MARKA 9:32 - Lai (Hakha) Common Language Bible 2006

³² Cu cawnpiaknak cu a sullam an hngal lo, sihmanhsehlaw an hal ngam lo.

Laibaibal Thiang (BSI)

³² Asinain a chimmi cu an hngal kho lo, Amah le an hal ngam fawn lo.

MARKA 9:32 ပူးပေါင်းရင်းမြစ်များ

MARKA 16:14

A hmanung bik ah Jesuh cu a zultu pahleikhat hna sinah khan rawl an ei lioah a lang. Zumhnak an ngeih lo ruang le a nung in a hmumi hna chimmi kha an zumh khawh lo ruangah a sik hna.

MARKA 7:18

Jesuh nih cun, “Midang nakin nan fim hlei lo hi ta! Nan hngal kho hrim lo maw? Minung cu lenglei in a chungah a lutmi thil nih cun a thurter lo.

MARKA 8:33

Sihmanhsehlaw Jesuh cu aa mer i a zultu hna lei kha a zoh i Peter cu a mawhchiat ve i, “Ka sinin kal ko, Satan; zeicahtiah na ruahning hi minung ruahning a si, Pathian ruahning a si lo,” tiah a ti.

MARKA 9:10

A nawl cu an zulh, sihmanhsehlaw anmah le anmah cu an i ceih i, “ ‘Thihnak in thawh’ timi hi a sullam zeidah a si ee?” an ti.

LUKA 18:34

A zultu hna nih khan hi thil kong hi zeihmanh an hngal lo; a bia sullam kha thuhkanh an si i Jesuh nih a chimmi a sullam kha an hngal lo.

LUKA 2:50

Sihmanhsehlaw annih nih a chimhmi hna kha a sullam an hngal lo.

LUKA 24:45

Cun an lungthin kha a hun pemh hna i Cathiang sullam kha an hun hngalh.

LUKA 9:45

Sihmanhsehlaw cucu a sullam zeidah a si ti kha an hngal lo. An hngalh nakhnga lo thuhkanh an si i cu kong cu amah hal kha an ngamh fawn lo.

JOHAN 12:16

Cu caan ah cun a zultu hna nih khan cu thil a sullam cu an hngal lo, sihmanhsehlaw sunparnak ah thawhter a si tikah khan, amah kong ah hin, hi bantukin Cathiang nih a rak chim i an tuahmi kha amah an tuahpiak a rak si, ti kha an lung a hung pem.

JOHAN 16:19

Jesuh nih amah hal an duh kha a hngalh i cucaah annih cu a thawh hna i, “ ‘Hi hnu tlawmpalte ah nan ka hmu lai lo, cun hi hnu tlawmpalte ah nan ka hmuh lai,’ ka timi cu maw nanmah le nanmah nan i ceih lenmi cu a si?

JOHAN 4:27

Cu liote ah cun Jesuh zultu pawl kha an hung kir; minu he bia an rak i ruah kha an hmuh hna tikah an khuaruah a har ngaingai. Sihmanhsehlaw ahohmanh nih minu cu, “Zeidah na herh?” tiah an ti lo i Jesuh zong cu, “Zeicahdah minu he khan bia nan i ruah,” tiah an hal lo.