MARKA 9:23 - Lai (Hakha) Common Language Bible 2006

²³ Jesuh nih, “Na kan bawmh khawh ahcun na ti maw? Asi, zumhnak a ngeimi caah cun zei paoh a si kho ko,” tiah a ti.

Laibaibal Thiang (BSI)

²³ Jesuh nih, “Na zumh khawh ahcun, zumtu caah zei thil pauh a si kho ko,” tiah a ti.

MARKA 9:23 ပူးပေါင်းရင်းမြစ်များ

2 CHANRELNAK 20:20

Cun zingka tein an tho i Tekoa ramlak ah khan an va kal; cun an kal lioah khan Jehoshafat cu a dir i, “Judah ram mi hna le Jerusalem mi hna, ka bia thei tuah u! Bawipa nan Pathian cu zum u law fehter nan si lai; a profet hna kha zum hna u law nan hlawh a tling lai,” tiah a ti.

MATTHAI 14:29

Jesuh nih cun, “Ra ngat,” tiah a ti. Cucaah Peter cu lawng cun a vung ṭum i ti cungah cun a ke in Jesuh leiah cun a kal.

MATTHAI 17:20

Jesuh nih cun, “Nan zumhnak a zat lo caah a si. Hihi va philh hlah u: Anṭam ci tiate hmanh zumhnak nan ngeih ahcun, hi tlang hi, ‘I thawn,’ ti u law aa thawn ko lai. Zei paohpaoh kha nan tuah khawh ko lai.

MARKA 11:23

Biatak kan chimh hna, ahohmanh nih hi tlang hi, ‘Tho law rili ah khin vaa paih,’ tiah zumh lonak zeihmanh um loin nan ti i, kan chimmi hi a tling lai, tiah nan zumh ahcun, tuahpiak nan si ko lai.

MARKA 9:22

Cun a pa nih cun, “Mei chung hawi hna ah a paih, ti chung hawi hna ah a thlak i voi tampi a thah dengmang tawn. Zei kan ti hnga, na kan bawmh khawh ahcun kan bawm hram ko sawh,” tiah a ti.

MARKA 9:24

Cun a pa cu a au i, “Ka zumh ko, sihmanhsehlaw a za lo, ka bawm tuah!” tiah a ti.

LUKA 17:6

Bawipa nih cun a leh hna i, “Nannih nih anṭam ci ngaw zumhnak nan ngeih ahcun, hi thingtheihmung kung hi, ‘Na hram in i phawi law rili ah khin vaa phun,’ nan ti ah nan nawl an ngaih ko hna lai,” tiah a ti.

JOHAN 11:40

Jesuh nih Martha cu, “Na zumh ahcun Pathian sunparnak na hmuh lai, tiah ka rak in ti lo maw?” tiah a ti.

LAMKALTU 14:9

Khika ah cun a ṭhu ve i Paul bia kha a ngai ve. Paul nih cun, hi pa nih hin ka chimmi hi a zumh i damh khawh a si lai, ti kha a hmuh caah amah cu dengteo in a vun zoh i

HEBRU 11:6

Ahohmanh nih zumhnak loin Pathian lung ton khawh a si lo; zeicahtiah Pathian a fuhmi paohpaoh nih cun, Pathian cu a um i amah a kawlmi cu laksawng a pek hna, ti kha an zumh awk a herh.