MARKA 9:28 - Lai (Hakha) Common Language Bible 2006

²⁸ Cun Jesuh cu inn chungah a luh hnuah a zultu hna nih khan a thli tein, “Zeicahdah kannih nih kha khuachia kha kan ṭhawl khawh lo?” tiah an hal.

Laibaibal Thiang (BSI)

²⁸ Cun Jesuh cu inn i a luh hnuah a zultu hna nih mi dang theih loin, “Zeicadah kan ṭhawl khawh lo, ”tiah an ti.

MARKA 9:28 ပူးပေါင်းရင်းမြစ်များ

MATTHAI 13:10

A zultu hna kha a sinah cun an hung kal i, “Bia na chimh hna tikah zeicahdah bianabia na hman?” an ti.

MATTHAI 13:36

Jesuh nih mizapi cu a kaltak hna i inn chungah a lut. A zultu cu a sinah khan an ra i, “Lo chung belh bianabia sullam kha kan chim tuah,” an ti.

MATTHAI 15:15

Peter nih khan a hun i thawh i, “Hi tahchunhnak bia hi a sullam kan chim tuah,” tiah a ti.

MARKA 2:1

Cu hnu ni tlawmpal ah khan Jesuh cu Kapernaum khua ah khan a ra ṭhan i a inn ah a um ti thawng kha a thang.

MARKA 3:20

Cun Jesuh cu inn ah a tlung. Mi nih khan a zual in an zual ṭhan hoi caah Jesuh le a zultu hna cu rawl einak caan hmanh an ngei lo.

MARKA 4:10

Jesuh cu amah lawngin a um tikah khan, a bia a theimi hna le a zultu hleihnih hna kha a sinah an ra i bianabia sullam cu kan chim tuah, tiah an ti.

MARKA 4:34

Annih cu tahchunhnak hmang loin a chim hna lo, sihmanhsehlaw a zultu he lawng an um tikah cun zeizong vialte kha an sullam fiang tein a chimh hna.

MARKA 7:17

Mizapi kha a kaltak hna i inn chung i a luh tikah khan a zultu nih hi bianabia kong kha an hal.

MARKA 9:27

Sihmanhsehlaw Jesuh nih khan ngakchiapa cu a kut in a vun thawh i a hung dir.

MARKA 9:29

Jesuh nih, “Hi bantuk phun hi cu thlacamnak dah ti lo nih cun zeihmanh nih a ṭhawl kho lo,” tiah a leh hna.