganpi le a dirnak ke hna le umkheng dang vialte hna kong ah Bawipa bia cu hihi a si.

JEREMIAH 39:9

Ralvengtu hna haotu Nebuzaradan nih khuachung i a tangmi hna le anmah sin i a zammi hna le zungthiam a tangmi hna cu Babilon ah sal ah a kalpi hna.

DANIEL 1:2

Bawipa nih Nebukhadnezzar cu Judah siangpahrang Jehoiakim kha a tlaihter i biakinn chung thil zong kha tlawmpal a lakter. Thongtla hna cu Babilon ram i a pathian inn ah khan a kalpi hna i thilri hna cu chawhlawn chiahnak inn ah khan a chiah hna.

MATTHAI 1:12

Babilon i sal i an kalpi hna hnuah: Jekhoniah cu Shealtiel pa a si; Shealtiel cu Zerubbabel pa a si;

MATTHAI 1:17

Cucaah Abraham in David tiangah chan hleili, David in Babilon i sal i an tan tiangah chan hleili, sal i an tan in Messiah chuah tiangah chan hleili a si.