MARKA 9:18 - Lai (Hakha) Common Language Bible 2006

¹⁸ Khuavang nih a chuahhnawh fate vawlei ah khan a thluk i a buanbara a tawh i a hacang aa rial i a ṭhom dih. Na zultu kha khuavang ṭhawl cu ka fial hna nain an ṭhawl kho lo,” tiah a ti.

Laibaibal Thiang (BSI)

¹⁸ A tlaihnâk hmun pauh ah a tlukter i a buanbara kha a chuak tawn, a hacang a rial i a der chin lengmang. Na lamkaltu hna hi ṭhawl ka fial hna i an ṭhawl kho lo,” tiah a ti.

MARKA 9:18 ပူးပေါင်းရင်းမြစ်များ

JOB 16:9

Na thin hun in na ka thleh i na ka bauh, Na hacang na ka rialhnawh; Na thinhunnak cu fiang tein a lang.

SALM 112:10

Miṭhalo pawl nih khan hihi an hmuh i an ing a puang, an hacang lawng an rial ko; an rak i ruahchanmi kha pakpalawng ah a can dih bantuk khan annih zong an lo ve.

MATTHAI 15:22

Cuka ram i a ummi Kanaan minu pakhat cu a sinah a ra i, “David Fapa, ka zaangfah tuah. Ka fanu cu khuavang nih a tuah i awlokchong in a um ko,” tiah fak piin a au.

MATTHAI 17:16

Na zultu pawl sinah ka ratpi nain an damter kho lo,” tiah a ti.

MATTHAI 8:12

Sihmanhsehlaw Vancung Pennak chung i a um ding a simi hna tu kha cu, khualeng muihnak ah hlonh an si lai i cuka ah cun an ṭap lai i an hacang an rial lai,” tiah a ti.

MARKA 11:23

Biatak kan chimh hna, ahohmanh nih hi tlang hi, ‘Tho law rili ah khin vaa paih,’ tiah zumh lonak zeihmanh um loin nan ti i, kan chimmi hi a tling lai, tiah nan zumh ahcun, tuahpiak nan si ko lai.

MARKA 9:17

Mizapi lak cun pakhat pa nih a hun leh i, “Saya, ka fapa cu khuavang nih a tuah i a holh khawh lo caah na sinah ka ratpi.

MARKA 9:19

Cun Jesuh nih cun, “Nan va zum lo hringhran dah! Zei can dah nan sinah hin ka um a herh rih lai? Zei can dah kaan in hna lai? Ngakchiapa cu ratpi u,” tiah a ti hna.

MARKA 9:20

Cun a sinah cun an ratpi. Khuachia nih khan Jesuh kha a hmuh cangka in ngakchiapa cu mah hngal loin a tuah i vawlei ah a hrilh i heh tiah aa let len i a buanbara zong a tawh dih.

MARKA 9:26

Khuavang nih cun ngakchiapa cu mah hngal loin a vun tuahtak i cun a chuak. Ngakchiapa cu miruak bantuk a si ko, cucaah aho paoh nih, “A thi,” an ti.

LAMKALTU 7:54

Steven bia kha khawngsil pawl nih cun an theih tikah a henh in a henh hna i an hacang lawng kha an rial ko.

JUDAS 1:13

Rili tilet ṭihnung bantuk an si, ningzak a simi an tuahsernak cu tilet buanbara bantukin an lang. A vak a vaimi arfi bantuk an si, cu arfi hna cu Pathian nih muihnak a thuk bik chungah khin hmun a chiahpiak ko hna.